ساعدوني انا حامل واشك ان فيني بواسير...

[الحلاوالزين]

السلام عليكم
بنات ابيكم تنصحوني شسوي اناحامل وبالخامس وتكرمون فتحه الشرج حيل تعورني وطالع فيها نفس اللحمتين زياده هذا يعني بواسير لان استحي اروح طبيب يكشف علي مكان يفشل صراحه واذا كانت بواسير ابي الحل بنات شسوي طلبتكم فيدوني اناماكتبت اهني الامحتاجه ردودكم ونصايحكم
واكون شاكره لكم

 

[جـــواهر]

حبيبتي في دهان بالصيدليه اسمه همبروتكت
او خلي طبيبتج اللي تراجعين عندها توصف لج دهان
ودايم اشربي سوائل طبيعي البواسير تجي الحامل

 

[((غلاي))]

حياتي لازم تروحين للطبيب
عادي

نعطيج تحاميل او دهان

وايد حوامل ييلهم بواسير
الله يتمم عليج يارب

 

[KOKO_284I]

راجعي الطبيب ولا تستحين حبوبه لان لي زاد بتعضين اصابعج ندم من العوار لان البواسير عوارلهم مو هين ودام انج بالبدايه لحقي نفسج

 

[e7nayyeena]

نصيحه لا ننصرفين من نفسج أو تاخذين نصايحنا .. الحمل شوي صعبه تاخذين معاه أي دوا

روحي للدكتورة .. دكتورتج مالت النسا ... و شرحيلها اللي فيج و قوليلها مستحيه ! و مابي اوريج ههههه

وبس لا تخافين سامعه وااااايد بنات يزيد البواسير فترة الحمل شي طبيعي يعني

الله يهون عليج يارب

 

[الحلاوالزين]

تسلمون حبايبي للي ردوا علي

وبروح لها اذا يات مراجعتي

امري لله بتفشل 

 

[c a t w o m a n]

الله يعين روحي راجعي حبيبتي انا جربت ألمهم ما يرحم

خلي الفشله عنج ما ردة بتكشفين هالمنطقة

 

[الحلاوالزين]

catwoman
شنو سوولج عمليه والا عطوج كريم

 

[MiSS B.K]

لازم تراجعين وتشوفين حل مايصير تهملين نفسج

 

[بنت جنيف]

انا باخر حملتين صار فيني وكنت اتحمل الالم استحي اكلم دكتوري بهالموضوع والحمدالله عقب الولاده يروح تدريجي

 

[c a t w o m a n]

catwoman
شنو سوولج عمليه والا عطوج كريم

عالكريمات لي الولادة ما يقدرون يسوون لج عمليه ووانتي حامل اهتمي بأكلج الحين أهم شي

 

[كاكاووو]

وااااي ذكرتوني
أنا كان يصير معاي بحمالي ويروح بعد الولادة
بس اخر حملة متتتتت متتتت من العوار ولا راح كل ماله ويزيد لما التهبوو وحالتي صارت كسيفة
بعدها رحت مستشفي السلام قسم الجراحة عندهم خوش دكتور من كثر العوار خليته يكشف علي لانه حالتي يرثي لها
صج شي موهيين ولا فيه مستحا حتي ريلي أهوا اللي كان اموديني والحمدلله عطاني تحاميل وادوية ومضاد وراحوو ما احتجت عملية

لما كنت حامل عطتني الدكتوره تحاميل ودهان كريم بس مااسووولي شي
الله يعينج بس نصيحة تابعي مع دكتورتج ولاتسكتين ع عمرج لانه شي موهيين

 

[ام الحلوااات]

اللـــه يـــشـــفـــيـــج ويــــســــهـــــل عـــلــــيــــج