ساعدوني ابي احب القرأة اشلون

[red tulips]

خواتي حبايبي
انا عندي عدد من الهوايات الفنية بس
ما كو شي احسن من هواية القرأة
اتمنى اني اقدر اقرى الكتب انا اقرا اشوي و امل عفيا علموني اشلون اقدر احب القرأة و اشلون أقدر أحبب اليهال بهل الهواية
عفيا ساعدوني:0bee2e8d89:

 

[october]

السلآآم عليكم ،،..

حبيبتي red tulips ذكرتني بشقيقتي اللي اصغر مني بسنه
كانت تقولي نفس كلامج

حبيبتي اول شي لازم تقتنعين بفكره انه القرآآآئه غذاء للعقل و مو هوايه
أكبر خطأ لما الناس تسال وشو هوايتج تقولين القرائه

مثل لما اسالج شنو هوايتج وتقولين لي الاكل
الاكل مو هوايه هو شي اساسي نحتاجه عشان نعيش
ونفس الشي القرائه

ثاني شي حبيبتي
انتي تملين لانج ما تقرين المواضيع اللي تحبينها
اخذي ورقة وقلم واكتبي كل المواضيع اللي تحبينها
مثلا تحبين الازياء الموضه تحبين مواضيع التغذيه
بعدها يجي دور اقتناء الكتاب
الكتاب لازم تختارينه بعنايه
اقري فيه شوي قبل لا تشترينه
اذا اجذبج توكلي على الله واخذيه

اخر نقطه والاهم
انج مو مجبوره تخلصين كتاب كامل من الجلد للجلد
ولا مجبوره تقرينه من البدايه

ممكن تقرينه من النص او النهايه
على حسب الجزء اللي جذبج
واذا مليتي منه اتركيه واقري غيره

وصدقيني مع هالخطوات راح تعرفين المواضيع اللي تجذبج
بتبتدين تقرين ربع الكتاب وبعدها نص و بعدها كتاب كامل

اخذي وقتج بكل شي
الدرج حياتي تركبينه خطوه خطوه
حتى القرائه و التمتع فيها تجي شوي شوي مو مره وحده

نصيحه مني من أفضل الكتب اللي تساعدج على القرائه
هو كتاب

القراءة الذكية للدكتور . ساجد العبدلي
واحد من اروع الكتب لتعليم القرائه
حلو و ملون وخفيف
ما يملل و اسلوبه جداا رائع

اي سوال تبينه انا حاضره
واذا تبيني اساعدج باختيار بعض الكتب آمري بس
الله يوفقج

=)

 

[ScarletteO'Hara]

حبيبتي حرصي انج لما تقرين كتب انج تتجهين حق الكتب الي تتكلم عن مواضيع تهمج, هذا بالنسبة للكتب الي تصنف ك non fiction اما الروايات شوفي انتي تفضلين الكوميدي او الرومانس او الرعب, سألي غيرج الي يحبون الكتب شنو ممكن يرشحون لج كتب على حسب ميولج, يعني مو معقوله انج تكرهين السياسة و تقرين كتاب عن القضية الفلسطينية عرفتي شلون؟؟ نفس الطريقة الي تختارين فيها افلام السينما اختاري كتبج, لما تكونين بالمكتبة فتحي الكتاب من النص و شوفي اسلوب الكاتب اذا حسيتيه سلسل اخذيه بس اذا كان اسلوب الكاتب فيه صعوبة لا تاخذينه خصوصا انج تحاولين انج تنمين قدراتج بالقراية فلازم يكون كتاب سهل و مو طويل, بلشي بالسهل و تدرجي لي الصعب و ان شاء الله بتشوفين ان القراية هواية حلوة تنمي معرفتج و تزيد ثقافتج سواءا كانت رواية او لأ