سؤال للي عندهم فكره عن التقويم

[برونزيه نعومه كتكوته]

السلام عليكم شلونكم بنوتات ان شاء الله بخير
و كل عام و انتو بخير بمناسبة عيدنا الوطني و التحرير

بنوتات عندي استفسار بالنسبه لتقويم الاسنان
ناويه اسوي و عندي جم سؤال
هل لازم اشلع جم ضرس ؟؟
وين احسن مكان حق التقويم ؟؟ احسن عياده انا قالو لي عن الميدان و عن السلام ,, صج زينين ؟؟ و جم اسعارهم و شلون دكاترهم ؟؟
بالنسبه لي انا ضروسي صفتهم حلوه بس مشكلتهم بارزين لي جدام تتوقعون اطول بالتقويم وايد ؟؟؟

و مشكورين =)

 

[Bnt.Azmer]

حبيبتي انا ناوية اسوي عند دكتور فيجي بعيادة ابها يمدحونه واذا في بروز يمكن اشيلج الاسنان الي فوق يمين ويسار الضرس الرابع انا قالي جذي والمدة سنة ونص وانشالله البنات يفيدونج

 

[عروس زمردة]

السلام عليكم

انا جربت التقويم من قبل وان شاء الله راح افيدج باي سؤال تبينه

هل لازم اشلع جم ضرس ؟؟

دام أسناسنج بارزة لجدام وتبين تردينهم ورا فلازم يشلع ضروسج في الغالب راح يشيل ضرسين

لاتخافين من هالشي بعد التقويم مراح يبين انج كنتي شايله ضروسج

وين احسن مكان حق التقويم ؟؟ احسن عياده انا قالو لي عن الميدان و عن السلام ,, صج زينين ؟؟ و جم اسعارهم و شلون دكاترهم ؟؟

انا سويت تقويمي عند دكتور هندي بمركز أسنان الجهراء نسيت اسم الدكتور بس كان دكتور رووووووووووعه

بالنسبة للميدان الأغلبيه مايمدحونه والسلام مادري عنه

يمدحون عيادة الثريا

بالنسبه لي انا ضروسي صفتهم حلوه بس مشكلتهم بارزين لي جدام تتوقعون اطول بالتقويم وايد ؟؟؟

مو أقل من سنه ولاتستعيلين على شيلت التقويم أعرف بنات شالوا تقويمهم قبل السنه وخربت صفت أسنانهم

 

[Miss independent]

لا اذا ماعندج اسنان زايده مايشلعون اسنانج
انا ماشلعوا ولا ضرس
احسن مكان
انا سألت عن الميدان وفعلا كنت بحط
بس مدحولي الحكومي
وحطيت بالاميري عند د.سندرام
قعدت بالتقويم سنه بس
وفي ناس هم بالاميري حطوه بس 7 شهووور
يعتمد على حالتج
وبقولج اذا اسنانج بس يبيلهم رده لي ورا
ابشرج من اول مره تركبينه بيردون ورا
انا جذي صار وياي

 

[عروس زمردة]

انا اتوقع بنسبة 90% يشيلون من ضروسج

اي صح هو من اول يوم تحطين التقويم أسنانج يردون ورا

وراح تلاحظين الفرق من اول يوم

عاد الله يعينج على اول اسبوع مراح تقدرين تاكلين واسنانج حيل راح تعورج اول اسبوع بس

بعدين عادي مراح تحسين بشي

تشاااااو

 

[برونزيه نعومه كتكوته]

امبيه انا بروحي ضعيفه و يالله اكل اكلي العادي هالمره ماقدر اكل عدل :\
مشكلة الحكومه مواعيدهم حيل بعيده وله هم مدحو لي الحكومه :\
و امبيه شلاع الضرس امبيه تعقدت انا شلعت ضرس العقل تحت يسار جراحه و خياط و تعبت شهر يالله قدرت اعض صمونه ماقدر ابطل الفك نفسه تعبت حتى شلاع باقي الضروس نفس الشي ؟؟؟ نفس عوار و تعب ضرس العقل ؟؟
جان زين ما يشلعون لي
بالنسبه للثريا وين صايره هالعياده و شلون اسعارهم ؟؟ بحدود جم التقويم ؟؟؟
انا عياده ميدان قالو لو حسب حالتج يبلش السعر من 400 لي 1500 تقريب مادري 1200
الثريا شلون اسعارهم
و تسلمون بنوتات عالمعلومات

 

[Miss independent]

برونزيه روحي الحكومه وقوليلهم انج عرووس
ويخلصوونج بسرعه
بس قوليلهم يقربولج المواعيد وبأقل من اسبوع الا انتي حاطه التقويم
انا اقولج بالتقويم صارت وياي عكسيه متنت حتى دكتوري استغرب
يقول الناس تضعف بالتقويم وانتي تمتنين لووووووووووووول

 

[عروس زمردة]

لاعادي سهالات شلع الضروس

انتي عاد لاتقارنين ضرس العقل بالضرس العادي

بالنسبة للثريا ماعندي أي فكرة عن أسعارهم

بس الناس مسوين عنها دعاية موطبيعيه

خالتي سوت تركيب أسنان عندهم وتمدحهم

 

[MiSs_BrOnz]

هلو هلووو خيتوووو

شوفي انا مشكلتي نفسج اسناني صفتهم حلوه بس وايد داشين لي داخل :>


انا مركبه تقويمي عند دكتور خالد الخياط باسنان كليلنك صارلي سنه

وماشلع ولا ضرس .. على حسب اسنانج اول شي لازم يفحص الدكتور واهو يقرر اذا تحتاجين تشلعين ولا لأ

وقالي مدته راح تكون سنه ونص ... والدكتور نفسه حلوه وايده خفيفه وشاطر

انصحج فيه صراحه

 

[برونزيه نعومه كتكوته]

مشكورين بنوتات
بالنسبه لدكتور خالد الخياط بجم سوالج التقويم
انا عجبتني سالفه ان ما شلع لج خخخخخ
بعدين على فكره بنوتات
تر انا مو ضروس بس لي بره انا ضروسي صفتهم حلوه بس احس اللثه بارزه او الفك اللي فوق بارز اخاف احط تقويم ضروسي تدش و فكي على عداله اصير كلش عاد ما انبلع خخخخخخخ اخاف اصير قالو يا هويله تهولي قالت كاني قاعده احترف

 

[MiSs_BrOnz]

لوووووووووووووووووووووول

:×

لا ان شاء الله لمن يشوفج الدكتور اهو يقرر اذا يحتاج تقويم او لأ واذا اللثه تتعدل ولا لأ لازم يشوفج الدكتور اول

انا ركبلي التقويم ب 1300

تقدرين تروحين له اول زياره بس فحص وسئليه اللي تبينه وشوفي جم يكلفج وبعدين عاد توكلي على الله اذا بغيتي

 

[برونزيه نعومه كتكوته]

مشكوره يا حياتي تعبتج معاي =)

 

['Basma']

انا مثلج اسناني كانت لي برا.. ورحت عيادة الفوزان حطيت التقويم سنة ونص.. بعدها صرت وحده ثااااااااانية.. تحسفت ليش ما حطيته من زمان

ماحتجت اشلع ضرس الحمدلله.. وحالة عن حالة تختلف.. الدكتور اهو اللي يقرر

 

[وتلومني فيك يوم اغليك]

اى ا>1 كنتي تحتاجين خلع يخلعولج

انا مسويته عند الميد ان ومشكلتي مثلح بس قال سنه و8 شهور

والله مادري بجم سويته بألف وشئ

انا مسويه عندهم ضروسي من الالف الى الياء كلهم

وخلعوا ضرسين بس مايعور خلعهم والله اني اقول لدكتوره يالله متى تششلعينه قالت يالله قومي روحي شلعتم وخلصت مايعور ابدا

والله يسهل عليج لا تفكيرن ومراح يصير الا كل خير

 

[برونزيه نعومه كتكوته]

امبيه بقولكم صدمه
رحت الاميري
قالي دكتور هندي
ما تحتاجين تقويم اذا متنتي و طلعت لج خدود تنحل مشكلتج .. و الله عبالي داشه على دكتور تغذيه
ضحكني قت الظاهر ماله خلقي خخخخخخخخخخخ
هالاسبوع بشوف السلام و الميدان بلحق العياده اللي ما تشلع

 

[غزيل الفله]

ههههههههههههههههههههههههههههههههه
من صجك شهالدكتور الدايخ لايبه مالج إلاتطقين حوش عند العيادات واللى يناسبج سعرها حطى فيه

 

[برونزيه نعومه كتكوته]

اي و الله تخيلي قالي من الضعف تتوهمين ان ضروسج بارزه بس حلوين مافيهم شي
قلت الحل ؟ قال متني لازم خدود ما يصير ضعيفه وايد مو زين متني تغذي عدل
الحل بالتغذيه
قلت هاااااااااااااااااو ؟
شلت جنطتي و طلعت
الحمدالله و الشكر الهنود يا اييلج واحد فلته يا واحد صج تحسينه هندي :\

 

[oum 5ald]

حبوووبه المواساااة وااااااااااااااايد حلو

واول وتالي بيشلعونلج ضروس ماكو احد مايشلعونله يمكن اربع انا شلعولي 4 بس والله كنت ميته من الخوف وماسيت بووولاااااااا شي
(حط فلوسك بالشمس واقعد بالضلال)

عموما انا كنت حاطه الشفاف وسعره 1200 وشلع الضروس الواحد على 40 طول معاي سنه ونص جنه

ويصير اقصاد بالنسبه للتقويم بس لازم مقدم

اتمنى اكون فدتج حبوبه

 

[برونزيه نعومه كتكوته]

ضروس العقل وله عاديين ؟
انا العقل شلعته بالميدان اب 80 جراحه و غرز

 

[برونزيه نعومه كتكوته]

بنات عندكم رقم الثريا ؟؟؟؟
و طريقة الدفع عندهم شلون كاش وله اقساط
و الاقساط لا يكون يحولوني على شركه اصول مادري المنار و استقطاع
المديان طلبو منو استقطاع على شركة المنار مادري تسهيلات :\