سؤال لطالبات العلمي

[Terrific_face]

السلام عليكم :eh_s(7):

انا بعاشر و ان شاء الله ناوية ادخل علمي و نسبتي مع تقسيم الكورس الاول 90 :eh_s(4):

ودي اعرف هل العلمي صعب ؟ يتعب ؟ غثيث ؟

آنا كل يوم اجوف بنات العلمي تخيلو ما يحضرون الطابور !!!! (يدرسون)

انا الحمدلله فيزيا و كيميا زينه بس يبيلي بالرياضيات :eh_s(2):

شلون شفتو 11

اسهل من عاشر ولالا


حدي محتارة علمي و لا ادبي :bbbiu:

 

[طبعي مميز]

اهو كله يتوقف على ميولج

إنتي شنو تحبين

تحبين الحفظ و الاجتماعيات و إنتي مغمضة دخلي أدبي

تحبين المواد العلمية و الفهم و المسائل دخلي علمي

و ترى ما أقولج سهل يبيله دراسه


و بالنسبة للرياضيات راح تاخذين مادتين رياضيات و إحصاء

و فيه شغلات بالرياضيات متعلقة بمال عاشر


و احنا بعد مرات ما نحضر الطابور لأن الأبلات يبون يمشون بالمناهج

لأن متأخرين

تعرفين عطل فبراير عطلتنا

فالأبلات يحاولون يخلصون

خصوصاً إنهم قدموا الاختبارات


و إنتي شوفي تقدرين تسجلين علمي و أول السنة تحولين الأدبي


بس ترى أول الدروس مو مقياس لأن راح تكون سهلة

و مافي شي صعب

وو أنا لأني أحب المواد العلمية و ما أحب شي اسمه اجتماعيات


فلله الحمد ماشية بالعلمي و ما ندمت إني دخلته اللهم لك الحمد

و إنتي استخيري

والله يكتب لج اللي فيه الخير​

 

[~ miss NERD ~]

اهوا صج تعب
بس يا حلاته من تعب
لما تييبين ذيج النسبه السنعه اللي تدششج المكان اللي تبينه
و في شي بعد
ترى ماكو شي اييج بالساااهل
كل شي يبيله دراسه و ماكو شي سهل
الحين انا بـ 12 علمي و على كثر التعب و البجي اللي بجيته الحمد لله ولا مره تحسفت اني دشيت علمي

 

[شــــــــــــــوقــــه]

تعب بس بالنسبه لي احسن من تعب الحفظ

و 11 اسهل من 10 و الحين انا 12 الكورس الاول شفته اصعب من 11 بس الحين الثاني سهل الحمدلله

مافي شي سهل بدون دراسه حتى الادبي

 

[احساس قباني]

انا بـ 11 علمي ... وتعب وترا حتى الادبي اعرف بنات تعبانين منهـ يعني كل شي بالدراسهـ سهل ...​

وماجذب عليج انا نزلت شوي درجاتي بس مرتاحه لان انا من دخلت عاشر ماعرف احفظ بس افهمـ ...

وحتى العلمي فيه حفظ عندج ماده الجلوجيا كلها حفظ ... وفي تعاريف بالمواد الثانيهـ يعني متوازنـ ..

استخيري وربج يسهلها ان شاء الله ...​