ساعدوني؟؟؟؟

[أم شهرزاد]

ساعدوني :

وين يوجد سوق الملابس الرخيصه في دبي وتقليد الشنط الماركة ..والملافع والعبي(الاسعار تكون رخيصة)

لكم دعوة صادقة في ظهر الغيب

 

[شوارفسكيه ورديه]

ان شاء الله البنات يفيدونا وموفقه

 

[يــاغربـــالي]

صراحه اللي تروح دبي وماتمر على هالشغلات اللي بقولها تعتبر نفسها ماراحت //

1) سوق التنين الصيني / عجييييييب جناط ايد وجناط سفر وجواتي ونعال رخيصه بالقاع ب40و50 درهم /وادوات كهربائيه مثل التلفونات وهالغشلات والعاب الجهال حق الهدايا شغلات رخيصه وفنتق/والشباصات والسعات الحليوه بس شنو ! يبيلج تنخشين وتبطلين عيونج صح وراح تلاقين بلاوي// والسوق كبير ورخيص وفيه شغلات ماتطري على بالج /

2)قرية البوم << لاااااااااااااااااااااااااااااااااااااتطوفج
سفينه تركبونها وتتعشون داخلها /السفينه رايحه راده داخل الخور تتعشون واذا خلصتوا بوفيه حلويات فوق السطح< طاع التعبير هههه
طبعا العا هم يجيبونه مو انتم تطلبون / يجيبون صحن مشوبات كبير مع مشروبات وسلطات ومقبلات ../..تقصين تذكره وتدشين جنه التذكره 120 درهم اذكر/والسفينه تمر تحت جسر اذا بتمر من تحته الجسر يتبطل واذا مرت وخلصت يتصكر روووعه المنظر بالليل وليتات وبين ناطحات سحاب صج روووووعه

3) الباص البرمائي/باص عجيب يفر فيج بدبي نص ساعه بعدين يصير نفس السفينه ويدش الخور ويفر داخل الخور ساعه كامله ويقدمولج داخل مشروبات بارده

4)سوق ابوالهيل<< ملافع وعبي موووووووووووووطبيعيه /تهبـــــــل واسعارهم حلوه مناسبه موغاليه حيل ولارخيصه حيل المجمع نفس سوقة الفروانيه تقريبا وعندهم عطورات فرنسيه رخيصه <بس مااظن انها مركزه حيل/وعندهم ساعات واكسسوارات حلوه

لايطوفكم هالشغلات هذول


وبالنسبه للسكن كله غالي هناك/سكنا بفندق 4نجوم اسمه ستار بوتيك<حلو ونظيف عباره عن استديو عرفه وصاله وحمامين ومطبخ تحضير
حلو والله عجبني موفخم حيل بس مناسب نظيف والخدمه حلوه

وعندج الضيافه للشقق الفندقيه < لهم كذا فرع سلسله مو فرع واحد
نظيف وسيرفسهم حليو وشقق حلوه الشقه عباره عن غرفتين وحمامين وصاله ومطبخ

وفي بعد الجوهره < شقه 3غرف و3حمامات وصاله ومطبخ حييييييييل عجبني الصراحه تدرين ليش؟/لأنه موسيراميك خخخخخ فرس احمر كله يهبل والله نظيف والصاله شحلاتها

وموفقين

 

[أم شهرزاد]

لكل من ساعدني ادعوا الله بأن يوفقكم لما هو خير لكم في الدنيا والاخره ويسعدكم .

هل من مزيد؟؟؟؟؟؟؟؟؟؟؟؟؟؟ طماعه ابغى معلومات عن دبي؟