ساااااعدوني بلييييز..

[طالبة المعالي]

بناااات مااا أعرف أسولف أنا وزوجي مع بعض صار لنا سنه متزوجين وجانا أول بيبي بس ما كووو سوااالف
مع إنه يحنبي حيييييييييييييل وأنا بعد أحبه ..بس الحيويه بيناااا والسواااالف قليله بس نظراااات حب ومسجااات.

انصحوني شنوووو أسوي؟؟؟

 

[مهندسسة]

رد : ساااااعدوني بلييييز..

متزوجين ونظرات حب ومسجاات؟؟؟
حبيبتي افتحي اي موضووع امزحي معه احكيله شو بنفسك شو جاي على بالك اساليه شو محتااج
اساليه شو اكتر شي بحبه فيكي ..اكتر شي عجبه فييكي ...شو مخطط مثلا لمستقبل البيبي؟؟ وموضوع يجر موضوووع ومرة على مرة صدقييني رح تتعودو على الكلاااام
يعني ابدي انتي وعوديييه

 

[دنياالوله]

اول شي ابتدي تكلمي عن ولدج
سأليه عن دوامه عن ربعه تكلمي بهواياته
وتكلمي عن نفسج وبعدين بتهل عليكم السوالف
وتقولين ياريته ساااااااااااااااايلنت

 

[خشف العذارى]

رد : ساااااعدوني بلييييز..

سوي روحج يعني تسئلينه عن احد من اهله يعني وين يشتغل وعنده بناته متزوجات ومن ماخذين
يعني سالفه تجر سالفه

 

[نــعــوومــه]

تكلمي بأي شي .. ترى والله ملل موحلوه حياتكم ..
لازم يصير بينكم مواضيع .. يعني اول مايرد من الدوام سأليه شسويت بالدوام ..قوليله عن مواقف صارلتج سولفي عن ولدج ..بس لاتسكتين ملل ...​

 

[بنووته تكاانه]

رد : ساااااعدوني بلييييز..

امممم صح افتحي اي موضوع معااه او سأليه عن اهله او ولدج

 

[i'am THE ONE]

رد : ساااااعدوني بلييييز..

علقي علي مبارات او رياضه

دشوا مواقع تسوق او ديكور سولفوا عنها

تكلمي عن امنياتك لطفلك لما يكبر

الدعاء الله اعلم

 

[قلبي القرآن]

رد : ساااااعدوني بلييييز..

هلا حبيبتي
لازم اتكلمون مع بعض عشان اذا لا سمح الله صارت له مشكله اول من يلجأله انتي
او صار شي يفرحه اول من يبشره انتي يعني انتي اول وحده اتكونين جدامه مو اخر وحده
بس ابدي معاه شوي شوي حبه حبه يعني مو تكلمين بسوالف مالها معنى وصدقيني سالفه بتجر الثانيه
حاولي لا تستحين هذا زوجج وابو ولدج مو مسجات حاولي تسمعينه كلام حب غزل ترى مافيها شي زوجج حلالج
خلج قرررريبه منه حيل عشان هو يصير قريب منج حيل لأن سبحان الله الله ماشرع الزواج إلا لأن الرجال يحتاج للمره
والمره تحتاجله فخليج ظله ورااااااح انتي تحسين بالوناسه والفرق

 

[** محبوبه**]

رد : ساااااعدوني بلييييز..

أنتي نفسي بالضبط ماكو سوالف ويبت عبودي سوالفنا شويه حتى لو أسئله بشئ كلمه ورد غطاها بس مع ربعه بالتلفون أقوله أرحم أذونك راسك مايعورك ياخذ بالساعات معاهم بالتلفون

 

[ايام وردية]

رد : ساااااعدوني بلييييز..

مثل ماقالو البنات والا يمل ويصير يحب الطلعات ويدور ربعه اكثر من جلوسة بالبيت لان السكوت بصراحة ممل
وانتي وذكائك افتحي اي موضوع وسولفي

 

[قلبي سلومي]

رد : ساااااعدوني بلييييز..

حاولي انتي تبدين بمواضيع وسوالف
مثل يا فلان تذكر وتذكر
لغاية ماتحسون انكم بديتم تسولفون

 

[fdeet_shosho]

حسب نوعيه زوجج اذا من النوع اللى يسولف ولا النوع الصامت فى رياجيل جذي طبعهم مايسولفون يعلق وخلاص يقول كلمه ويسكت انتى تعرفين زوجج اكثر اذا من بدايه زواجكم جذي معناته طبعه اما اذا توه مر بهالحاله يمكن شي شاغله

 

[الأميرة جوري]

رد : ساااااعدوني بلييييز..

عندج ولدج فرصه تسولفين فيه عن اي شيء سواه اليوم ..او عن المستقبل شنو راح تخططون ومن هالسوالف وسوالف تجر سوالف

 

[dreams76]

رد : ساااااعدوني بلييييز..

حبيبتي تلحلحي شوي وابدي انت بالسوالف عن دوامه او دوامج او حتى عن فيلم او مسلسل اي شي وتصدقيني راح يتجاوب معاج