سؤال

[zoba]

السلام عليكم ورحمة الله وبركاته

شلونكم يا بنات ياحلوات يا امامييييير

شخبار القرقيعان وشغل القرقيعان مع لوية المدارس والدوامات ورمضان

المهم خل اقولكم

انا عندي جياس قرقيعان ساده وحابه اطبع عليهم صورة بنتي وين اقدر اسوي جذي ويكون بسعر معقول لان الكميه وايد ؟

ومره وحده بعد شنو محلات تغليف الهدايا غير بوابة الهدايا بس بنفس المستوى يعني !

وشكرا

 

[zoba]

يعطيكم العافيه والله ماقصرتو عالمساعده

 

[أمـ طلال ــ]

حبيبتي في مطابع خاصه تطبع الصور على الخامات ..

وبالنسبه حق التغليف في كذا محل غير بوابه الهدايا ..

في محل يم المهلب مادري شسمه بس شغله حلو ..

وان شاء الله اكون افدتج ..

والله يخليلج بنيتج

 

[أم بدير]

بالنسبه لطباعة الصور عالأكياس روحي مراكز الطالب
انا اطبع عند اللي بالشاميه فوق بس ساعات يبطون الجبد يزيدون باسعارهم وايد
وفي عندج مراكز الطباعه بحولي ورى دار الشفا مثل مطبعة الابداع
قوليلهم ابي طبع حراري وشوفي اذا ينفع على نوعية الاكياس اللي عندج

بالنسبه لتغليف الهدايا والله مادري شقولج بس انا ما اتعامل معاهم اغلف بروحي
بس كلهم نفس الاسعار اعتقد
بس ماقلتلي شنو نوع الهدايا اللي تبين تغلفينهم يمكن اقدر افيدج
سامحينا عالقصور حبوبه​

 

[zoba]

ام طلال مشكوره عالمشاركه

ام بدير بيني وبينج انا شريت سلال حق القرقيعان وشريت الشرايط واشكال رمضان يعني الفانوس والمبخر وهالسولف اشكال صغار بس ماني عارفه شلون ازين السلال قلت اوديهم محل يزينهم حقي لاني ماني عارفه شسوي بالسلال اهم مو سلال سلال صايرين مثل صواني بس قش عرفتي سوالف قبل اللي يحطون فيهم الخبز
عندج افكار اقدر استفيد منها؟

 

[أم بدير]

حبيبتي زوبا دام انهم مثل السلال حطي القرقيعان بكيس من الكياس المخصصه بالقرقيعان وحطيهم بوسط السله
وربطيهم بشرايط وحطي الفوانيس والا المباخر على ربطة الشريطه
هذا على تصوري لشكل السلال لأني ماشفتهم​

 

[الغاليه نونو]

تبين مطابع رخيصه تلاقينهم بالوسيط اللي يطبعون كروت الاعراس والمناسبات يسوون هالسوالف وارخص من مركز الطالب واااااااااااااااايد

وذااا تبين توفرين علي نفسج اشتري لج طابعه فيها اسكنر خاصه للخام حتي لو مستعمله تلقينها ارخص وانتي طبعي بالبيت منها وفرتي فلوس الشغل ومنها الطابعه بتفيدج باكثر من شغله بالمستقبل

وانتي لج الخيار الاول والاخير ياقلبي

 

[tabaskom]

السلام عليكم (زوبا)
حبيبتي انا عندي لج فكرة حلوة
انا يبت القرقيعان وزينته ابنفسي بالديكور اللي ابيه
اما الطباعه.. فليش تطبعين على الجيس ؟
صوري عيالج خوش صورة ... و ديها المصور ا....و يسويلج كروت مثل الصور مكتوب عليهم عساكم من عوادة و اسامي عيالج او اي شي تبينه
و النسخة ب100 فلس و اذا تبين مكانه اعلمج
و السلام ختام