ساعدوني احس خطيبي عينه على راتبي!!!!!

[مين اغلى ناسي]

السلام عليكم خواتي .... بدخل بالموضوع على طول .... :eh_s(11):

يا بنات انا توني توظفت بعد معاناه من البطاله والمشاكل ويوم توظفت حسيت خطيبي بدا

يتكلم عن راتبي ويقول لى منو قدج ومره يقول مرات لو بغيت منج بتسلف ومره قال لي انه

فلانه زوجه واحد يعرفه تعطي زوجها كل راتبهاا مع انه الحمد لله راتبه حلووو .... وما انكر

انه طيب وكريم وعليه مصاريف وايد ... بس كلششش مو حلوه سوالفه عن راتبي وهذا للحين

ما استلمته ... بنات عشان ابي الفككككه اول راتب بعطيه اياه كله .... انا على ويهه زواج

ومحتاجه :eh_s(14): :eh_s(16):

كل فلس وربي غير التزاماتي الثانيه ... لايعه جبدي من الموضوع ... وكله كوم وامه هذيج

المره تقول لي ايه ما فيها شيء لو زوجج ايمع راتبج حتى ما تلعبين فيه ويخشه للمستقبل لج ..

وانه الحريم لازم يسون جذيه ... اشعليهم من راتبي طبيعي بعدين راح اقوم بواجباتي اتجاه

اسرتي اذا تزوجت .... انتوا اشرايكم بالسالفه ؟؟؟ لو كنتوا مكاني ؟؟؟؟ :bbbiu:


جزاكم الله الف خيررر خواتي ..... :eh_s(7): :yaaaaaarb:​

 

[*candygirl*]

والله مايشوف فلس حمر من راتبي اهوا الزوج اهوا اللي يصرف
قوليله بالشرع والدين انته اللي تصرف علي حتى لو عندي راتب يعني ربعك صح والشرع غلط
على اي اساس تعطينه راتبج كله هذا تعبتج وشقاج
ياما وياما بنات يعطون فلوس لرياييلهم يروح يشتري كروت يخونها
اقول مسكي ارضج واصحي خلي راتبج عندج قوليله هذا بدال لا انته اللي تعطيني انا العروس الي محتاجه فلوس تاخذ مني الفلوس
الريال اهوا المسول عنج اهوا اللي يصرف عليج
والله نصيحه من الحين عوديه اهوا اللي يصرف بكل شي
وخلي راتبج لج
وموفقه

 

[الزيـــــ^^ـــــن]

مااادري يمكن انتي فاهمته غلط او انه يبي يختبرج او من صجه ،؟؟
المهم حبيبتي مومشكله اذا كان الزوج محتاج الزوجه تساعده يعني لاتخلين بينج وبين زوجج حواجز
موحدي وحدك خلو مشاركه بالحياه وبكل شي ،، ومهما يكون ماراح يقدر يسوي شي دام بطاقه البنك عندج والراتب لج
يعني لاتصيرين انانيه بهالشي يجووز انه بيختبرج ،،، وهذي وجه نظري

 

[>>مرووم<<]

بنات عشان ابي الفككككه اول راتب بعطيه اياه كله

لااااااااااااااا تعطيييييينه ولا شي هذي حبيبتي فلووسك انتي استمتعي فيه وزياده على كذا هو لازم ينفق عليك حتى لو راتبك موجود

وفلوسك تبين تجمعينهم جمعيهم انتي.. العبي فيهم ..احرقيهم ان بغيتي هوماله شغل فيها :bbbiu:
قولي لامه لو بغيت اجمعهم جمعتهم عند امي ووحلال عليها لو خذتها ولا هو
وسالفه العب بفلوس هي متعه المره هالفلوس تقش كل السوق وبعدين كله لولدها لمين بالله هالتكشخ

 

[كويتيه شماليه]

شكو تعطينه انتي من صجج

هذا عيني عينك مو مال حشيمه واهو خطيبج جذي ما استحى لو تتزوجون راح يطلبج قرض اعوذ بالله هالاشكال مال زف وتوقفينه عند حده مو تعطينه راتبج امج ابوج نفسج اولى فيه واحق فيه وآجر منه

 

[طيش سكر]

لاتعطينه ولا فلس

ترا الرياييييل ماينعطون ويه


بيقعد كل شهر يطلب. منج

 

[little kitten]

شي معروف في الدين

راتب الزوجة ومالها خاص لها ،،، ولو حطيتي من فلوسج في بيتج تعتبر صدقة منج،،، انتي مش ملزومة بأي شي

والمفروض اي مصروف له خاص بالبيت من سوالف جمعية وتأثيث وتصليح على زوجج
المفروض حتى يعطيج راتب لج انتي لأغراضج ،،، واذا انتي حابة تساعدينه لا تاخذين من راتبه لاغراضج الخاصة ،،، لكن اي شي ثاني له خص بالبيت او العيال هو اللي يصرف عليه

نصيحة من اخت لا تعودينه تشيلين مصاريف البيت عنه وتعلمينه عالدلع والربادة

انتي عيشي بمقدرته هو ،،، لا تحطين عالريال فوق طاقته
هاي اللي تقدرين تساعدينه فيه

 

[سفييره الكويت]

هههههههههههه

للاسف الانسان اذا بيتزوج فهو بيحقق الاستقرار ويكمل نصفه الثاني بس للي نشوفه هني يتزوج عشان يحقق مكاسب ماديه او العكس

شي غريب الزوج يطمع بمعاش زوجته والادهى انه مرتب مع امه انا بقولج شبتسوين..!

اذا فتح معاج هالموضوع قولي له خلك واقعي انت ترضى تروح الدوام وتتعب وبالنهايه انا استلم الراتب بدالك صحيح زوجتك بس مالي

حق اللمس فلوسك واخذ منهم وانا اضن انسان نفسك ماترضى هالشي يصير هذا ظلم وماضن ترضى انت بالظلم..!

وصدقني ماراح اقصر بحقك وبحق اسرتي اصلا هالموضوع المفروض يكون اخر اهتماماتنا احنا نكمل بعض اذا نقص شي منك اعطيك

والعكس..

واذا بتعطينه عطيه بس اول معاشج هديه له بعدها لا تعطينه شي..!

الا اذا احتاج او طلب منج وبالمناسبات مثل يوم زواجكم وجذي..

 

[دندونه@@@]

نفس المعاناة تتكرر""




معاناة الزوجة الموظفه متى تنتهي وتتمتع براتبها بدون لا زوجها يتدخلللللللل لا و هالمره ست الحبايب تسانده وتمهد له الطريق وتقط عليج نغزاااات

 

[دندونه@@@]

بعدين تعالي ليش اول معاش بتعطينه كله ليش امج وابوج مالهم حق عليج تعبوا عليج كل هالسنين و هو ياخذها بارده مبرده


ترى اذا سويتيها بتحز بخاطرهم حرام

 

[صدى الجروح]

نصيحتي حياتج بتبتدي ع تصرفاتج واسلوبج ولا تعودينة ع الغلط تالي تقولين يليت اللي صار ماكان اول شي تشترين له هدية من اول معاش وخلج صريحة لان هالشي بتعتمد عليه حيات وجيبي لامج ولابوج هدية بعد وبينيله حدودة قوليله هذي حلوان اول معااش تستاهل يالغالي بس لا تعودينة ع الطمع واخذ شي موله خلج صارمة شوي ادري بعورج قلبج بس كله لج تالي ولا تنحرجين من كلام امة خلج واثقة من نفسج لو عودتيه ياخذ منج ماراح يقصر بزيد ماينقص ما اقولج بخلي عليه ولا تعطينة بالعكس خلج كريمة بس مو اللحين. بقلبي حجي وايد بس كافي يليت اكون عطيتج الزبدة. والله يوفقج ويسعدكم ويصلحكم ويهنيكم.

 

[سفييره الكويت]

بعدين تعالي ليش اول معاش بتعطينه كله ليش امج وابوج مالهم حق عليج تعبوا عليج كل هالسنين و هو ياخذها بارده مبرده


ترى اذا سويتيها بتحز بخاطرهم حرام

صح انا من رايي تقسم المعاش تعطي زوجها جزء وجزء لاهلها

 

[njoom1]

لااااااا تعطينه من صجج انتي
ترا بيتعود باجر علي كل شي بيقولج عطيني وساعديني
مو عيب المره تساعد زوجها بس لم يكون صج محتاج وحق شي مهم مو اي شي خرابيط
انا ريلي ذابحني الا يبي ياخذ مني كل شهر مبلغ ٢٠٠ والله اقوله ادفع معاش الخدامه بس ماعطيك واساسا لبس اليهال علي انا .. بعد شيبون الرياييل



استغفرالله

 

[مـِړجـِۄۅجـِۃ]

لااااا حرام و لا تفكرين هذا حلالس هذا و انتوا مابعد تزوجتوا بعدين بيتعود كل مره بيقول عطيني

ممكن اذا بعطينه هديه او بتعزمينه بمناسبة اول راتب

و بالاخير حبيبتي انتي فكري وشوفي وش الصح

 

[!الجادل الصعب!]

الموضوع مكرر لنفس العضوه .. حبيبتي ردينا عليج و وصلت
ثلاث صفحات بالموضوع الاول وحقرتيه ماطليتي فيه ..!

 

[نور دنياه]

من صجه خطيبج ؟!؟!؟
شوفي حبيبتي هو ماله شغل براتبج ، هو المفروض يصرف عليج. وشكو تعطينه اول راتب ، هذا بدال ماتوزعينه على امج وابوج ! انا عن نفسي اول راتب عطيت جزء منه لامي ووزعت منه على خواتي. بس خطيبج شكو !!!!

حبيبتي اقولهاااا لج من الاخر لو عطيتيه فلس صدقيني بتصير عاده عنده وكل شهر بتلاقينه ينطر الفلوس.
هذا بدال مايعطيج !! انتي وراج تجهيزات وعرس ولويه شله تعطينه شقاج وتعبج. لو بعد الزواج من طيبه خاطر اتحطين بالبيت اي مو مشكله بس هو الحين خطيبج وليحين ماتزوجتوا شله ياخذ راتبج بارده مبرده.

لااااااتعطييينه نصيحه

 

[أم عزيـز]

اهو لي الحين خطيبج يعني ماصار زوجج على اي اساس يتكلم عن المعاش ؟

من حقج ما تعطينه ولا فلس وتحتفظين براتبج حق نفسج
واذا قالج انا بيمهم لج قوليله انا اعرف ايمع بروحي

الحياة مساعده وتفاهم مافيها شي اذا المره ساعدت زوجها بالعكس حلوه المشاركه
بس برضى الزوجه يعني مافي شي غصبن عليها
خاصه اذا كانت مو كاسره ظهر الريال بطلباتها

 

[ام كوثر2007]

حبيبتي لا اهلج ولا ريلج لهم حق ياخذون راتبج


اذا تبين تعطين من طيب خاطر يزاج الله خير اما انها تكون مسأله فرض عليج مو من حق احد يسوي فيج هالسواة


من الافضل انج تعلمينه من البدايه انه الراتب خاص فيج انتي وبمصاريفج ولازم يعرف انه الريال ملزوم يصرف علي زوجته حتي لو كان راتبها ثلاث الاااف دينار .. هذا شرع رب العالمين


وما فيها شي مع مر السنين وعقب ما اتيبون عيال وتكثر المسؤوليات انج تساهمين من راتبج للبيت او لعيالج عن طيب خاطر مو غصب .. مثل ما اكثرنا مسوين ...

 

[انثى عاشقة]

يؤ انا رديت ع الموضوع وين طار ردي !!
اهئ اهئ
المهم رايي من راي البنات مو من حقه
راتبك لك وتصرفينه بكيفك وهو ملزوم في مصاريفك لانه زوجك​

 

[بسكوتا كتكوتا]

شنو بعطيه كله انتي من صجج

ماله حق ولا فلس
اهوا اللي مفروض يعطيج راتبه كله

وبعدين انتي الحين تفكرين تفتكين من حنته
وانتي بعيده اشلون لا جابلتيه
لا يا بنت الحلال
على قولت المصريات
ابنك على ما تربيه وقوزك على ما تعوديه
من الحين بتعطينه راتبج
وباجر راح تاخذيله قرض
والعقبه بطلعين له سيارة
وماراح تخلصين
انتي
المفروض تقوليله راتبي لامي وابوي
وانا راح اخذ 50 بس منه
واذا على التجميع اهوا يجمعلج ليش مافي بنوك تحفظين فيها فلوسج ، امج ماراح تحفظ لج
كلامهم مو منطقي
انا ععندي تعطينهم امج وابوج اللي كبروج ولا تعطينهم الريل اللي مفروض مسؤولية الصرف تكون عليه