سؤال لمواليد 1986 ضروري

[Hessa.Om-M7md]

السلام عليكم بنات
عفيه عندي سؤال شاغل بالي وايد
تطعيم الدرن الي يسمونه قبل إبزة نار اللي يترك بقعه بالكتف بأي عمر خذيناه ؟؟؟
لأن آنا كلش كلش ما أتذكر اني خذيته و ايدي أبداً مافيها أي علامه و أكيد أمي بعد ما تذكر
بس ايدي لو تفحصونها عدل عدل مافي أي علامه أو أي شي يدل على اني ماخذه هالتطعيم

 

[دلع86]

والله ماتذكر بس جنه جنه بالمتوسطه او الابتدائي حدي ناسيه بس انا مبينه مكان الابره بايدي اليسار

 

[miss_7_up]

اتوقع ثالثه متوسط شي جذي آنه لي الحين باقي علامه بجتفي اليسار منها

 

[غــلآ]

اتوقع بالابتدائي

 

[غرقانة بالحزن]

وية والله ماذكر؟؟؟؟؟؟؟
بس في عندي العلامة

 

[لي لي الحلوة]

امي تقول اخذتيها وعمرج 5 سنوات

 

[Hessa.Om-M7md]

بنات ششسوي الحين اشلون أعرف أشكره ما راح أقدر أطلع بالسجلات و أمي مو ذاكره متى خذيتها بس تقول لي لا تفكرين زكيد خذيتيها ويلا ما يعطونج الشهاده الصحيه اللي مع شهادة الثانويه
بس يا ربي ايدي كلش كلش كلش ما فيها أثر

 

[شندوخه]

انا اخر ال 84
بس اخذناه بمرحله الروضه او قبل الروضه هذا اللي اذكره
واللي ماتطعم بالروضه يتطعم بالمتوسط لان اذكر فتشو علينا بالمتوسط كذااااااااا سنه اللي مايلقون معاها علامه التطعيم يطعمونها
بس الحين كبرنا وراح الاثررر بس والله الاثر تم معاي لي المتوسط واكيد جسم عن جسم يفرق

 

[شـواقهـ]

وانا بعد مافيني أثر كلللللللللللللش

واشك اني مو ماخذتها !

 

[جــــود]

حتى انا ماكو علامه كلش

اشك اني مو ماخذتها

الله يستر ويكافينا الشر

 

[Hessa.Om-M7md]

وانا بعد مافيني أثر كلللللللللللللش

واشك اني مو ماخذتها !

حتى انا ماكو علامه كلش

اشك اني مو ماخذتها

الله يستر ويكافينا الشر

يعني معقوله ما خذيناها !!!!! ويلا بشرتنا جذي مع السنين راح عنها الأثر :gr4uu:

 

[رجــــه بـس رزه]

انا اعتقد المتوسط وفي علامه بكتفي اليسار

 

[رجــــه بـس رزه]

وناااسه اعرف منو بعمري بالمنتدى ((ليش ما نسوي تجمع ))؟؟

 

[شـواقهـ]

انا اذكر من كنت صغيرة مااااافيني علامة لأن شفتها باخواني وخواتي كلهم إلا أنا <مشتغلة مقارنات

وانا مواليد نهاية 87 بس اتوقع ماله شغل السنة

قريت ان العلامة تدل ان التطعيم مفعوله اوكي

وفي ناس ياخذونه وماتطلع لهم لأن مفعوله ما مشى

أو معناته ما خذوه بالمرة

الزبدة ان لازم تطلع علامة

بعرف يصير ناخذه الحين ووين نرووح ؟؟؟؟

 

[منو انت]

ررفع

 

[قاهره عذالي]

انا مافيني علامه بايدي الا ابره مدري شنو يمكن حق شلل اطفال

 

[Blue Tulip]

اعتقد قبل لاندخل الروضة والاثر للحين موجود بس خفيف
كلنا طعمونا مااعتقد في احد ماخذاها

 

[blue lady]

انا في اثر بس صغير وخفييييييف بالغصب يبين
يمكن عندج بس مو مبين واضح مو قادرة تشوفينه

 

[Hessa.Om-M7md]

بنات رحت المستوصف قسم التطعيمات كنت بطعم ولدي و بالمره سألت
قالت لي الممرضه الي تطعم : اكيد اني متطعمه لأنه اهو يكون قبل الروضه و بعدين بالمتوسطه اذا في أحد مو ماخذ يجيكون عليه و يعطونه و و حتى لو لو لا سمح الله مو ماخذته خلاص مو مهم لأن التطعيم يعطي وقايه بس للأطفال و يروح مفعوله لمن نكبر
و قالت في ناس ما يطلع لهم أثر مو شرط

أشوه طمنتني
عاد قلت أقول لكم

مشكورين وايد

 

[أو عبوش]

ياحياتي انا مواليد 85 وفيني علامه

بس يوم كنت اطعم ولدي كان عمره 3 شهور تقريبا

صار بيني وبين الممرضه سوالف
وان هذا نفس التطعيم اللي ناخذه بالروضه ويطلع لنا علامه بس الحين تطورت التطعيمات وصارو جيل اطفال الحين ياخذونه بعمر 3 شهور وتبقى بالايد شهر عقبه تنتفخ سبحان الله

يعني احنا كنا ماخذينه بالروضه او قبل ندخل الروضه بشوي

والحين ياخذونه عمرهم 3 شهور

واسمه تطعيم الدرن

وموشرط كل الناس تبقى علامه



وسلامتج يعني تطمني انتي ماخذتها مستحيل تدخلين المدرسه ان ماخذتيها