سااعدوني عندي استفسارات بخصوص قطوتي

[جرح!!]

السلام عليكم ورحمة الله وبركاته
عندي استفسارات بخصوص قطوتي
اول شي اهي تحتك ماادري شفيهاا وكله تلحس منطقتها التناسليه الله يعزكم
ومدري شلون مشيتها هم غريبه بطنها يروح فوق ماادري شلون اوصف لكم
وامممم بعد شنو فيها اي عند اذونها انزين قدامهم مصلعه لونه وردي جي وكله تلحس ريلها
وتلحس بطنها والمنطقه الشسمونه ماادري ليشش انا لما شفت الصلعه خفت يكون فيها ثعلبه ولا جرب بس قلت يمكن فطريات وماادري شسوي عشان اعالجها ساعدوني اول مرا يمر علي جذي
واول مرا اربي قطوه وكله تتلصق باابوي وفينا وتحب احد يحك راسها ولا احد حك راسها تنام ع ظهرها وتفتح ريولها وتلحس والحين منومتها عندي بالغرفه وخوفتني بصوتها يماااي ع اني احبها بس خفت من صوتها مو مياو ماادري شلون ويتني وخفت عبالي بتنط علي بس دشت تحت سريري وقامت تطلع اصوات شكلي ماراح انام بسبتها ولا اقدر اطلعها برا غرفتي امي بتذبحني ساعدوني :eh_s(2):

​

 

[Joo.Joo]

حبيبتي شكلها طالبه تزاوج اذا تحن وتطلع اصوات غريبه وتتغير مشيتها

دوري لها ذكر او وديها البيطري يقزونها ابره تمنع التزاوج

والصلعه ديري بالج ترا ممكن تكون فطريات.. وديها البيطري اذا قال لج فطريات نصيحة مني لا تاخذين دواه

عالجيها بماي البحــــر عن تجربه فركي جسمها بماي البحر خصوصا الاماكن الي فيها فطريات و انشالله اسبوع واقل الا متعالجه

 

[جرح!!]

واي فديت ألبج حياتوووو بجرب ماي البحرررر وبسبحها وبهتم فيها لاني احبها
انا ابيهاا تتزوج من وين احصل ذكر للتزاوج
ومشكوره فديتج ماقصرتي

 

[VET-Nour]

شكلهآ تبي تتزاوج , جيبيلها ذكر ,
و بخصوص الاذن , وديها الطبيب , و مثل ما قالت joo.joo عالجيها بماي البحر ,
انتي تعطينهآ حليب وآجد و جبن ؟
لآن كثرته تطيح الشعععر مو زين ,
عنندج مزآد الكويت آو حطي موضوع , و اتفقي مع عضوه عندها ذكر يتزاوج مع قطوتج ,

 

[جرح!!]

لا لا ماعطيها جبن بس عطيتها حليب
وبروح اشتري لها معلبات من الجمعيه
وهي ماشاءالله تاكل دياي من بيتنا واكل بيت

 

[( X.O )]

اول شي لازم نعرف جم عمرها اذا اهيا خمس شهور او ست لا ما تبي تزاوج وع حسب النوع اذا همالايا او بيكي او هاف فيس ما يصير تتزاوج اقل من سنه لان سمعت مو زين لها اما اذا شيرازيه لا عادي لمن يصير عمرها 8 اشهر جذي

فاذا بهالعمر فشي طبيعي تلحس المنطقه التناسليه وريولها وتسوي حركات كلهم يسوون جذي وبالذات اذا مو بالغه انا كانت قطوتي لمن امشي تهجم علي لان تشوف ريولي تتحرك وتحط دوبها بدوب ريولي تحض وتشمخ:bbbiu:


وع الفراق صوريه واحنا نشوف اذا فطريات او لا
لان عادي انا يمكن يكون فراغ بس


لان واضح مالج خبره

 

[جرح!!]

صراحه ماعرف كم عمرها بس اهي مو صغيره وكبيره
وراح اصورها لكم واصور الفراغ
واهي ماصار لها اسبوع عندي لان ابوي شاريها من رفيجه
واهي شكلها شيرازيه بس هم ماعرف نوعها

 

[nono-]

اول شي .. آهي تلحس نفسهآ عشآن تنظف نفسهآ عآدي !!
بس على الصلعه وجذي وديهآ البيطري ..

 

[سوسو ~]

اذا تقصدين الشعر الي جدام الاذن فوق
شعر خفيف عااادي هالمكان يكون فيه الشعر مو وايد
بس صوري خل اتأكد شكثره
وقطوتج طالبه تزاوج اذا صوتها متغير يصير يخوف تعووووي لووول وتصارخ بصوت عالي
وتتمسح بالارض

 

[جرح!!]

فديتكم كلكم مشكورين حبيباتي
وسوسو اي صاجه تتمسح بالارض
وامس كله نايمه ماادري ليش كل يومها نايمه وهاديه
وصورت الصوره بس ماعرفت انزلها بخلي بنت خالتي بتييني اليوم تنزلها لكم

 

[غلاى الغويليه]

عادى وشنوو يعنى تنظف نفسها انتى اوووول مره تدخلين قطووه بيتكم جنه
شئ عاادى وبالنسبه الاصوات الغربيه يمكن طالبه الزواج اوو شئ يعوورها