سؤال محرج ( الشيرة والحمل) افيدوني من تجاربكم

[mi corazon]

السلام عليكم كروشات

احسن شي بالموضوع اني كاتبته في قسم الحوامل والسؤال مبين من بره ف بليز لا تطمشون وتكشتون ماتردون

ترى اتحطم والبيبي بعد يتحطم ويزعل

المشكله سلمكم الله اني كنت اسوي ليزر بس بطلت لما حملت اول مره وكملت شيره ولي الحين ( أتكلم عن المنطقة الحساسة)

لاحظت اني بكل حمله بالشهور المتقدمه( الرابع وفوق) لما اسوي شيره واضطر اتكوكس احس بشدة غريبة جنه رحمي انقلب والله شعور غريب ويذبح عقبها بيوم يومين اجهض

هالحمل من وصلت للشهر الثالث وانا اسوي موس ولاعت جبدي منه لأنه يطلع يبر ويقزز

شنو الطريقة المناسبة للشيرة؟

وهل اقدر استبدل بهدلة الشيرة وتلزيقها وتوترها بالواكس او الشمع اللي معاه ورق مقوى احس اسهل بس خايفه اجرب

خاصه وأني مسويه ربط و حركتي محدودة بأوامر الدكتور


قرقر وايد ادري .. سوري بس متوتره ابي اسوي ابي احس بالنظافه

 

[M.O.F]

وعليكم السلام

بسالج شلون يعني مافادج الليزر ؟؟؟؟

 

[Aloe Vera]

خليج عالموس ستشوين بعد ، اكو موس اللي فيه راس جل يتراوالي احسن و انعم نتيجة و بعد الولادة سوي اللي تبينه الحين تحملي

 

[mi corazon]

وعليكم السلام

بسالج شلون يعني مافادج الليزر ؟؟؟؟

لا لا مو ما فادني

قصدي لما دريت اني حامل وقفت جلسات اللي كنت بادية فيه قبل الزواج

ف الشعر قام يطلع وبر خفيف بعدين ماقدر اكمل ليزر ف قمت اسوي شيرة وبالنفاس موس

وعقب سنه ونص رد يبر نفس قبل


لان كان يبيلي 7 جلسات وانا سويت بس اربعه كل شهر مره

 

[mi corazon]

خليج عالموس ستشوين بعد ، اكو موس اللي فيه راس جل يتراوالي احسن و انعم نتيجة و بعد الولادة سوي اللي تبينه الحين تحملي

يعني مايصير؟ ماكو حل !!!

يسلموو

 

[لسووعه]

لا ديربالج من الشيره بولدي انفتح رحمي فجأه ونزل الجيس وانا بآخر السادس والله العظيم فجأه حسيت بشي نزل طلع الرحم مبطل وهذا جيس البيبي وماكان في لاطلق ولااا شي قعدت اسبوعين مفتوح رحمي سبعه سانتي بس انا كانت قعدتني وانا احف چني أولّد نففسي فديري بالج

 

[لسووعه]

وي انا بعد ربطت ألحين يعني مثلي وضعج الظاهر خلج عالموس كلها جم شهر ويعدون على خير إن شاء الله في موس فينوس لون برتقالي زين أحسن من غيره

 

[fofo90]

انا مثلج حاليا عايشه عالموس شسوي الله كريم لين اولد اهيا كلها فترة ونعدي نتحمل وطبعا ماشوف المنطقه كلش اشيل عالبركه شسوي هههههههه

 

[اهذريبك~]

الة براون و فكي عمرج تهبببل وماتخلي الشعر خشن

 

[برنسيسة2007]

براون تعور تذبح لازم كريم انلا واملا سمعت ومو متأكده مو زين للحامل بنزل موضوع اسال فيه البنات

لكن نصيحتي بما انج مسويه ربط خلج علموس مايسوى عليج يصير شيء للبيبي اسم الله عليج

 

[يستفزني غلاك]

ي اختي اهم شي صحتج و ان ربي يتمم حملج و تشوووفين جنينج بين احضانج وتقومين ب السلامه
شتبين ب الشيره
عشششان البيبي تحملي الموسسس و يقزز صح بس خليج كل يومين او لما تاخذين شوور تستخدمين الموس اهم شي البيبي
نصصيحه ابتعدي عن الشيره و تضغطين ع عمرج و تعورين الرحم عشان تحفين ب شيره
بعد الولاده ان شاءاللله ترجعين عرووس و حزتها استخدمي الشيره والليزر متى مابغيتي بس فتره الحمل نصيحه جربي الموس و الله يعينج

 

[انفاس القصيد]

لاتضغطين بطنج حبيبتي على بو انج بتشيلين بشيره الاهم انج ماتضرين جنينج ولا نفسج خليج على الموس والله يتمم عليج حملج يارب

 

[New_bride]

ديري بالج لاتستخدمين الشيره

انا حملي الاول كنت استخدمه واستخدم شرايح فيت كنت احس نفس اللي تقولينه الرحم يتحرك من مكانه
واخر شي اجهضت

الحين استخدم موس فينيس اللي يطلع رغوه مع الحلاقه صج ان مو مثل الشيره بس احسن من الموس العادي

 

[طيبة83]

خلج على الموس لا تجازفين بعمرج

 

[@سيدة نفسي@]

والله انا من عرفت ان الرسول سن الحلق للعانة وانا ماأستخدم الا الموس

والحمدلله مرتاحة عليه وماخذة أجر بعد

 

[نسمات 26]

في وضعج خلج على الموس

والله يعينج شعور كريه

حاليا استخدم الحلاوه واشيل على البركه لان ما شوف

 

[mi corazon]

وي بنات خلاص ماتسوى علي

بتم عالموس ان شالله لين ربي يسهل و أوصل للتاسع

بس ما اتخيل اولد وانا مسويه موس وبعدين يقزز مع الخياط واي تعذيب

يسلمو حبيباتي عالنصيحه ... بقضب ارضي و استعمل الموس

 

[مرجانة الزمان]

ديري بالك حبيبتي الله يعينك انا اسوي بالموس بس في شفرات خاصة للنساء ويكون الملمس بعدها ناعم ، اسوي طول فترة الحمل وانا قاعده على الكبنيه العفو مو اجلس القرفصاء لان هاي الحركة مو كويسه تفتح الرحم يمكن هاي الي صار معاكي واخطر شي تنعمل هل الحركة في الاشهر الاولى ، في شهري لمن ادخل التاسع اسوي حلاوة عشان لا يطلع على طول الشعر لان ميزته يسيل من الجذور ويطول لمن يطلع هاي افضل شي.

 

[ٱستۆطنت خٱفقهْ]

الله يثبت لج حمالج ويسهل عليج ?

انا استخدم الشيره بس وضعيتي غير

انسدح على ظهري وبالراحه شوي شوي اشيل وعندي منظره صغيره عشان ﻻ اتكوكوس واعور ظهري
وﻻ خلصت اروح عالافرنجي اشيل اللي ماقدرت اوصله

^^
هذي طريقتي بس دامج رابطه خلج عالموس وكل يومين شيلي
وبس تدخلين التاسع شيلي شيره وتنظفي للوﻻدة ??

 

[mi corazon]

ديري بالك حبيبتي الله يعينك انا اسوي بالموس بس في شفرات خاصة للنساء ويكون الملمس بعدها ناعم ، اسوي طول فترة الحمل وانا قاعده على الكبنيه العفو مو اجلس القرفصاء لان هاي الحركة مو كويسه تفتح الرحم يمكن هاي الي صار معاكي واخطر شي تنعمل هل الحركة في الاشهر الاولى ، في شهري لمن ادخل التاسع اسوي حلاوة عشان لا يطلع على طول الشعر لان ميزته يسيل من الجذور ويطول لمن يطلع هاي افضل شي.

صح كلامج

قعدتي غلط .. مو القرفصاء كنت اقعد عالارض كأني متربعه ( قعدة اليوجا) واجندس حيل علشان اوصل لآخر مكان تحت

وفجأة احد بقلبه و أقوم بسرعه وأحس بشده قويه

شكلي ان شالله ماراح ارجع عالشيره او الشمع الا لما يفتحون الربط باذن الله

وقبل لا احمل مره ثانيه بسوي ليزر علشان لا تنعاد المأساة