سؤال للمتزوجات ؟؟؟؟؟

[I HAVE DREAMS]

السلام عليكم


سؤالي وياليت ماتبخلون علي بالاجابة من خبرتكم

اذا تقدملج واحد وسألتوا عنه لقيتوه من ناحية الدين يصلي وملتزم بصلاته ومن ناحي الاخلاق

الكل يقول ماشفنه عليه شي غلط يعني نوعيته دوام بعدين دوانيه او الجم يعني ماعنده فرارة

مجمعات وسوالف مغازل وهما مايدخن

شلون اعرف ان هذا الشخص يناسبني ويكون زواج ناجح :eh_s(15):

لان انا شايفة شكثر عقب الزواج ينصدمون من الحقيقة

ملاحظة: انا استخرت اكثر من مره بس للحين احس اني مو مرتاحة


ومشكورين واللي تجاويني ان شاء الله الله يرزقها من اوسع ابوابة ويباركلها برزقها

 

[مشتاقة لكويتنا]

اذا سالتم عنه وزي ماقلتي يصلي واخلاقه طيبة ورجل يتحمل المسؤلية
ان شاء الله انه خير لك لان اللي يعرف ربه وصاين نفسه راح يخاف عليك وراح يصونك
ومافيه رجل مايخلى اكيد له بعض السلبيات لكن الايام وظروف الحياة وتفاهمكم راح تتلاشى

الله يوفقج

 

[pusy cat]

دام استخرتي خلاص خليها علا الله واتركي عنج الوسواس

اذا وافق عليج وتم الزواج معناته انه خير لج في دينج ومعاشج وعاقبة امرج

واذا اهو رفض وماتم الزواج معناته انه شر لج في دينج ومعاشج وعاقبة امرج

الاستخاره مو بس ركعتين وبس لا لازم تؤمنين فيها حرف حرف وتوكلين امرج لله وتستودعين تفسج الله والله ماراح يضيعج ولا راح يخيبج

ماخاب من استخاااار هذا كلام الله مو كلامي*

 

[pusy cat]

وشي طبيعي عقب ماتاخذينه راح تكتشفين عيوب ماكانت ظاهره لج من قبل

لانج ماخذه انسان مو ملاك ماكو انسان نقي وطاهر ١٠٠٪ طبيعي راح يخش عيوبه ويحاول يطلع مزاياه مثلج بالظبط راح تحاولين تسترين عيوبج جدامه

والخلافات طبيعيه بين الازواج المو طبيعي ان مايصير خلاف لان مثل ما قلت لج احنا بشر مو ملائكه

 

[I HAVE DREAMS]

مشتاقة مشكورة حبيبتي

 

[فلنتينو]

اهم شي الصلاه والصلاه تأمر بالمعروف وتنهى عن المنكر
وخلاص مشالله كل الاشياء المطلووبه فيه وتوكلي على الله

 

[I HAVE DREAMS]

مشتاقة مشكورة حبيبتي

 

[I HAVE DREAMS]

وشي طبيعي عقب ماتاخذينه راح تكتشفين عيوب ماكانت ظاهره لج من قبل

لانج ماخذه انسان مو ملاك ماكو انسان نقي وطاهر 100٪ طبيعي راح يخش عيوبه ويحاول يطلع مزاياه مثلج بالظبط راح تحاولين تسترين عيوبج جدامه

والخلافات طبيعيه بين الازواج المو طبيعي ان مايصير خلاف لان مثل ما قلت لج احنا بشر مو ملائكه

صح كلامج مافي احد كامل بس انا قصدي ساعات تكون في عيوب الواحد مايتحملها هذي اللي مادري شلون اعرفها بالشخص مثل النفسية الشينه العصبية اللي مو بمكانها البخل العناد عدم تحمل للمسؤولية جذي قصدي


حيرتي من اني كنت اتمنى اتزوج شخص فيه موصفات معينه يعني ميوله مثل ميولي من ناحية الدراسة
الشغل الحياة الاجتماعية اهو نوعا ما شبه انطوائي مادري اذا عنده طموح ولا يدعي هالشي انا مابي واحد عقب انصدم منه ويصكر كل شي بويهي ادري طولت عليكم بس كل شي تقدرين تغيرينة مثلا الدوام اذا موعاجبج تقدرين تسوين نقل وتغيرينه بس الزواج صعب التغيير فيه

بنات ياليت تفيدوني

 

[انا لحبيبي .]

حبيبتي ما ببين شي الا بعد الزواج ، لانه خلص بتدخلو ع بيتكم وبتشوفو بعض يوميا وبتبين صفات الشخص

الله يهدي بالك يارب ،،

 

[لغه عربيه]

ماراح تعرفين ,, شلون بتعرفين ,, ومستحيل قبل الزواج تعرفين !

 

[I HAVE DREAMS]

اهم شي الصلاه والصلاه تأمر بالمعروف وتنهى عن المنكر
وخلاص مشالله كل الاشياء المطلووبه فيه وتوكلي على الله

اكيد اهم شي الصلاة حتى لو فيه كل شي حلو

بس انا للحين احس نفسيا مو مرتاحه وافكر باشياء

وايده اخاف ماتكون فيه

 

[I HAVE DREAMS]

حبيبتي ما ببين شي الا بعد الزواج ، لانه خلص بتدخلو ع بيتكم وبتشوفو بعض يوميا وبتبين صفات الشخص

الله يهدي بالك يارب ،،

الله كريم

ومشكورة حبيبتي

 

[I HAVE DREAMS]

ماراح تعرفين ,, شلون بتعرفين ,, ومستحيل قبل الزواج تعرفين !

يعني شنو ياتصيب ياتخيب!!!:eh_s(11):

 

[دندن_الكويت]

ان الصلاة تنهى عن الفحشاء و المنكر

مافي انسان كامل و مثل ما تبين و لازم ضروري يكون بينكم اختلافاتن بالراي و التفكير عشان تعيشون مع بعض

و مدام مو مرتاحة هذا انذار من الله يمكن


و اهم شي يصلي و التدخين ترى يفتح بلاوي ثانية و الحمدلله ما يدخن

و صدقيني اول جم سنة من الزواج بتتعبون شوي لانج غير و اهو غير

بس الصبر على اللي مقدور عليه و انتج بسياستج تمشين مركب الحياة


موفقة حبي

 

[دندن_الكويت]

حبيبتي تفكير الافلام و الاغاني و انج بتنصدمين و هالسوالف
و انا حبيبي ما انخلق و انا انظلمت و فلان ما يستاهلني و هالخرابيط اتركيها عنج
انتي بتعيشين مع ادمي يعني مو ملاك


لا تخلين هالخرافات تعشش براسج و لا تلتفتين لكلام البنات المعقدات اللي تدور عالمثالية

اهم شي الدين و السمعة يا قلبي الباجي مقدور عليه و اذا حبج زوجج بيعطيج ماوراه و دونه

اما سالفة تتحسسين من كل حرف و همسة فاسمحيلي تفكيرج هذا يدل انج مو مال زواج
و صعبة تواجهين الحياة
موفقة يا قلبي

 

[fatma q8]

إذا مو مرتاحه منه طولي الخطبة وسألي كل شي بخاطرج عشان لا تتحسفين بعدين وقعدي معاه اكثر ليما تتطمنين لازم ترتاحين هذا زواج طول العمر مو لعب وياما ناس قالو زين ويصلي ومسايد وطلع ماكو أخلاق مو شرط يعني بس أهم شي تتأقلمين معاه يعني نفس أفكارج مو مثلا أهوا دين وانتي فري يعني لازم يكون في تقارب بالأفكار وأهم شي لا تستعيليين:bye22:​

 

[SaD FaCe]

مافي انسان كامل

والعشره تبين هالانسان شنو حتى لو ساالتوا عنه

استخيري وتوكلي على الله

اذا تيسرت امورج فهذا من الله واذا تعقدت وماصار نصيب لازم تعرفين ان الله يبي يبعده عنج

وماخاب من استخار

 

[Om eL'3aLe]

قعدي معاه مع اهلج وشوفي اسلوبه خلي اخوانجة وابوج يسولفون معاه وانتي تسمعين وصلي بعدها استخاره وشوفي نفسج اذا مومرتاحه لا تاخذينه وترا محد كامل اهم شي انه يخاف ربه ويصلي وبار بأهله هذا اهم شي ولازم بعد الزواج تكون في مشاكل عشان انتي من بيئه واهوا من بيئة ثانيه وعسى ربي يوفقج

 

[عنودهـ ~]

حبيبتي دامه انسان مصلي ومسمي ماعليج شر ان شاءالله
توكلي على الله ولاتخلين الشيطان يلعب براسج
تركي الافكار عنج
وشيئ طبيعي بتلاقين عيوب فيه مو ملاك اهوا
والشيئ الثاني
يقولج المثل
ولدج على ماتربينه وريلج على ماتعودينه
انتي لاعودتيه على طبعج بتلاقين كل شيئ يسرج ان شاءالله
والحين انتي ماراح تعرفين شيئ لانج ماوافقتي حتى
وافقي وبفترة الخطوبة را تعرفين ان شاءالله وبتتغير فكرتج
وربي يتمم لج على خير ويوفقج يارب

 

[I HAVE DREAMS]

فاطمة

ساد فاس

ام الغالي

عنوده

يعطيكم العافية وماقصرتوا ماشا الله ردودكم حيل مقنعه

ربي يرزقكم من اوسع ابوابه