سؤال للجامعيات (سؤال جداً محيرني)

[selvirspoon]

السلام عليكم..بنات لو سمحتو أنا حالياً طالبة آخر سنة إن شاء الله 25-6 أتخرج :eh_s(9)::eh_s(9)::eh_s(9): بس عندي سؤال عن قبول الجامعة المو فوري يصير بنفس اليوم و لا أنطر !! يعني قدمت على كلية و تقبل معدلي قبول غير فوري شلون أنطر و لا أنقبل على طول؟؟

 

[beauty]

القبول الفوري يعني تنقبلين ع طووول اول ماتسجلين

والقبول العادي يطلع بعد شهر تقريبا

الله يوفقج

 

[..بسمة..أمل..]

صح مثل ما قالت اختي
وساعات يحطونج بالكليه اللي تقبل نفس معدلج

وموفقه يا الغاليه

 

[selvirspoon]

شهر!!!!!!!!! أختي بسمة أمل شنو قصدج يحطوني بالكلية إلي تقبل معدلي!! يعني أهما يختارون؟ ولا على الرغبات!! واي شهر وايد إلا أنا ما فيني حيل أعصابي منتلفة من النطرة!!

 

[فديتـ♥ترابـ♥الكويتـ]

اعتقد بس تطلع النتايج انتي تقدمين عالجامعه اذا نسبتج مقبوله اووكي
وبعدين
اذا نسبتج اكثر من 89 على ما اعتقد يكون قبولج فوري
اما 85 وجذي واقل يكونون موفوري بعد فتره
وبيعطونج ضمن اوراق التقديم للجامعه كم رغبه للكليات
يعني اذا مثلا نسبتج 90 تنقبليين بالكليه اللي حطيتيها اول شي
مثلا
كانت رغباتج
حقوق
اداريه
علوم
شريعه
تربيه

بيقبلونج حقوق
لكن اذا مو فوري يقبلونج فيها بعد شهر اذا عدد المتقدميين معقول لها
والاغلب يقبلونهم بالكليات اللي يحطونها اول شي
فالكليات اللي ما تبينها حطيها اخر رغبه لج عشان مايقبلونج فيها وانتي ماتبينها
وهذا اللي اذكره من التسجيل
لاني سجلت من 4 سنين تقريبا

و موفقه حبوبه ان شاءالله

 

[..بسمة..أمل..]

هلا يا الغاليه
يعني مثلا اذا كان معدلج 84 والعلوم الاجتماعيه تقبل 86 وتقبلج بس على الويتنغ
وكلية الاداب تقبل 82 فوري طبعا
يحطونج على طول بالاداب
عرفتي ؟

 

[bint_looda]

القبول الفوري يكون اذا الرغبه الاولى الي حطيتيها تقبلج قبول فوري مو الرغبات الثانيه
وفي قبول فوري وانتي واقفه يقولون لج انقبلتي وتسجلين
وفي قبول بعد عقب هذا بس قبل القبول للطلبه العاديين يكون للي يكونون عالحفه بين الفوري والعادي اذا صارت الكليه فيها مجال وتبي طلبه ممكن يقبلونج بعد فوري وينزل بالجريده تحت اسم القبول الفوري

 

[شوشوا]

لا مو بكيفهم يختارون الا اذا معدلج مايدخل الكليه الي تبينها

اذا مثلا معدلج 83 تنقبلين اداب فوري عدل ؟
بس انتي مثلا تبين علوم اجتماعيه

وحطيتي علوم اجتماعيه بعدين حقوق وراها اداب
ينطرون بعد شهر يشوفون تنقبلين اجتماعيه ولا اداب
بالترتيب يحاولون باول كليه ماصاار الله لايقوله يروحون للي بعدها
واذا ماصار يروحون الي بعدها وجذي

اي سؤاال سالي توني اول سنه مانسيت

 

[*[Be_True]*]

مثل ما قالوا البنات بس شوفي حطي رغباتج بالترتيب والكلية
إلي كلش ماتبينها حطيها آخر شي عشان إذاما قبلوج أول رغبة يحطونج بثاني رغبه وجذي..