ساعدني

[ليمونه8888]

انا يابنات صارلي متزوجه من احدى عشرا سنه احب زوجي وبيتي وعندي 4 بنات بس مشكلتي من قبل سنتين حسيت زوجي متغير واجهته ينكر ويقول مافيني شي وزادت طلعاته بس ماني قادره اصيد عليه شي يقول الواحد يعني ما عنده ربع يطلع وفي يوم كان طالع وقالي بمر على ولد خالي قلتله اوكي ويدق علي من غير ما يدري واسمع المكالمه كان رايح حق رفيجته نايمه باالمستشفى وسمعه بذني يدلعه ويوكله وانا ارجف من ورى السماعه تخيلوا الموقف بعدين انتبه على التلفون ودرى اني دريت بكل شي طبعا ياني البيت وتاسف وقال كل شي يتصلح وانا ما ادري ليش اسوي جذي وانتي كامله وكل انسان يتمناج وانا انسان ما ادري ليش اسوي جذي اعتبريني انسان مريض وراح يتصلح كل شي بس عطيني وقت تعبت وايد وبجيت وتألمت بس قلت بصبر معني كنت اشك فيه ويبرر مواقفه المهم مرات الايام وانا احس فيه شي بس حلفلي ان قطع علاقته فيها والحين صار سنه ونص من كلامه ان قطع علاقته فيها وقبل جم يوم كان يقول ابي اشتري ايباد وتفجات انه يايب معه ايباد وقالي توني شرايها بس سبحان الله شكيت فيه وقلبي نقزني ولما بطلتها لقيت تاريخ الكفاله غير عن اليوم الي شاري فيه الايباد المهم واجهته نكر وقالي من صجج تشكين انا شاريها ولف ودار وصرخ دقيت على يوريكا وعرفت انا موشاريها اهو كان عيد ميلاده قبل جم اسبوع وهذي الايباد هديه منها انا ينيت اشلون وعدني وانا صدقته ومن سنه ونص ما هدها طبعا انا انهرت وانا حامل الحين وحملي يسمونه حمل كامن الخطوره ومسوينلي ربط بس نفسيتي كلش تعبانه وكل ابجي مع العلم رد تاسف وقالي ساعديني قتله طلع تلفونك الثاني الي خاشه عني واكسر الشريحه جدامي رفض قتله دق عليها وخله سبيكر وقولها لا ادقين رفض اهيه تدري انه متزوج وعنده اعيال مع هذا مستمره معه وهي مطلقه بنات كرهت كل شي احس نفسي تعبانه وايد وتخيلوا يبني اسامح ويقول اذا صار بلي بطنج شي من البجي راح اطلقج شفتو ظلم اكثر من جذي انا ماادري شنو اسوي انا طول زواجي عمري ماطلعت من بيتي ولا شكيت حق احد ساعدوني

 

[انا لحبيبي .]

لا حول ولا قوة الا بالله ،

شوفي حبيبتي رح احكيلك جانبين ،

الاول جانب ايجابي ، زوجك صرلو سنتين متغير ، يعني قبل السنتين كان منيح معك ومبسوطه بحياتك ، زوجك بس تصيديه بطلب منك السماح وبقلك ساعديني يعني بدو مساعده ، بس مابتعرفي مرات الشيطان بكون شاطر على الانسان الضعيف بوسوس وبخرب الدنيا وبخرب البيت ، يعني زوجك بدو ايد معه تساعدو وتوقف معه ، مو مشكله اذا على حساب بيتك وسعادة بيتك وعدم هدم بيتك .

والثاني جانب سلبي ، الهواش والصراخ والزعل والحرد وانه تطلعي من بيتك وتروحي بيت اهلك هاد كلو رح يزيد الطين بله ، ورح تصير مشاكل اكتر من الاول ويمكن لا سمح الله تأدي للطلاق ( نحن لا نحصل على السلام بالحرب وانما بالتفاهم )

انتي المناسب الك ولبيتك ولاولادك ويلي ببطنك اعمليه حبيبتي ، الله يهدي البال ويصلح الحال يارب العالمين

 

[خالف تعرف]

الله يسخره لج يارب ويبطل خرابيطه انا انقمتت يارب سخر زوجها لها وابعد عنه هالبنت

 

[مولاي الفرج]

حبيبتي ماعليه عشان الياهل ديري بالج على نفسيتج

وطولي بالج

وكثري دعاء

يمكن لي ولدتي وشاف ظناه

بيتحسف عاللي سواه ويرد طبيعي​

 

[BiiShOoO]

الله يهديه يا رب و يسخره لج يا رب

 

[ام الدرر]

انتي واجهتيه واعترف بغلطته مرتين
زوجج يبي يتركها بس هي يمكن مو مخليته
حاولي توصلين لها او لاحد من اهلها ومعاج ادله
بدون مشاكل طلبي منهم يبعدونها عن طريقكم
وبالاخير الجئي لرب العالمين يهديه ويسخره لج ​

 

[ليمونه8888]

مشكورين على ردكم كلكم والله انا ديما ادعي واقرى سوره البقره يوميا انا قتله لا تخليني اطلع رقمها واعلمها من تكون قال اذا حاولتي تسوين جذي راح اطلقج وبعدين انا ساعدته سنه ونص وكنت باالبدايه اجيك عليه كل شوي واشك بس بعدين خليته وعطيته الثقه كان هذا جزاي فضلها على وعده لي وكلمته ما نفذها انا انسانه لي شعور وتحمل والله وجزاكم الله الف خير

 

[أم توتو]

الله يعينج ويهديه لج ويسخرة ويبعد عنه بنات ابليس

 

[ليمونه8888]

بنات وينكم ساعدوني

 

[є 3 τ и α q]

ياحياتي والله ,
اسمعيني .. حاولي تهدين امورك لآتخسرينه
حاولي انك تصبرين شوي .. لآ تهدمين بيتك بيدينك ..
صارحيه وتكلمي معه
بهالطريقه ماراح تستفادين شي اذا استسلمتي
خليك قويه .. ولا تضعفين ..

والجائي لـ ربي بالدعاء يَ الغاليه ..

آنا مآدري وش يبون بَ الرجال المتزوج !؟
يعني ضاقت الدنيا الا تاخذه من زوجته


حبيبتي هدي .. وخذي امورك بهدوء ..

_


دعوآتي ترافقك واب لعيونك ..

 

[IT shadow]

انا اقول اهتمي بنفسج وبينيله انج واثقه بنفسج واهو الخسران مو انتي واهتمي بجمالج وصدي عنه واهتمي بعيالج اهو الخسران ولا تحرقين قلبج ويارب تيبيين ولد
بنات ابليس وايد وخليها تولي وكل يوم خلج نيو لوك..وادعي احنا بشهر رمضان والله يردلج اياه

 

[مألوفة]

والله قام اهوا اللي يهددج بالطلااق المفروض انتي تقولي له طلقني اهوا اللي قاعد يخونج صج ما يستحي على ويهه

انتي لا تسكتين له خلااص سكتي بما فيه الكافية والياهل اللي ببطنج لو صار فيه شي مو منج انتي منه اهوا وخليه يفهم ها الشي

مو يدخل الحرام على بيته وايي بعدين يهددج يا قو عينه

 

[ليمونه8888]

مشكوره اهذريبك والله اني الدعاء ما تركته وانا صارحته وقلت له انا مو طحت عليك وقتلي سامحيني وانا خلاص راح اتركها تخيلي سنه ونص يجذب ومنو اهي الي يفضلها على زوجته وانا اعرف وما تركها صراحه شي فوق تحملي و جزاج الله الف خير

 

[ليمونه8888]

It shadow مشكوره ياالغاليه انا مهتمه بنفسي من يرجع من الدوام يلقاني كاشخه والله اني انطره وطول عمري ما رضيت اكل وجبه بدونه ومرات يتاخر للساعه سبع المغرب وانطره ما اكل تخيلي وانا حامل بس من حملت حملي وايد تعبانه وما اقدر اطلع الا باالكرسي المتحرك والله كريم وجزاج الله الف خير

 

[أغلى أمنياته]

تبين الصج //
هالاياام المينونه بس هي اللي تجابل الريال وتغث نفسها//
مع الايفون والبلاوي اللي اشوفها//
انتشر الكلام وصار عادي جنه مو مسوي شي غلط//
انا اقول طنشي ولا تغثين نفسج والله فوقه /اهم ماعليج صحتج ماتسوا عليج يصير فيج بسبته //
عالعموم الله الهااادي يهديه لج ويسخره لج يااارب​

 

[الغاليه نونو]

ياقلبي قلبج والله انج بنت حلال وبنت اجاويد لا تهدمين بيتج وتقدمين لها ريلج علي طبق من فضه انتي الحين مره حامل وثقيله قوليله انا الحين ماني فاضيه حق خرابيطك بفوض امري لله سبحانه وبصبر وبتحمل علشان اللي فبطني لكن والله الذى لا اله الا هو ماراح اسكت عقب ما اولد بالسلامه لكل حادث حديث

الكلام بموضوعج طوويل ويبيله قعده بس ماني مكثره عليج بالقيل والقال ولابقول لج سوي جذى وقوليله جذى لانج حامل يمه

اهم شي الحين استغلي هالايام المبروكه بالدعاء له انه الله يباعد بينها وبينه كما باعد بين السماء والارض وكملي صيامج يمه والعشر الاواخر موباقي عليها شي احرصي عليهم وعلي ليلة القدر بإذن الله كل اللي بقلبح يصير ياقادر ياكرييييييييييييييييييييييم

الله يمسح علي قليبج يمه ويطفي نارج حبيبتي صبري والصبر زين غلاتي ولاتتسرعين باتخاذ قرار تندمين عليه تالي

 

[بقــآيآ جـروح]

زمن آقشر بعد يهدد بالطلاق لهعين
هي نشبه نآشبه له لازم تبعدينهآ عن طريقه
والله يهديه

 

[هذا مزاجي]

حسبي الله عليها
يارب تشغلها بنفسها وترد كيدها بنحرها
وتسخر زوج خيتي وترده لها ردا جميلا

 

[ظل الياسميـن]

لا حول ولا قوة الا بالله

الله يهديه ان شاء الله

 

[عاشقه غربه]

صدقيني احسن حل انج توصلين لاهلها ويكون معاج ادلة مو بس كلام ...اذا طلعوا اهلها اوادم شي اكيد بيفكونج منها واذا طلعوا لا الله يعينج ....وشوفي انا مرة جربت حل كان زين ...شفت لي دار بالبيت وحطيتلي فيها سرير وقمت انام فيها بس عاد ملابسي واغراضي تظل بداري الاصلية واكون حدي كاشخه جدام عينه وما احاجيه ووقت النوم اروح انام بالدار الثانية واذا عيالج صغار روحي هالدار عقب ما ينامون وقومي فبل لا يقومون عشان لا يحسون ان فيه شي ...اهجريه ووخري عنه ...حسبيه ولا شي بالبيت وشغلي نفسج باي شي ونطري ...مهما طال الوقت او قصر راح اييلج لان صعب على الريال انه ينرفض ولا ترضين بسهولة الا بشرط ...يدق عليها ويقولها تبعد *