ساااااااااعدوني مضرووسه

[أم المزاييين1]

السلام عليكم ورحمة الله وبركاته
شلوونكم يا كروشااات
بغيت منكم مساعده جزاكم الله خيرر
انا حامل بنص الشهر الثامن وعندي ضرس العقل ذبحني ورحت المستوصف قالتلي لازم خلع
وصراحه خفت لان في ناس قالولي مايصير تشيلين الضرس وانتى حامل باخر الشهور
فمادري عادي اشيله والا له اضرار
وجزاكم الله خيرر

 

[مشموشته]

والله اذا تقدرين تصبرين عليه و تعضين مسمار لين يتخدر ( حل مؤقت )

او تسمعين كلام الطبيبه و اهيا اكيد ادرا بشغلها و ما راح تعطيج شي يضرج

ترا اكو بنج ااااامن على الحامل انا من فتره 5 شهور يوم كنت اشيل ضرسي الدكتورة تقولي احنا نتجنب نشيل ضرس الحامل لانها ممكن تخاف من الاجهزة و الصوت العالي و يتاثر الجنين و لو انتي ما عندج فوبيا و بتتحملين عمليه الشلع روحي شيليه

انا انصحج نطري دام ولادج قربت ولا تنسين ان الحامل طبيعي يحوشها عوار ضروس

انا من السابع يوم اغسل اسناني ينزفووووووووووون تقولين ذبيحه

الله يقومج بالسلامه يارب

 

[أم يوسف وأمونة]

سبحااااااااااان الله عوار الضروس جنه يسلط وقت الحمال والله المستعاااااااااان

حبيبتي سمعي كلام الدكتورة لانه عوار الضروس يذبح واعتقد الدكتورة ادرا بمصلحتج

وما تشوووفين شر والله يقومج بالسلامه

 

[ملكه الحطب]

انا اقول انطري لين تولدين احسن

تحملي اختي ياما تحملنا

 

[Stop ana top]

وانا بعد ذبحتني ضرووسي كل شهر يعورني واحد يتناوبون :rgewrg:



وعندي العصب لازم اعالجه قالي الدكتور اذا دشيتي الشهر السادس تعالي اعالج لج العصب والله محتااره اروح ولا لأ :eh_s(10):

 

[ام هلال]

ان كنت مضروسه وانا حامل بنهايه التاسع اتفرفر من الالم وتمرقص من الوجع

رحت للدكتوره فالت لي مايصير اشيله لج وانتي بالشهر الاخير يمكن تولدين بأي لحظه

قلت لها ماكو مشكله انا بنهايه التاسع ما بفالي الا عشر ايام وخلص ...قالت لاما اقدر

يمكن تصير لج مضاعفات انا ماراح اكون مسؤوله عنها....نصيحه نطري ليما الله يفرجها

 

[_Pure_]

عااااااااااادي روحي الطبيب لاتعذبين نفسج
اصلا لو يلتهب الضرس او شي موووزين للحامل

 

[الأميرة جوري]

رد : ساااااااااعدوني مضرووسه

لا يقولون مو زين انتظري ليمن تلدين خليج عالمسكن او زيت المسمار عند العطار روعه يخدره

 

[rehamq8]

والله يا عمري ذكرتيني بحمالتي الاخيره من السادس ويحوشني عوار الضرس ومت منه ورحت للدكتوره قالتلي اذا كلش كلش شلعيه وعادي اخذ ابرت بنج بس بدون اشعه
جان اروح لعيادة الحكمه وهناك الدكتور طار فيني مسكين وقال يلا الحين اشلعه ببنج بس بدون لايسويلي اشعه لان قالي كلش راح ااذيج وماراح تقدرين عالعوار بس يوم يا ببلش جان ابطها بجيه ودموع وقلت بروح ابي زوجي واجيك باجر وياه وماشاف الا غبرتي وصبرت والله وشلعته عقب الاربعين بس الحمدلله لاني عاد سويت اشعه طلع الضرس متعلق ولازم جراحه يعني لو مخليته وقتها جان مت من العوار
والحمدلله على كتبته
انتي حاولي وتصبري واخذي مسكن عادي ما بقى شي عالولاده وبس تولدين شلعيه

 

[انــــا احبك]

الله يعينج ويهوووون عليج انطري دام فيها مضره لج ولبيبي واحتسبي الاجر يالغااليه والله يشفيج ويقومج بالسلامه