سؤال لمعلمات الخبرة

[لطوف1]

الى معلمات الخبرة انا معلمة فى المرحلة الثانوية وقدمت نقل الى المرحلة الابتدائية قبل ثلاث سنوات ورفضت يسرى العمر طلبي . اقدر اقدم استقالتى واتعين من جديد واشترط عليهم المرحلة الابتدائية او انتقل الى التدريس فى المدارس الخاصة . او استقيل واقدم على الخدمة المدنية او احول ادارية وجزاكم الله خير

 

[terenaam]

معلمة شنو ؟؟ انجليزي او عربي او رياضيات او علوم ’’’’ كلهم في نقص بالابتدائي خاصة البنين

حاولي مرة ثانية تقدمين نقل و ان شاء الله يقبلونج و جيبي واسطة معاج ..

 

[جيتك تعال]

معلمة شنو تخصصج ؟

وانا باذن الله اجيب لج الاجابة الشافية

 

[لطوف1]

معلمة كيمياء

 

[جيتك تعال]

حبيبتي .. سالت لج اليوم ... قالولي خل تحاول بواسطة الكتب للتنسيق

وتطرد فكرة الاستقالة لانها بترد تترشح من الديوان والترشيح بياخذ وقت والاولوية للتعين الجديد

 

[كارلوفي فاري]

حرام والله كيميااء وتروحين تدرسين ابتدائي. اولا تخصصج محتاجينه ثانيا التعامل مع الثانوي اسهل لج من الابتدائي. وترا علوم ابتدائي دسم ويبيلج مجهود علشان توصلين للطالبات. عموما هذي وجهة نظر
وبالنسبه للطريقه مااقدر افيدج. ان شالله تحصلين الاجابه. وموفقه يارب

 

[منوووور]

من زين الابتدائي لا بالعكس الثانوي افضل لج
انا لو حاصل لي ثانوي نقلت الابتدائي حيل متعب ومكلف خاصه اذا المدرسه
ماعتج ميزانيه لادوات المختبر شيلي من راتبج لايقل عن ١٠٠ دينار كاها ادوات مختبر ووسائل تعليميه وهدايا
وتوجيه الابتدائي غثيث حده. نصيحه استخيري انا اقولج من موقع الحدثكوني معلمة ابتدائي علوم