سؤال مسنعجل جدا جدا!!

[noor9774]

السلام عليكم
ممكن رد سريع على سؤالي لاني قاعدة أفكر اني أسوي أطفال أنابيب بس مترددة و زوجي أكثر مني متردد لأن احنا سمعنا ان أطفال الأنابيب ممكن انها تكون نتيجتها أطفال فيهم أمراض أو غير طبيعيين ما أدري والله حدي محتارة ما ادري شسوي أخاف أسوي أطفال أنابيب و يكون الطفل فيه مرض و الا شي لا سمح الله
والله خايفة ساعدوني منو جربت أو سمعت عن أحد سوا أطفال أنابيب و اشلون كانو عيالهم سليمين والا فيهم شي؟؟؟
منو تساعدني و مشكورين وايد

 

[البدايه 23]

اتكلي على ربج الرحيم وقولي دايما ياااااااااااااااااارحيم وانشالله خير

 

[طيبة الطيبات]

منو قالج هالمعلومه الغلط بالعكس ناس كثيرين عيالهم عن طريق اطفال الانابيب مافيهم شى يهبلون اتكلى على الله وسويها وسوى سيرج بالنت فى المنتديات الطبيه وراح يعلمونك والله يرزقك

 

[Coffee-Girl]

اختي المعلومه الي عندج غلط اطفال الانابيب والحقن المجهري مافيهم شي

بس اذا بتسوين عندج د:فوزيه القطان او

د:منصور العرف

د:باترك

 

[m e m e]

بالعكس ماله شغل اذا الياهال بيطلعون فيهم شي يكون بسبب الوراثه ماعتقد العلاج له دخل

توكلي على الله

 

[pink Engineerah]

والله انا اختي سوتها عند دتور منصور العرفويابت ولد يهبل ما فيه اللا العافيه

مالج شغل بكلام الناس وفاااااااااااااااااااااااااالج التوام انشا الله بهالمطر قولي اميييييييييييييييييييين

 

[المهذبه]

ماله علاقه كل شئ بيد ربج وكلي أمرج لله....

 

[noor9774]

مشكورين وايد طمنتوني و يعطيكم العافية
والله يرزق الجميع يااااااا رب

 

[Hello_kitty]

الله يرزقج ويفرح قلبج ياااااااااااااااااااااارب

 

[bnt_kwt]

ماعندي زود على كلام خواتي
ماشاء الله عليهم كفوا ووفوا

 

[كويتيه مذهله 87]

لا ماله شغل سويها وتوكلي علي الله أعرف وايد بنات سووها عيالهم كلهم طبيعيين

 

[الغلاوي]

مرحبا حبيبتي أولا وفبل كل شيء استخيري وإذا فيه خيره لج ربي بيسره وإذا مافيه خيره لج ربي بيرده عنج وبعدين أطفال مريضين هذي بيد رب العالمين وهو سبحانه القادر عليها لاتفكرين بهالموضوع من هالناحية توكلي على ربج وهو اللي بيسر لج اللي فيه خير وصالح لكم أنتي وريلج وعسى الله يرزقكم ويرزق كل من بغى الذرية الله يوفقج ويسر أمرج ولا يحرمنا ويحرمكم

 

[Emanova]

اول طفله انابيب انولدت من العلاج في وحده الانابيب بالكويت اسمها دلال و اهي عمرها 24 سنه و متزوجه و عندها اعيال

و في واحد من الشخصيات الاعلاميه المشهوره ولده ضابط و متزوج و عنده اعيال و كانوا امسويين الانابيب في لندن ..

حبيبتي الامراض اذا الله كاتبها اتيي للطفل حتى لو الحمل طبيعي 100% فخليج عن الوسواس اللي ماله داعي و توكلي على الله و ان شاء

الله يرزقج من اوسع ابوابه

 

[<Miss ROoSe >]

والله يا حبيبتى ماعندى فكرة بس استخيرى رب العالمين بهالايام الفضيلة ( ذى الحجة ) وربى ماراح يقصر معاج ان شاء الله ويرزقج على قد نيتج​

 

[حلم الأمومة]

حبيبتي توكلي على الله العيوب الخلقيه والامراض ماااااااااااالهـــــــــــــا علاقة بالانابيب

 

[noor9774]

مشكورين على ردودكم و ريحتوني الصراحة ما قصرتو و ربي يرزقنا و يرزق كل محروم يااااااااا رب