ساعدني قبل لاتناموووون

[وضوح الشمس]

:eh_s(14):بنات بكرة زوجي عازم ربعة بجيب معاة زبيدي وهامور ويقول الزبيدي اقلية والهامور اقلية وحطية بالدقوس المشكلة ماعرف اسوي ازبيدي ولاهامور ولا الدقوس ولابعد يبي احط مع الدقوس بقدونس وكزبرة وانا ماعرف شي وانا عقدتي الملح بالطبخات دايم مالح يعني وش كثر احط الملح على كل حبة من الزبيدي باختصااااااااااااار ساعدوني لاني ماعرف الطبخات الكويتية بحكم اني سعودية ردن ياحلوااااااااااااااااااااااااااااااااااااااااااااااااااااااااااااااااااااااات

 

[ويـــزا]

ههههههههههههههههه الله يعينج
نفس حالتي ما اعرف شي بالطبخ واتوهق لما يطلب مني زوجي أسوي له شي

شوفي يالطيبه
هذي طريقة خدامتنا لمرق السمج أي نوع من السمج خذيتها منها لما تزوجت

المرق :
1- تحمسين بصل + ثوم + طماط لين يلين الطماط
2- تظيفين البهار المشكل + كركم + ( شبنت + بصل أخضر + كزبره ) وتحكسين لين تذوب الخضروات شوي
3- حطي عليه ماي وخليه يطبخ 5 دقايق

1- تنظفين السمك - تفتحين بطنه وتشيلين كل اللي فيه من الأمعاء وتفتحين خياشينع وتشيلينها وتغسلين السمك عدل
2- خلطي عصير ليمون وملح ومسحي فيه السمك من بره وداخل وخليه ينقع لمدة نص ساعه
3- يعدها تاخذين السمك وتغسلينه وتقطعيمه - إذا زبيدي قطعتين - وإذا هامور على حسب حجمه كل قطعه كبر كف يدك
4- امسحي السمك بالبهار المشكل فقط من كل الجهات
5- أقلي السمك بشوية زيت لما يتحمر مو ينضج فقط يتحمر
وتحطينه بالمرق اللي سويتيه لين تحسين إن السمك صار لين - أنا عندي الزبيدي ياخذ 5 دقايق لأنه مو سميك مثل الهامور فخلي الهامور 10 دقايق على نار متوسطه عشان ما يتكسر السمك

وطبعا المرق يكون معاه عيش مشخول ( أبيض ) بالزعفران وماي والورد
وبس س س س

 

[حبيبه بدر]

حبيبتي

السمج اللي يبه قلي

نظفيه وعسليه عدل وبعدين حطي عليه ليمون وحطي عليه بهارات ناعم

ملح وفلفل اسود وكزبره وكركم ومعهم شوي طحين

وقليه وبالعافيه عليكم

 

[جارة القمر]

تفضلي طلبك

االله يعطيك العافيييييييييييييييييييه



حبيبتي بالنسبه للملح لا تكثرين ووأنتي حطي الملح لا تكثرين وذوقيه شوفيه محتاج ملح ولا لأ




يبي دقوس ولا مرق سمج


http://www.q8yat.net/showthread.php?t=253744


http://www.q8yat.net/showthread.php?t=547031


http://www.q8yat.net/showthread.php?t=45308




الهامور


http://www.q8yat.net/showthread.php?t=404078


http://www.q8yat.net/showthread.php?t=505853


http://www.q8yat.net/showthread.php?t=39969


http://www.q8yat.net/showthread.php?t=29209


المرق


http://www.q8yat.net/showthread.php?t=94441


http://www.q8yat.net/showthread.php?t=219255


http://www.q8yat.net/showthread.php?t=179725




الدقوس


http://www.q8yat.net/showthread.php?t=532438


http://www.q8yat.net/showthread.php?t=321336

 

[كويتية و لكن]

واااي ما احب هالحركة لازم يجيب السمك نظيف واطبخ لكن انا انظفه ما اعرف

الله يعطيكم العافية