سؤال للي ساكنين في شقق؟ شلون تدبرون اموركم ؟

[ساعة رملية]

السلام عليكم

سؤال للحلوات الي متزوجات وساكنين بشق بروحهم يعني مو عند اهلها ولا عند حمولتها

اول شي عليكم بالعافية وربي يوسع عليكم في الدنيا والآخرة

صج بنات شلون تدبرون اموركم ؟

يعني اجار الشقة ومعاش الخدامة وماجلة البيت غير اقساط السيارات

ودي اتعلم شلون تتصرفون لاني مو قادرة اطلع بشقة

انا ساكنة عند حمولتي غرفتين وحمام مو شقة والمكان صغير

ولكما فاتحت ريلي ان نطلع بشقة يقول ما راح نقدر ماديا

انا توني متوظفة ومعاشي متواضع واهو معاشة اقل من 1000

تهقون نقدر؟

ساعدوني علشان اقدر اقنعه بنات تكفون

 

[الريماوي]

السلام عليكم حبوبه انا كنت مثلج متخوفه بس الحمدالله ربي سهلها علينا
الله يحفظج عندج عيال

 

[ام بنتها]

ترا سهالات والله بس الواحد شلون يصرف
انتي جم راتب ريلج و جم عندج عياال و انا اظبطج بالصرف صرت خبيره من كثر ماا نحسب انا وريلي لان نفسكم اجار و احنا من راتب واحد

و انشالله تتوسعون و ترتاحوون

 

[eng.q8]

ان شالله تقدرين
اول شي حسبي حساب الخدامه ومصروف الجمعيه والمكالمات والبنزين والمصروف
والباجي زيدي عليه بدل الايجار شوفي بحدود جم؟

والشقه سعرها يعتمد على المنطقه ..والله يوفقج

 

[مشكاة]

قوة بنات اشلونكم عساكم عالقوة

انا هذاك اليوم قريت بالجرايد احتمال على آخر السنة ينزلون بالاجارات اشوية من تاثير الاقتصاد التعبان بالديرة انشالله يطلع الكلام صح علشان جذي انا هونت اني اطلع من شقتي وقلت اصبر اشوي خصوصا ان الاجارات نار نار نااااار
وغير جذي يارب المجلس والحكزمة يوافقون على جدولة القروض ويعطونه كل واحد 10 آلاف قرض حسن القسط 50 بالشهر والله وايد بتخفف علينا الديون

اختي اسوأ الاحتمالات اذا ماكو شي من ماسبق ذكره تحقق
مالج الا اتيعين مبلغ انتي وريلج قبل لا تطلعين بشقة بروحج جنج قاعدة تدفعين اجار منها تتعودين عالوضع واتشوفين امكانياتج ومنها اذا لا انضكيتوا واحتجتوا عندكم فلوس بالبنك لان تدرين ياكثر المصاريف المفاجأة تواير بيمة ياهل يمرض لازم طبيب المواجيب هذي ولدت وعلانة انزلت بيتها كسوة اليهال مرتين بالسنة الاعياد واااااااي
الله يعينه ويعينكم
انا الصراحة ريلي علمني امسك ايدي واحسب معاشي نص مو كامل مثلا معاشي 1000 اقص على عمري واقول معاشي 500 والحمدلله ارتحت نفسيا مومهم السوق والطلعات كثر الراحة النفسية

 

[طير الحب]

تختلف الحسبه يعنى المعاشين شى الواحد والمعاش القوى غير المعاش القليل

وعدد العيال والخدامه

حطى التفاصيل ونسوى لج خوش ميزانيه

 

[rainbow_brite]

ما احبطج بس اذا من بداية الزواج كنتي بشقه وتدفعين اجار يكون الوضع عادي رتبتي امورج على هالوضع بس اذا طول عمرج لا اجار ولاشي ومره وحده مبلغ كبير راح تتحملينه يصير صعب




بس لو تفكرين فيها كل شي يتغير مو بس الظروف الماديه عندج اليهال اذا اداومين وكنتي اتخلينهم عند خالتج ام ريلج خدامتج تخلينها تحت عندهم كل هالامور راح تتحملينها بروحج وراح تكونين مسؤوله عن الغدا العشا ما ادري ليش انا تزوجت عمري 20 وكنت بشقه بروحي بدايه وايد صعب علي مسؤوليه بس مع الوقت صار عادي والشي الايجابي انج تحسين انج مستقله بذاتج وماخذه راحتج تنامين تطلعين على راحتج والله يوسع عليج ويسهل امورج

 

[عدسات ملونة]

لا تستعجلين صبري لما تحسن الظروف

 

[انا مو هني]

انا نفسج غرفتن وحماام في بيت حمولتي
غرفااا حق لكبتاات
والدثرااا
وغراا فحقي ومعااي بنتي بعد عمرهاا3 اسنين وبعد بنتي الثانيااا شهرين
يعني صج صج عايشين ابظيج
بس علا فكرااا انا سمعت ان الحن بلعلنا بيو لكووماا شهر 9
وانظاام اليديد 5 اسنين زوااج يطلعلج بيت
شر 9 800000قسيماا بتتوزع
بس صووب الخيران هااذا البيت ابووه واجرووه
واخذي من مبلغ الي تربحووناا وقطي علا اجار شقااا اقريباا مندواماتكم ومرتااحين وكل شي
واايدنااسسوو جذي

 

[water melon]

لازم تحطينلج جدول فيه مصاريفج اليومية مثل الجمعية مصاريف اليهال و متطلبات المدارس, البانزين , التليفون وووووووو الخ
زودينا بالتفاصيل

 

[برونزية رشيقة]

حبيبتي .... حطي ورقة فاضية وقسميها نصين :

النص اليمين كتبي : مصروفاتي اليومية - الأسبوعية - الشهرية :

وكتبي كلشي يخطر على بالج من 100 فلس ليه بو 500 دينار ... عطورات - ملابس - جمعية ................ إلخ

النص اليسار كتبي : مصروفات زوجي :اليومية - الأسبوعية - الشهرية :

ونس الشي كتب يكلشي يخطر في بالج عن زوجج ومصروفاته : بتنزين - مكالمات - قسط سيارة - معاش خدامة ... إلخ

آخر الورقة : معاش زوجج + معاشج + بدل الإيجار ..

نقصي منه : إيجار الشقة إللي راح تاخذينها (( حطي في بالج أي منطقة وبحدود جم تقدرين على الإيجار ؟))

هذا الصافي إللي راح يبقى لكم من معاشاتكم وبتعيشون عليه لنهاية الشهر ....


شوووووووووووووووفي المبلغ إللي يطلع لكم تقدرين تعيشين فيه جم سنة ؟؟؟؟ وباجر العيال عندهم مصاريف وإلتزامات ؟؟؟ شوفي تقدرين وإلا لأ ؟


وسوووووووووووووري على الإطالة بس نصحتج مثل إختي حبيبتي

 

[دمثة]

واحد يشيل الاجار والخدامة طبعااا الزوج

وانتي الجمعية وملابس الجهال واهو طبعاا يقط والله احسن من بيت الحمولة