سؤووووال هام؟؟؟؟

[قطرية 100%]

السلام عليكم

بناااات الكويت ممكن تساعدوني على الاجابة على هذا السؤال ؟

عندكم مدرسة التجارة الثانوية ؟ واذا عندكم هل للبنين فقط والا في مدرسة للبنات ؟ وما هي المواد التي تدرس في المدرسة

اختكم من قطر
وجزاكم الله خير

 

[هواجيس الفجر]

وعليكم السلام و رحمة الله و بركاته

هلا وغلا بباهل قطر

للاسف اول مرة اسمع فيها ؟

انشالله البنات يفيدونج

 

[الـمـــــاااااس]

يمكن قصدج كلية الدراسات التجارية


التابعه للتطبيعي

تدخلينها بعد ماتخلصين ثانوية وتجيبين معدل

اذا اهيا مكانها بحولي

بس ثانوية ماسمعت يالغالية


والله يكتب لج اللي فية الخير

 

[a7la_frawla]

صـــح كـــلام اخـــتـــي المـــااااس
اذا قـــصــدج عـــن كـــلـــية الدراســات التـــجـــاريـــة
الــــلــي هــو المـــعـــهـــد التـــجـــاري

 

[قطرية 100%]

فديتكم يا اهل الكويت ومشكووووووووورين جعلني ما خلا منكم
في قطر عندنا مدرسة التجارة الثانوية بس حبينا نستفيد منكم

 

[q8_84]

اول مرة اسمع فيها

بس حبيت ارفع الموضوع

 

[قطرية 100%]

مدرسة التجارة تأهل الطلاب في الانخراط للعمل بالبنوك والمصارف وكل مايختص بالتجارة والطالب ياخذ راتب من الدولة كحافز له

 

[هاناا]

ما عندنا مدارس ثانوي تتخصص بشي معين



بس عندنا بالثانوية ممكن تتخصصين علمي او ادبي


التخصص يكون بالمعاهد و الجامعات

 

[pretty sarona]

لا ما عندنا ,, مدارسنا الثانوية وحده يا علمي يا ادبي , قبل كان عندنا نظام المقررات فيها تشعيب تجاري بس الحين كل الثانويات بنظام موحد ,,,عندنا بس المعهد الديني اللي اهو ثانوية دينية متخصصة بالدراسات الاسلامية و طلبته تصرف لهم مكافآت حسب معلوماتي و والمعاهد عندنا شرطها انج مخلصه ثانوية منها معهد للدراسات التجارية فيه تخصصات المحاسبة و الـتأمين و البنوك و بعض التخصصات و عندنا معهد الدراسات المصرفية تأهل الموظفين انهم يشتغلون في البنوك و التمويل ,, و المكافأة الاجتماعية عندنا تصرف لطلبة الجامعات و المعاهد بصفه عامة