سؤال موجه للمعلمه الخليجيه ؟؟

[سارونه العنزي]

السلام عليكم ورحمة الله وبركاته........بغيت اسألكم خواتي الابلات ؟؟
هل يختلف راتب المعلمة الخليجيه (سعوديه) عن راتب المعلمة الكويتية ؟؟؟
واذا كان تخصص المعلمة نادر ( لغة انجليزيه مثلا ...
هل يختلف والا لااا ؟؟؟

:blueSmCLR:سوسو العنزي:blueSmCLR:

 

[Cool Teacher]

رد : سؤال موجه للمعلمه الخليجيه ؟؟

نعم يختلف اختلاف كبير

ومايفرق تخصص نادر او لا

 

[حلا الظفير]

انا مو موظفه بس اتوقع يختلف

 

[gogona]

حبيبتي يختلف الخليجيه راتبها 560 تقريبا والكويتيه اعلى منها بواااااااايد
وماكو شي عندنا بالكويت اسمه تخصص نادر كلهم نفس الرواتب يعني ابلات الفنية والالعاب رواتبهم نفس الانجليزي والعربي

 

[مشاعر خجوله]

يختلـــــــف ..

والمعاش ماله شغل بالتخصص النادر .. لان الكل نفس الشي

 

[Little_Queen]

اول مره ادري ان التخصص النادر مالهم شي مميز !!

يعني اللي تبقق عيونها و يطيح حظها دراسه و تعب
فيزيا
كيميا
لغة انجليزية

حالها حال اللي درست فنيه ولا بدنيه ؟

ادري الفنيه و البدنيه بعد دراسه و تعب بس يعني خلونا منطقيين اللي درست فنيه ولا بدنيه بذلت جهد

يختلف تماما عن اللي درست فيزيا مثلا !

 

[مطيريه ماركه]

رد : سؤال موجه للمعلمه الخليجيه ؟؟



^^

كلآم أكيد آلتخصص آلنآدر بِ آلنسبة لـ آلمعلمآت آلكويتيآت فقط فرنسي و فيزيآء

آمآ آلغيـر كويتية مآلهآ تخصص نآدر حتى لو كآنت خليجية وروآتبهم 560 دينآر وسمعت بِ يسآوونهم في آلكويتيآت

وعسسسسى آن شآء آلله يستآهلون أبرك من غيرهم لآ لغة ولآ تدريس !

 

[كويتيه حلووووه]

اي يفرق معاش الخليجيه عن الكويتيه بتقريبا 300 دينار

انا تحبطت يوم دريت الكل نفس الراتب

يعني الجامعه كانت تعطينا مكافأة تخصص نادر لان مافي طالبات يدرسون هالتخصصات بالجامعه لانها صعبه ونادر مايمشون الطالبات فيها وخريجينها شويه بسبة صعوبتها بس يوم نشتغل نفس الراتب والله ظلم

بنات دشو تخصصاتنا بالجامعه وماقدرو يكملون وراحو تخصصات عاديه مو نارده وانا كرفنا وصمدنا بنخصصنا وكنا نقعد بالجامعه من الصبح لي 8 المغرب ومحاظرات ايام العظل غير الرحلات وتخرجنا واخرتها يساوون بنفس المعاش ماقصد الاهانه بس والله حرام

خل يصير شويه عدل بالموضوع

 

[اسمي بين الاسامي]

ترا تخصص نادر مومعناته دراستج اصعب من غيرج

يااااااااكثر التخصصات الصعبه في الجامعه ومايعطون عليها مكافئة تخصص نادر

التخصص النادر معناته ان بعد التخرج قليل اللي يرغب بتخصصج ويوظفج عنده

في تخصصات بالجامعه حيييييل صعبة بس مايعطون عليها مكافاه تخصص نادر لان بعد التخرج الكل يبي يوظف شهادته ومحتاج لتخصصه

اما في تخصصات ثانيه بعضها سهل يعطون عليها مكافأة تخصص نادر بس لان بعد التخرج قليل اللي يقبل بتخصصج

والحين اذا بتقولين احنا تعبنا ودرسنا غيرج تعب اكثر منج ودراسته كانت اصعب من دراستج ومع هذا مااخذ مكافئة تخصص نادر وتوظف نفس وظيفتج هل من العدل ان حتى بالوظيفة تكون معاشاتكم مختلفه

 

[اسمي بين الاسامي]

وعسسسسى آن شآء آلله يستآهلون أبرك من غيرهم لآ لغة ولآ تدريس !

اشدعوه مطيرية منو تقصدين باللي لا لغة ولا تدريس

ترا بناتنا فيهم الخير والبركه

لو اجيب مدرسة انجليزي مصرية تلقين ثلاث ارباع كلامها مكسر

ابلات الانجليزي الكويتيات يتفوقون مليون مره عن المصرية وغيرها

 

[أبلة كويتية]

النخصص النادر يعني

كل تخصص تقل فيه نسبة الموظفين الكويتيين عن 30 % يعتبر تخصص نادر ويستحقون عليه مكافأة تخصص نادر

وهذا للكويتيين فقط

ومعاش السعودية نفس ما قالوا الأخوات أقل من الكويتية

 

[أم علاوي 14]

طبعا اذا عندج خبرة تتجاوز 4 سنوات يكون لج بدل الخبرة

 

[مطيريه ماركه]

رد : رد: سؤال موجه للمعلمه الخليجيه ؟؟

اشدعوه مطيرية منو تقصدين باللي لا لغة ولا تدريس

ترا بناتنا فيهم الخير والبركه

لو اجيب مدرسة انجليزي مصرية تلقين ثلاث ارباع كلامها مكسر

ابلات الانجليزي الكويتيات يتفوقون مليون مره عن المصرية وغيرها

لـ ووووووووووووووو ل

فهمتيي غلط وآضح كلآمي آنآ آتكلم عن آلغير كويتيآت آقول آلسعوديآت أفضل من كثير جنسيآت عربية

يدرسون عربي وفرنسي وآنجلش وكله بدليآت

مآ آنسى مدرسة آختي زس آز بلو :eh_s(20):

ترآ آنآ كويتية

 

[اسمي بين الاسامي]

رد: رد : رد: سؤال موجه للمعلمه الخليجيه ؟؟

لـ ووووووووووووووو ل

فهمتيي غلط وآضح كلآمي آنآ آتكلم عن آلغير كويتيآت آقول آلسعوديآت أفضل من كثير جنسيآت عربية

يدرسون عربي وفرنسي وآنجلش وكله بدليآت

مآ آنسى مدرسة آختي زس آز بلو :eh_s(20):

ترآ آنآ كويتية

زين طمنتيني والله اخترعت اسفه اني فهمتج غلط :d

 

[؛؛حلاوه؛؛]

رد : سؤال موجه للمعلمه الخليجيه ؟؟

سؤال محيرني لول

جم معاش المدرسات العربيات يعني المصريات وهالسوالف

 

[أمل المنصوري]

رد : سؤال موجه للمعلمه الخليجيه ؟؟

ليش رواتبكم اشوي؟
انتوا معلمات ينبح صوتكم وانتوا تشرحون على 800دينار
احنا الخريجة تاخذ 12 الف ريال يعني تقريبا 1100دينار كويتي
وبعدين اخذي الزيادة على حسب المديرة " من حبتك عيني ما ظامك الدهر "
وعندنا الخليجيات اقل بس مو وايد

 

[طفلة المطر]

والله خير ونعمه

ياربي لك الحمد

 

[طفلة المطر]

بس سمعت من فتره ان كل 3 سنين بيزيدون معاش المعلمات الكويتيات

 

[الشامريه]

رد: رد : سؤال موجه للمعلمه الخليجيه ؟؟

ليش رواتبكم اشوي؟
انتوا معلمات ينبح صوتكم وانتوا تشرحون على 800دينار
احنا الخريجة تاخذ 12 الف ريال يعني تقريبا 1100دينار كويتي
وبعدين اخذي الزيادة على حسب المديرة " من حبتك عيني ما ظامك الدهر "
وعندنا الخليجيات اقل بس مو وايد

خوووش والله انتي سعوديه ولا قطريه؟؟؟؟

 

[؛؛حلاوه؛؛]

رد : سؤال موجه للمعلمه الخليجيه ؟؟

رررفع