سؤال لراعيات النوادي؟؟؟؟؟

[كيوت فيس]

مرحبا يالرشيقات
اونسكم:dddds:
ابي اعرف النادي بروحه من غير دايت يضعف
صراحه مو قادره اوقف بلع والكرش تقول حامل بالثامن
ابي ادش نادي بس تهقون راح اضعف من غير دايت

 

[kuwaitya-frawla]

هلا والله حبيبتي شوفي بفهمج شغله اذا عرفتي تحسبينها راح تضعفين 100%



اول شي الرياضه اكييييد بتساعدج انج تضعفين.شلون؟بانج تحرقين السعرات الحراريه



الحين اعلمج الحسبه




مثلا كليتي توسته سمره وحده والتوسته فيها 50 سعره حراريه فلازم تحرقين بالرياضه 50 سعره حراريه يعني الاكل اللي كليتيه لازم تحرقينه عشان تضعفين عرفتي؟




مثلا كليتي بيتزا الشريحه تقريبا 300 لي 400 سعره حراريه تاكلينها بخمس دقايق البيتزا و لما تحرقين 300 او 400 سعره يبيلج اقل شي 40 دقيقه الى ساعه



فمني لازم تخففين اكل عشان تسوين رياضه عدله و تاكلين اكل اخف يعني قطعي المطاعم وهل سوالف لانه يبيلها دهر على ما تحرقينها بالرياضه عرفتي؟


اتمنى انج فهمتي علي

 

[ميوما]

رياضه + اكل صحي = نزول في الوزن

في الحركه بركه

اذا انتي ناويه تنزلين وزنج لازم اكل صحي = دايت = رجيم < ماحب اسميه رجيم لان اهوا عباره عن نظام حياة صحيه واكل صحي

فـ اذا بتقعدين تااكليم هالوجبات وهالعيوش والفطاير والخبز ماراح تستفيدين شي يعني ماراح ينزل وزنج وكرشتج تروح

وبس سوري على الاطااله

 

[Om Ghalia]

الرياضة واايد زينة بس اذا مو قادرة توقفين أكل، اشتركي شهري بشركات التغذية مثل دايت سنتر أو دايت كير، وراح تشوفين الفرق.....

 

[كيوت فيس]

مرحبا
مشكورين على الردود
بس انا مااكل مطاعم
انا اللي اطبخ بالبيت وعندي هواية بس احوس بالمطبخ
ومرة اشتركت بنادي وقبل لا اروح له تريقت توست وبيض يعني نوعا ما دسم
ودخت وانا امشي على جهاز المشي بعد السويدي ماكملت حتى ربع ساعه ولما رديت رديت حيل جوعانه وقعدت اكل بخبال
وبطلت اروح النادي ايست مااقدر رجيم ورياضه ياهذا ياهذا

 

[امونا]

رد : سؤال لراعيات النوادي؟؟؟؟؟

هههههههههه زين لقيت وحده مثلي تدري اني مسجله بنادي من شهر 3 للحين ذابحه نفسي برياضه لدرجه اول الايام اخذ بروفين من عوار العضلات اللي اخيرا تحركو بس مافي فايده ما اسكر حلجي عمري كله ماسويت رجيم ولا فكرت التزم برجيم عالفاضي صار هالنادي بس اكل احب الاكل لابعد زايد وزني كيلوين على كل هالشغل انا ماقولج اني مفجوعه بس اكلي مو صحي احاول الحين اخفف مع رمضان انا سالت مدربه سوريه بالنادي قلت لها من سجلت ماضعفت بعد فوق شيني قوات عيني ههههههه قالت لي عامله حميه قلت لا والله بس تقريبا مخففه ما اكل الا جوعانه عاد صج ادبها اذا ميته جوع جان تقول لا مو منيح الحميه اهيا اللي تنزل وزن حتى لو كان بدون رياضه بينزل بس اكيد احنا لازم نسويه رياضه عشان نشد
وسوري طولت بس لانه اعاني مثلج

 

[mimi_el3so0ola]

آنا بعد سألت المدربه ليش وزني ما ينقص رغم اني ملتزمه معاها بالرياضه !!
اكلي ما غيرت فيه شي الصراحه .. بس آنا أساسا ً ما آكل غير وجبتين باليوم !
جان تقول اللي تبي تنقص وزنها لازم تسوي ريجيم مع الرياضه ، أما اللي تبي تمتن فتمارس الرياضه وتااااكل ،

وللأمانه آنا مو متينه وايد بس زايده جم كيلو وحسبت اني اقدر انقصهم بالرياضه بدون لا احرم نفسي من شي =\ طلع لاآ لاااازم الريجيم عشان أنقص ،
وعمري ما سويت رياضه بحياتي .. بس لما كنت اسد حلجي كان ينقص وزني ويبين فيني الضعف ^^

فشكلي بكمل مع النادي عشان اكتسب لياقه بس .. وبرمضان بحاول اسوي ريجيم عشان اطيرر هالجم كيلو الزياده عندي p=

وسلامتج وتعيشين الغلاآ ~[=

 

[marlin q8]

رد : سؤال لراعيات النوادي؟؟؟؟؟

حٌبي لازم داااايتًّ ...

خففي مٍنً اكًلِجًّ , وً امحيًّ من قٌائمتجًّ , الحلوياتًّ وً المقٌالي ..> وشوفِيًّ شلون يبين عًليج الضًعفٌ .

عًلى فِكًره حٌبي , ترى الرياضًه مع الاكًل تيثٌل الجِسٌم > يعني تصيرين مِثٌل تايسون ") ,


اهًمًّ شيًّ الإراااادًه يً قٌلبيًّ
وموفِقٌه ان شاءًالله حًبيبتيًّ ...


؛؛؛
؛؛
؛

 

[( المـلاك )]

طبعا الدايت افضل
بس حتى لو بدونه تضعفين
لانج بتحرقين السعرات الحراريه
و بتشدين بعد من الاجهزه
بس طبعا مع الدايت اكثر

 

[أم ورود الحلوه]

شوفي
الجسم نفس السياره

السياره عشان تحرق محتاجه بانزين و الجسم عشان يحرق لازم أكل

اكلي ريوقج عادي .. و اكلي بكيفج
و غداج خففي ,, قومي من الغدا قبل لاتشبعين ,,,
العشا خليه خفايف او قطعيه .. و أنا افضل انج ماتقطعين اكلي سلطه او روب او فواكهه

كثري ماي حيييييييييييييييييييييل
مارسي الرياضه ساعتين باليوم
شهر و النتيجه توب