..,..سؤال للبنات هل انت اهـــــلا للثـــــقه ؟؟.,.,

[*مطبخ الذواقة*]

يقولون الثـــقة كالدمعة • إن سقطت لـــن تعود

ومن هذا المنطلق ودي اسال البنات اللي يهمنا امرهم :eh_s(17):
هل انت تشوفين نفسج كفو ان اهلج او ريلج يثقوووون فيج ؟؟

وهل انت اهلا للثقة بشكل عام ؟؟

يعني مو بس من الناحيه الشخصية
لا حتى لوكنت مسؤوله او مديره .. هل انت كفــو ؟؟


وهل انت راضيه عن مساااحه الحريه اللي تتمتعين فيها ؟؟
ام تشعرين بانها ضيجه مثل الاسترج وودج توسعينه ؟


شاركونا ومثل ماتعودنا عليكم

بكل صراحة



​

 

[PuPa^^SWeeT]

هل انت تشوفين نفسج كفو ان اهلج او ريلج يثقوووون فيج ؟؟
الحمدلله اهلي و ريلي ثقوون فيني



وبالعكس اول شي يشكوون له هموومهم انا على طوول

لأنهم يثقوون اني ما اخرب

بالعكس اهديهم

و مو من النوع اللي اصدر حكم قاسي عالشخص وما اسمع له

وبنفس الوقت سرهم يقطونه عندي و انا اقطه و انسااه

وهل انت اهلا للثقة بشكل عام ؟؟

انشالله ياربي


اشوف نفسي اهل للثقة بالنطاق الشخصي

يعني مو بس من الناحيه الشخصية
لا حتى لوكنت مسؤوله او مديره .. هل انت كفــو ؟؟
ايي نعم


اصلن انا مسئولة عن طالبات صغار و هذا ادعى للتحلي بصفة اهلية الثقة


وهل انت راضيه عن مساااحه الحريه اللي تتمتعين فيها ؟؟
ام تشعرين بانها ضيجه مثل الاسترج وودج توسعينه ؟:d
لا باس فيها و الحمدلله


كل مالها الدائرة اتوسع





شكرا عالموضوع الروعة

 

[*مطبخ الذواقة*]

فديتج اولا مشكورة على الرد ...


وانشالله انج كفو من كل الجوانب ...

واحلى شي في الدنيا ان الانسان يحصل من يشكي له همومه ويكتمها ...


شكرا لج




اتمنى شووووف ردود اكثر

​

 

[S.A.F]

هل انت تشوفين نفسج كفو ان اهلج او ريلج يثقوووون فيج ؟؟
اي نعم
وهل انت اهلا للثقة بشكل عام ؟؟ يعني مو بس من الناحيه الشخصية
اي الحمدلله
لا حتى لوكنت مسؤوله او مديره .. هل انت كفــو ؟؟
امممممممم اتووقع ذلك
وهل انت راضيه عن مساااحه الحريه اللي تتمتعين فيها ؟؟
ام تشعرين بانها ضيجه مثل الاسترج وودج توسعينه ؟:d
موراضيه فيها بس الحمدلله واهيا موضييقه واايد


ويعطيج العافييه ع الموضوع

 

[عبالي حبيبي]

انا اهلا للثقه في كل موضع مسؤليه اكون فيه

بشهادة الجميع ولله الحمد

انا لما كنت مراهقه كانوا اهلي شديدين حيل

بس من تجاوزتها صرت على كيفي

لاني انتقلت من مرحلة مراقبة الاهل لمراقبة ذاتي ومراقبة الله في كل تصرفاتي

وحتى لو كنت مسؤله بالعمل نفس الشي

مشكوره اختي

 

[ترانيم القصيم]

على حسب المهمة آللي يكلفوني بها أو المسؤولية آللي يسلموني إياها

 

[فطوم 84]

انا قبل اول بمراهقتي كنت احس مو اهل للثقه وندمت وتبت والحمدلله غيرت من نفسي وتعلمت من اخطايي والله حبيبي ماقصر معاي والحين بشكل عام احس نضجت وكبرت واحس جني صرت اهل للثقه ههههه وانا بطبعي ماحب اكون مسوووله جذي طبعي ومساحة الحريه بصراحه نص ونص لانه ابوي الله يطول بعمره يحب يعطينا مساحه حريه بس في اشيا بسيطه ممنوعه ويمون له طولة العمررر يكفي الوحده تعرف انه الاهل يظلون يخافون علينا فيمنعونا من بعض الاشيا صج مانوافقهم الراي بس لانه الجنه تحت اقدامهم وبرضاهم ندش الجنه ننجبر نسكت ونبوس راسهم بعد ومشكوره يالغاليه مطبخ ذواقه دايما مواضيعج حلوه *مثلج ومثل طباخج اااااخ لواخذ كورس عندج بطباخ فديتج

 

[Tom ♥ Jerry]

.


اكيد اهلا للثقه
خصوصا في موضوع بيتي و زوجي و حمولي
و هم مع اهلي يوثقون فيني بشكل كبير :eh_s(22):

 

[Patcholli]

ما اقدر اقيم نفسي لكن اشوف تعامل الناس معاي والحمدلله اشوفهم واثقين فيني وعمري ماضريت احد او جرحت احد او فكرت اني افضح او انتقم فاتوقع اني اهل للثقه ان شاء الله

بالنسبه للحريه الحمدلله هم احسن من غيري ولكن في قيود يفرضها علينا المجتمع والزواج والاهل والحموله وكل عايله لها اطباعها

 

[*مطبخ الذواقة*]

انا اهلا للثقه في كل موضع مسؤليه اكون فيه

بشهادة الجميع ولله الحمد

انا لما كنت مراهقه كانوا اهلي شديدين حيل​

بس من تجاوزتها صرت على كيفي​

لاني انتقلت من مرحلة مراقبة الاهل لمراقبة ذاتي ومراقبة الله في كل تصرفاتي​

وحتى لو كنت مسؤله بالعمل نفس الشي​

مشكوره اختي​

بارك الله فيج ....فعلا رقابه الله اهم ..

استغرب من البنات اللي ممكن تعتقد ان بنعادها عن نظر اهلها .. يعني اباحة المحرمات ...طيب وين خوفج من الله ؟؟شكرا اختي وكثر الله من امثالج​

على حسب المهمة آللي يكلفوني بها أو المسؤولية آللي يسلموني إياها

بصرااااحة ما فهمت قصدج فديتج اذا ممكن توضحين اكثر ​

انا قبل اول بمراهقتي كنت احس مو اهل للثقه وندمت وتبت والحمدلله غيرت من نفسي وتعلمت من اخطايي والله حبيبي ماقصر معاي والحين بشكل عام احس نضجت وكبرت واحس جني صرت اهل للثقه ههههه وانا بطبعي ماحب اكون مسوووله جذي طبعي ومساحة الحريه بصراحه نص ونص لانه ابوي الله يطول بعمره يحب يعطينا مساحه حريه بس في اشيا بسيطه ممنوعه ويمون له طولة العمررر يكفي الوحده تعرف انه الاهل يظلون يخافون علينا فيمنعونا من بعض الاشيا صج مانوافقهم الراي بس لانه الجنه تحت اقدامهم وبرضاهم ندش الجنه ننجبر نسكت ونبوس راسهم بعد ومشكوره يالغاليه مطبخ ذواقه دايما مواضيعج حلوه *مثلج ومثل طباخج اااااخ لواخذ كورس عندج بطباخ فديتج

​

فديتج حبيبتي ...
مرحله المراهقة طبيعي ان الابناء يحسون انهم مظلومين وانهم مقيديين ..لكن مع الوقت نكتشف ان تلك الاوامر والنواهي لم تكن قيووود .. بل دروس ساعدتنا على ان نكون على مانحن عليه ..وشكرا على الاطراء يالغالية وبخصوص دورات الطبخ يمكن لو من سنتين كان ممكن ...
:eh_s(17):

ما اقدر اقيم نفسي لكن اشوف تعامل الناس معاي والحمدلله اشوفهم واثقين فيني وعمري ماضريت احد او جرحت احد او فكرت اني افضح او انتقم فاتوقع اني اهل للثقه ان شاء الله

​

بالنسبه للحريه الحمدلله هم احسن من غيري ولكن في قيود يفرضها علينا المجتمع والزواج والاهل والحموله وكل عايله لها اطباعها ​

فعلا مقياس الحريه يختلف من عايله الى اخرى ومن بيت الى اخر ..

يعني ممكن اشيااااااااااااء وااااااااااااايد ارفضها من تصرفات لصديقات مثلا ..تكون مباااحه من اسرهم طبعا دون المساس بالدين والعادات والتقاليد
..
والعكس صحيح​

شكرا لكم وبانتظار المزيد :eh_s(17)::eh_s(17)::eh_s(17)::eh_s(17):​

 

[حبي بيرين]

نعم لكل سؤال
مشكورة ع الطرح

 

[شافوك بحساسي]

هل انت تشوفين نفسج كفو ان اهلج او ريلج يثقوووون فيج ؟؟
الحمدلله على صغر سني بس لله الحمد مرات اشوف زوجي يثق فيني واحس استااهلها
وهل انت اهلا للثقة بشكل عام ؟؟
الحمدلله اي

لا حتى لوكنت مسؤوله او مديره .. هل انت كفــو ؟؟
لااا في اموور افكر لو كنت فيها لا

وهل انت راضيه عن مساااحه الحريه اللي تتمتعين فيها ؟؟
لاموراضيه بس الحمدلله

 

[*مطبخ الذواقة*]

الله يبارك لكم .... وشكرا على المشاركه ....

 

[لحظآتَ]

شوفي الثقه مو الشخص يجاوب ويقول اي انا اهل للثقه !
لإن كل انسان بعين نفسه هو أهل للثقه !
الا الفئه المُميزه النادرة والصريحة مع نفسها ؟!
يعني الآخرين هم يحكمون اذا حنا أهل للثقه ولا لا


لكن بجاوبج على الصعيد الإداري والحياتي بشكل عام ..
اي الحمدلله أهل للثقه
لإني متعوده اشيل مسؤوليّه كوني البجر عند اهلي ..
فهالشيء خلاني دوم متحملة مسؤوليه اخواني الصغار .. لذلك قدها بإذن الله

لكن الجانب الشخصي مدري .. لو أمي تدش النت جان خليتها تجاوب كونهـآ هي اللي تقرر اذا انا استحق الثقه ولا لا

,

 

[الحلوه معاكم]

السلام عليكم بنات

طبعا ثير منا يعرف موقع روعة السعادة الزوجية النسائي
الى اصلح كثير من الامور الزوجيه والاسريه وحل اكثر المشاكل العامه والخاصه
مابي اكثر عليكم بالكلام بس ابي اطرح لكم رابط المنتدى حق لى ماتعرفه

ومحتاجه لحل مشكلتها الزوجيه او الخاصه او العامه
والتثقيف الزوجي بكل اموره ​

اضغطي هنـــــــــا روعة السعادة الزوجية النسائي​

 

[برستيجي مآركة]

ايه ولله الحمد اشوف نفسي في محل الثقه اللي يمنحوني اهلي وصديقاتي اياها مش عشان اتكلم عن نفسي لا بشهادة الكل والله..

موضوع رائع كروعتك عزيزتي...تشكرين عليه كل الشكر والاحترام لشخصك الكريم}}

 

[Sweet Angle]

بـ صرآحه إي الحمدالله

مو عشآن شي .. بس لآني مريت ابتجآرب خلتني ادري زين ما زين
شنو يعني ثقة وخصوصا للبنية .. وشنو يعني شرف
وكفاية القصص اللي نسمعها كل يوم عن بنية اخسرت شرفها ولا شي
واوعد نفسي وهلي وكل من يثق فيني .. بأنه لو يقطوني بأي مكان في العالم و بروحي باذن الله راح اكون قد الثقة

وانتي ياقلبي شنو جوابج على هالسؤال الرائع .. والموضوع الأروع
وعساج ع القوة يآرب :***

 

[نجداويه نجد]

~

زي ماقالت ترانيم علي حسب المسئوليه .. يعني احيانا يُكلفني المركز بإدارة فريق انا شخصيا ادري اني مراح اكون قد هالمسئؤليه فأعتذر .. يعني تعطيني موضوع انا ادري في قرارة نفسي اني مراح اقدر احله أعتذر افضل اني اخيب ظنها واهز ثقتها فيني

 

[*مطبخ الذواقة*]

شكرا للمروكم الطيب ..

والحمدالله شخصيا ثقه اهلي عاليه فيني وعمري ماحسيت اني محل شك او ريبه


اعتقد ان الاوامر والنواهي تكون في مرحله عمريه معينه ..


لكن بعد ذلك تصير " قيم وعادات وتقاليد " هى اللي تحكم حياتنا وبالتالي ما يكون للاهل او الزوج اي تحكم فيها ..مع الوقت يصير في برمجه تلقائيه بالمخ عن مايجب وما لايجب
00000000000000000

هل انا راضيه عن مساحة الحريه المتوفره لدي ؟؟

طبعا ... والحمدالله ... ومااعتقد بصراحة ان في اي قيد حوالي من اي نوع من الانواع ...


والحين انا مسؤوله عن اسره وعن "قروب " وعن علاقات اجتماعيه و اعلام ...اكثر من قبل ..
بالتالي حرصي الشخصي على تفاصيل حياتي الشخصيه .. اكثر واعمق من اي فتره زمنيه فاتت...
وطلاما مافي بافعالي واقوالي ما يخلاف شرع او سنه

فلا اخشى بالحق لومه لائم ....

-----
ورساله لكل بنت في بيت اهلها ممكن تزعل اذا تم رفض طلب لها :

يا بنات مايحدث اليوم في الصحف من قصص مخيفه ... وتجااارب لبنات مع شباب نطلب من الله ان يهديهم ..وبلاوي

كل هذه القصص هي التي تجعل الام والاب مراقبيييييييييين لكم وهذه الاوامر ... ليست قيوووووووووود
انما

هي حب واهتمام وخوووووووووووووف عليكم ....


ديرواااااا بالكم على نفسكم

واتقوووووا الله بانفسكم وباهلكم ...

والله يهديكم ويهدينا




​

 

[صعب انساني]

هل انت تشوفين نفسج كفو ان اهلج او ريلج يثقوووون فيج ؟؟

نعم ​

وهل انت اهلا للثقة بشكل عام ؟؟

نعم ​

​

يعني مو بس من الناحيه الشخصية
لا حتى لوكنت مسؤوله او مديره .. هل انت كفــو ؟؟

نعم



وهل انت راضيه عن مساااحه الحريه اللي تتمتعين فيها ؟؟


لا ​