ساعدوني ابي انظف فراشي ؟

[حلاوتي حلوه]

السلام عليكم ورحمه الله !!


ابي مساعدتكم خواتي. . بنت اخوي كانت نايمه عندي واهيا فيها تبول لا ايراادي واهيا نايمه بفراشي بالت وانتو بكرامه !! وعمرها 13 سنه

خواتي شلون انظف الفراش فراشي كبير وسميك و توا يديد ابي منطفات ماتخلي في بقع واثر للبول وريحه !!

 

[صحكة الايام]

اذا شي بسيط عادي وهو بمكانه

 

[حلاوتي حلوه]

طيب شلون انظفه !! ابي منطفات ماتخلي اثر و ريحه ؟

 

[mafio98]

المفروض تنظفينه بحزتها عشان مايبقع ويخمر عالعموم يبي اسفنجه فيها ماي وصابون ىمسحي فيها مكان البقعه تالي مسحيها بماي ويبي استشوار نشفي المكان وبطلي الدرايش عشان يتهوى ومايخمر ويعفن

 

[M!SS.LOBY]

حبيبتي اتصلي عالمصبغة

 

[ReD&FoSHia]

بالجمعيات في منظف للسجاد وفي للفرش
اي واحد منهم يفي بالغرض
اذا مافي
تايد او اريال حسسب شنو اتغسلون فيه هدومكم
وسفنجة و فوطة مبللة وفوطة ثانية مبللة بكومفورت
اترشين تايد و شوية ماي و تفركين عالبقعة نفسها ماتطلعين برة
بعددين مسحي بالفوطة المبللة
بعدين مرة ثانية رشي تايد و فركي بالسنفجة و بعدين مشي بالفوطة
اخر شي لما اتحسين انه نظف شوي
الفوطة اللي فيها كومفورت مشي الدوشق عدل فيييه علشان الريحة
وبعدين سشوار و غيري الشرشف

 

[أغلى حبيبه]

مسحيه بصابون وبعدين ديتول واذا تقدرين خلي الخدم يطلعونه بالحوش اطقه الشمس ولا خلي الشباك مفتوح عشان يتهوى

وفرشي فوطه بينه وبين النشره عشان ما تحوشج رطوبه الصابون وتسحب الرطوبه اذا داشه داخل الفراش

وكلها جم يوم وتروح الريحه

 

[james546613]

المصبغة افضل تنظيف وتعقيم - وحطي بودرة قوية ريحتها بعد التنظيف ويمكن ان تقلبي الفرشة بعد التنظيف -وياليت تودون البنت الله يشافيها الى الطبيب حتى المستوصف فية قسم خاص للتبول اللارادي الله يشافيها حتى مايتسبب عقدة نفسية لها

 

[أنهااار الكويت]

اختي انا اعاني من هالمشكلة مع بنتي وكل يوم تفريك وانطلعة فوق السطح علشان يتشمس حظرته
بعدين شريت الشراشف الي بايكيا الخاصه بهالموضوع
المهم لاعت جبدي من فرشتها احس ريحتها قويه,, فاتصلت على الي بجرايد الوسيط الي ينضفون السجاد وسالتهم ؟؟ تغسلون المراتب ؟؟ جان يقول اي نغسل ,,
يبته لي البيت ويوم غسل المرتبة والا عادي نفس الي قاعد نسويه!! بروش ومنظفات وهات يا فرك بس اخر شي اشسوو اهما ؟؟ عندهم ماكينا تشفط الماء وتنشف على طول علشان ما يطلع ريحة لان اسفنج
وقال نطري بو ربع ساعة وتالي رجعيه السرير المهم والله يوم نظفة وخلص الا اشزينه ولا فيه لا بقعة ولا يحزنون وصج نسيت اقولج خذا مني خمس دنانير لان المرتبة بونفر واحد ...

 

[بـ سـ كـ وتـ ة]

الله يشافيها ان شالله

يمكن ظهرها ضعيف أو يمكن في مشكلة نفسية عندها

أخت أنهار ما عليج أمر عطينا رقمهم