سؤال من طموشة للمتزوجات .. احم احم

[قطوووة]

السلام عليكم ..

شخباركم خواتي العزيزات << خطاب رسمي

عندي سؤال .. طبعا زمنا الحين غير عن زمن اول ..
فيه فونات وتكنلوجيا وكل شي


الوحدة لما تملج .. وتصير حلال زلال على زوجها ..
عادي انه تكلمه فون وهالشي يصير وعادي عند بعض العوايل .. مو الكل .. البعض

سؤاااااااااااال
لكل متزوجة كلمت زوجها قبل العرس وجذي سواء خطبة او ملجة ..

شلون كسرتي الخجل .. بينج وبين زوجج ؟؟؟

(( على ااعتبار ان الاغلبية تزوجوا زواج تقليدي مو عن ساابق معرفة )) او حتى لو كنتوا تعرفون بعض اكيد طعم المكالمة بعد الملجة رسمي غيييييييييييير
..

شلون سوالفكم .. سلام شلوونكم شخباركم ههههههه

اول مكالمة شلون كانت :d

منو يدق عالثاني اكثر انتي والا هو

ومتى طاحت الميانة






اعرف وحدة مملجة وجذي .. من يدق عليها تختبص وصوتها يروح ههههههههههههههههههههه







سولفوا لنا عن مواقفكم وذكرياتكم !

لكم المايك

 

[قطوووة]

uuup

 

[pusy cat]

مع الوقت ومع كثر السوالف

وعلى حسب الزوج اذا كان جريء والا خجول بالسوالف

الميانه الزوج اللي يطيحها والا ماتطيح

 

[white**angel]

اول مكالمه منه كانت لووووول شي طبيعي بتكون من الرياال اذا اهوا مادق يغسل ايده انا ادق عليي
كانت سوالف عاااديه واحس الحيااااا كلا نزل علي بهاللحظه
واحنا عادي نطلع معاا ونقعد مع بعض فلمن كنت اشووفه احس وايد اهون من لمن اسولف معاا بالتلفوووون
بس بعدين عادي بعد اسبوعين تقريبا طيحنا المياااانه وصار الوظع حيل طبيعي
لانه خلاص تتعودين عليه
وهالشي ترى على حسب الريال اهوا اللي يطيح الحواجز لانه الريال بطبعه جريئ اجرء من المره

 

[kwait doll]

حتى لو البنت ما كانت تستحي لازم بأول مكالمه تمثل الحيا
وبعدين عادي تطيح الميانة شدعوه احس اللي تستحي زيادة عن اللزوم تلوع جبد زوجها منها

 

[FA9LA*_*]

عزوبيه للحين

بسسس واللله اذااا ملجت و دقييييت لأقوووولج لووول

 

[الأميرة جوري]

انا اهو كان يسحب الكلام منى غصب كنت استحىىىىىىىىىى......يعني الو ....انا:الو.....اشلونج....انا:تمام.........زينه..........انا :.اي..........تدرين انا ......الخ ....انا : مستمعه او ام ام <<من الحياء ههههه...

مع الوقت صرت موصاحيه اركض عالتلفون لمن يدق ههههه...بس بثقل

 

[BoZo]

هههههه

والله بس اول اسبوع ما اسولف وكله ساكته وما اكل اذا طلعنا بعدين عصب الريال و زفني زفه محترمه جان تطيح الحواجز وانا تسنعت هههههه

 

[تعبت اداري...~]

هههههه

والله بس اول اسبوع ما اسولف وكله ساكته وما اكل اذا طلعنا بعدين عصب الريال و زفني زفه محترمه جان تطيح الحواجز وانا تسنعت هههههه

:eh_s(2):كسرتي خآطري وبنفس الوقت ضحكتيني

 

[هيبة ملك]

والله ماكلمته إلا ليلة العرس

 

[*ريما*]

بالبداية بس الحياه
بس بعدين خلاص تطيح الميانة مابينكم

 

[~lonly-sister~]

واي وناسه ابي جذيه

والله بس يصير جذي اعلمكم لوووول

 

[قوية الباس]

ماحب سوالف فون باللملجه اطيح الميانه بزوود

ترا مو حلوه الميانه اطيح يصير كل شي عادي

حتن عند اهله لمن يسولف عنج راح يقول لهم ايي فلانه عادي وراح ياخذ قرارات عنج عند اهله علا بو الميانه طايحه


اذا تبين تحاجينه باللملجه بحدود والميانه مهما كان لا طيح

واذا ماتحاجينه احسن بعد

 

[شهووووودة]

اب اب اببببببببببببببببببب

ووووووووووووووووي متى ايي اليوم اللي اقولكم عنه ؟؟ << عيب يا بنت

<< طموشه لوووووووول

 

[Model Look]

لوول اوف اتعس ايام حياتي فتره الملجه

اهو يستحي وايد وانا شوي جريئه وعارفه الحياة بحكم اني ادرس برا فمختلطه بمجتمع مختلط وما استحي

يعني استحيت باول مكالمه بس لووول بس بعدين عادي خخ

بس مشكلته كان خجول ويستحي ياخذني ولا ايي بيتنا

وانا اقول لامي شفيه هذااا شنو مغصوب ولا شنو

شوي واهون بالملجه بس انزفيت لوول

كان يدق بالحسره وانا مااادق عليه خير شر ابيه يتعود يدق اهو مو اناا

لا ويدق خمس دقايق ويسكره

انقهرت منه ماحس اني نفس البنات

بعدها فديته لما صار عرسنا عرفت انه يحبني من زمان صارله سنه وشي وانا مادري لوول

فعرفت ليش يستحي وايد مني واهو من كثر ما اهو على نياته يتخسبق لوول

 

[قطوووة]

ياحلو سوالفكم

 

[dectora 7elwa]

ذكرتينا باللذي مضا

 

[ana mo ana]

جك بوووم انا مع رجال ما اعرفه بغرفه


هههههههههاهااااي يمه احساس يخوف وحلووو بنفس الوقت

ممنووووع عندنا هالشي

 

[@ نجمة العطااا @]

أنا زواجي قصته قصة طويييله بس لختصرها انها كانت نصر من الله سبحانه وعلو لقدري ومكانتي
اما الاتصال أنا ما كنت أدق ولا يعرف رقمي اصلا لمن علي تواصل بعد الملكة طبعا مع إخواني واكثر شي مع الصغير
المهم مرة قالوا انه بيروح العمرة عاد يسالهم توصون علي شي هنا أنا كنت محتاجه دعوة مهمة بالدراسة خخخخخخخخ جان ادز له من رقم اخوي الصغير دعواتك لي بالدراسه
عباله اخوي المسكين تالي من كثر ما حن وحالته حاله يبي رقمي وطبعا لو قال لاخواني بيذبحونه خخخخخخخخ شسوي سوي نفسه يلعب بجهاز اخوي جان يلقي رقمي اخوي كان قبل حافظه باسم كليتي لووووول وبس اول مرة دق وانا أسكر بوجهه ما ارد وتالي ارسل لي مسجات غزل طااااااف من قلب واخر شي كان ارسله أنا الحين عند اخوي وبعطيه رقمك وحسبي الله ونعم الوكيل جان يرسل مسج لالالالالالالا أنا زوجك فلان ردي علي بقولج شي مهم وخطير
امبييه خفت جان يدق وارد قال الووووو قلت هلا ( هذي كلمة عفوية معاي للكل أقولها) المسكين عباله هالكلمة بس أقولها له قال لي هلا وغلا فيك يا حبي ووووووووووو
وبس بدينا مسجات لان قلت له بمسج أنا استحي اكلم وما اعرف بس بعدين جبرني وتميت طاقة الثقل والتغلي لما سوا مقلب فيني وبس بعدها راااح الحيا خخخخخخخخخ

والحمدلله بخير وعافية وربي عوضني فيه عن كل شي الحمدلله
والله يحفظه لي ويبعد عنا كل شر والحساد وأهل العين يارب تفكنا من شرهم يارب

 

[FeShinGoOo]

اهو شرط انه يكلمني قبل الملجه عشان نعرف بعض شويه قبل لا تصير الملجه ونتدبس فبعض ولا سمح الله يصير طلاق

الصراحه اول فتره كانت حيل متعبه واذكر نزلت موضوع اسأل البنات شنو اسولف مو عارفه كانت اغلب المكالمات هدوء وصمت وملل ماكو سوالف وماندري شنقول حق بعض لوول

كنت اسجل اسئله وسوالف على ورقه وقلم بس عشان لا يصير صخه والقى كلام اقوله له لوووووووووول

والاسئله كانت كلها عن المستقبل شنو راح نسوي وين راح نسكن شنو نظامه وشنو نظامي شنو اطباعه شنو يحب وشنو مايحب
شنو شروطه وشنو الاشياء الي مايرضى فيها ولستت الممنوعات عنده ..
ساعات كان في سوالف فرفوشيه يسولف عن موقف صارله اليوم وعن دوامه وطبيعه شغله وجذي
شنو مخططاته المستقبليه يبي يكمل دراسته وجذي
شلون علاقته باخوانه وخواته
شنو هواياته

جذي يعني سوالف عامه