ساعدوني .. الريحة لزقت بالطاحونة !!!!

[نواار]

مساء الخيرات , و المسرات ..
عندي مشكلة مع ريحة الطاحونة إللي تجي مع الخلاط .. طحنت فيها مسك ( حجر المسك ) , وصارت الريحة لازقة فيها ما تروح !!!!
غسلتها بكلوركس , نقعتها في العملاق الخاص بغسيل الصحون , طحنت فيها قرنفل , وما فيه فايدة :eh_s(14):...
جربت طحنت فيها سكر .. الله لا يوريكم صار السكر بنكهة المسك!!!!!!!
طحنت فلفل أسود و تخيلوا صار فيه ريحة مسك !!!!
وش العمل ؟؟ و الله حرام جديدة ما بعد استخدمتها .. فيه طريقة تزيل الريحة منها ؟؟؟؟؟؟؟؟

 

[محلبيه بالهيل]

نوار لوسمحت شنو استعمالات المسك
اقترح عليج تحطين المكينه يالشمس يهد كل غسله عالاقل 3 مرات واذا ما راحت الريحه خصصيها بس حق المسك او اي دوا ثاني عندج
واشتري وحده يديده حق البهارات فقط غير الهيل

 

[78MariMar78]

ماعندي فكرة

بس حلوة ريحة المسك....

 

[لا تغرك ضحكتي]

حوبي حطي بالطاحون ليمون وملح واخلطي ان شاء الله تروح

 

[طيرشلوا]

جربى تطحنين فيها قرنفل وكررى فيه الطحن كذا مرة

 

[طيرشلوا]

اوانج تحطين ليمونة صفرا تقصصينها قطع صغيرة وتخلصينها بالخلاط

 

[روزه]

جربي اطحني عيش انا اسويه اذا طحنت بهارات بعها قهوه اطحن بينهم عيش

 

[نواار]

نوار لوسمحت شنو استعمالات المسك
اقترح عليج تحطين المكينه يالشمس يهد كل غسله عالاقل 3 مرات واذا ما راحت الريحه خصصيها بس حق المسك او اي دوا ثاني عندج
واشتري وحده يديده حق البهارات فقط غير الهيل

استعمالات المسك : أحطه بكيس شيفون صغير و أعلقه بدولاب الملابس .
وجربت خلطته مع شبه عشان أحطه بالإبط بس ما ناسبتي الخلطة جابت لي حساسية و سواد .
وشكرا على اقتراحك و مرورك .

 

[نواار]

اوانج تحطين ليمونة صفرا تقصصينها قطع صغيرة وتخلصينها بالخلاط

شكرا يا قلبي على اقتراحاك بأجرب غن شاء الله .

 

[نواار]

حوبي حطي بالطاحون ليمون وملح واخلطي ان شاء الله تروح

شكرا يا عمري بأجرب الليمون إن شاء الله .

 

[نواار]

جربي اطحني عيش انا اسويه اذا طحنت بهارات بعها قهوه اطحن بينهم عيش

العيش تقصدين به الرز ؟ و إلا الخبز ؟

وشكرا على مرورك

 

[بعيون مغليك]

العيش حتى احنا نسويه مرات نطحنه عشان توخر المكونات والريحه

 

[زهرااا]

طحني عيش
لعل و عسى

 

[ارحم بسمتى]

نضفيها بملح اليمون مو طبيعى
حطيها فيه ولا نقعيه الملح بماي وافركيها فيه

حتى سواد الفرن وعين الجوله اذا كانت سوده ومسكره فتحاتها نقعيهاا بماى فايح وملح اليمون وبعدها افركيها ترجع كانج توج شاريتها

 

[أم الغاااالية]

طحني عيش فيها كذا مره

 

[أم الغلا7777]

طحني فيها ملح الليمون ترى مفعوله مثل الكلوركس بس طبيعي[/b]:68_asmilies-com:

 

[تركواز83]

جربي تطحنين فيها خبز ناشف بقسماط اي شي من انواع الخبز او الصمون الناشف