سؤال لاخواتي المتزوجات

[ما أروعك!]

اخواتي المتزوجات

اعتذر لجرأة استفساري

لكن فعلا ما قدرت اسأل غيركم لحساسية السؤال و احراجه

بالنسبة لديباجاتكم

هل تغيرونها يوميا؟

ما تهتري مع كثرة الغسيل؟

شلون تحافظون عليها نظيفة ؟

والله انا اسأل بجدية

سؤالي للمتزوجات فقط

لانهم فاهمين قصدي

لو الموضوع غير لائق علموني احذفه

 

[عطورات شرقيه]

اختي الغاليه....
سؤالك مافيه شيء ... بس بقول لك عن نصيحه استخدمي فوط ... يعني خلي دايم جنب السرير فوط عند الحاجه ...
على شان مايتوسخ السرير ولايجيه شيء

 

[قيد الغرام]

انا اقولج طريقه علمتني اياها اختي الكبيره

لازم تكون عندج شراشف ساده بالوان على حسب ديباجاتج

عقب ما تفرشين ديباجج تاخذين الشرشف

وتصفطينه بالطول مرتين وتحطينها بوسط السرير فهمتي قصدي

وتغيرنها كل يوم طبعا بس عاد هالطريقه ما تمنع انج تغرين الفراش حتى لو نظيف

وانشالله فهمتي الطريقه

 

[~ام خالد~]

الافضل الطريقة اللي قالتها الاخت
عطورات الشرقيه
بقسم حفاضات اليهال
تحصلين فرشات خليهم يمج احسن لج

وبالنسبه للشراشف اغسلهم بالبيت
عادي ما يختبربون ولا يصير فيهم شي
بس الكفرات اوديهم المصبغه

 

[ما أروعك!]

عطورات شرقية

قيد الغرام

ام خالد


جزاكم الله خير على سرعة الرد على استفساري

صج انكم خوات

الله يخليكم لنا و لاهلكم ويبارك لكم بازواجكم وذريتكم

 

[سندريلا86]

ممكن تستحدمين الفوط الخاصة كا ذكر او شرشف يكون قطعة ثانية فوق الاقلي اللي انتي حاطتة وبس

 

[flora]

والله اختي عن نفسي انا احب حشوة الكفر والتلبيس روعه ونظافه واخذ التلبيس من سيرز او لاندمار هوم وتقريبا كل 3 ايام اغير التلبيس واذا توصخ طبعا اغيرا علي طول
والغسيل اسهل منه مافي واحسن من المصبغه وارفها ما تعرفين شلون ومع منو يغسلون كفراتج

وتلبيس الكفر اخذا من سيرز او ايكيا واغسله بالبيت اهو والتلبيس واسفه علي الاطاله

 

[الفرعونيه]

حبيبتى احنا المتزوجات لازم نغسل الشراشف شبه يومى وحتى لو مافيه شى لازم تغيرينه 00وسالفة الكفرات ينهرون لازم 00انتى اذا شفتيهم منهرين احذفيه اشترى غيره ولاتكدسين عندج

 

[كرستال 2008]

احسن شي الشرشف ... انا حاطه شرشف ابيض اسفطه واحطه تحت السرير وما اطلعه لين احتاجه

 

[ثلاثينية]

بإيكيا في نوع من الكفرات الخفيفه تقدرين تحطينها تحت الشرشف واذا توصخ تغسلينه عادي بالغساله
وبالنسبه للتغيير انا احب اغير كل 4 ايام حتي لو كان نظيف.... واذا انتي تحاتين اذا يهتري بالغسيل انا اقولج لا تحاتين لانه احنا الحريم دايما نحب التجديد

 

[sosoalkuwait]

إختي الغالية سئوالك مافية شيئ والعلم مافية حرج بس شوفي بقولك شغلة آنة كثري بشراء الكفرات وحطي تحت الشرشف الكنابل الخفيفة إلي يبيعونهم في الأسواق مثل ملوت إيكيا على يمتصون الشراشف وبدلي فراشك وعطرية كل يوم إنشاء اللة وعليك وعلينا باالعافية

 

[fife4ever]

انا عجبتني فكرت الشرشف الي ينحط بنص السرير

 

[فطومه]

قيد الغرام
بصراحه خوش طريقه.......يعنى شرشف يكون فوق السرير وتحت الكفر؟زيادة نظافه يعنى وهذا اللى ندور عليه
بصراحه استفدت من هالموضوع الله يجزاكم كل خير

 

[نماين]

خوووووووووووش موضووووووووووع

 

[زهور عمري كله]

تلبيس الكفر اخذا من سيرز او ايكيا واغسله بالبيت

 

[بطاطس]

انا بصراحه استخدم كلينكس وقت الحاجة

 

[ما أروعك!]

يعطيكم العافية يا بنات

ما قصرتوا والله

وحتى بالخاص بنات ما قصروا افادوني

والحمدلله اني مو بس انا اللي استفدت ..فيه غيري استفادوا

صج انكم يا بنات الكويت ينشد فيكم الظهر

بالكبيرة و الصغيرة

وخدومات ما شاء الله عليكم

الله لا يغير علينا