ساعدوني ابغى طريقة حفظ جدول الضرب

[علولي]

السلام عليكم يالغاليات

ابغى مساعدتكم في طريقة لحفظ جدول الضرب
والله تعبت مع اختي الصغيرة كل ماحفظة جدول نسيت الي قبلة

ايش اسويي معاها

:aha:ومشكورين مقدما:aha:

 

[م فطومه]

شوفي حبيبتي حطي في بالج ان جدول الضرب ماينحفظ بيوم وليلة او باسبوع او بشهر

انشالله مع الاستمرار ينحفظ ولاتشدين على البنت عشان ماتكرهه


انا بالنسبة لي بنتي حافظة جدول ال5 و 2 و10 لانهم سهلين

اما الباقي تلخبط فيهم فشنو سوت.... طبعت كل جدول بروجة وكبرتة حيييل يعني الارقام كبيرة وواضحة وعلقت كل جدول بمكان بالبيت حتى بالحمام يعزج الله ورا الباب بمجرد القراءة راح تتذكر الناتج
والاوراق ملونة يعني كل ورقة(جدول) بلون عشان تتذكر



وكل فترة اقول لها حتى بالسيارة لما نطلع اكرر عليها جم جدول وانشالله بتحفظة

 

[علولي]

ياقلبي فطون مشكورة
انا ما اضغط عليها بالعكس بكل هدوء
واقلها اذا حفظتي جدول اجبلك هدية

بس المشكلة في ابلتها تقول لهم احسبو على يدكم
بالله هذي معلمة؟؟؟؟

 

[حرم سي السيد]

ششوي ششوي عليهم

بس يقولون في طريقه حلوه أحاول ايبها لكم

 

[حلم الطفولة]

هلا وغلا //
الطرق المهمه لحفظ جدول الضرب :
التكرار / التكرار / والنسخ / الحل اليومي .. // يحفظه بالترتيب 3×3 = .. 3×4= ..3×5= ...ثم يتمرن عليه بعشوائيه
9×3= // 3×7 = /// 3×4 = //
الأفضل مايكونون بالترتيب أثناء التدريب بعد حفظ أي جدول

يعني التكرار والنسخ اليومي .. مع تعليق لوحه للجداول كامله أمام الطفل .. أو كتاب فيه جدول الضرب ,,
لأن في البيت نحن لانريد أن نختبره بل نريد أن نعلمه ,, وهذي طريقتي مع عيالي أخليهم يحلّون ويكررون وينسخون ولا مانع ينظرون من لوحه فيها الأجوبه كلما تعذر عليهم الحل.

 

[سيدة الكويت]

اختى حطى لوحه ...يم الفراش ....وايد زينه للحفظ

وحطى شريط ....بصوت ولدج ...وكل ما ركب السياره ..يحفظ او قبل النوم حددى له 3 جداول يحفظهم خلال اسبوع

وعليج بالدعاء

 

[علولي]

الله يديكم العافية

مشكورييييييييييييين