ساعدوني انا غلطت وندمانه

[ضايعه بينهم]

شلونكم خواتي

مشكلتي ولدي ثلاث سنين عمره من رمضان غلطت وجيت من التعب نمت بسريره
ومن يومها جنني ماينام الا انا معاه وينهار الا انام بسريره
وانا والله تعبانه من الحمل. وكذا مره اقول. مايصير انام معاك يقعد يصارخ ويطق

تكفون ابي حل فكرت اخلي ابوه يقوله مايصير تنام معاك واذا مانفع اخليه يهاوشه
بس قلبي مايعطيني

ما ابيه يتعلق اكثر لان وراي ولاده. وماعندي احد يقوم فيني وصار غيور اكثر من بديت انام معاه
يطق اخته اذا قعدت بحضني
الله يخليكم ساعدوني

 

[PuPa^^SWeeT]

نفسي الحيين


بس ماعلييج يتعلموون قبل الدوام


الحيين لاتنامين يمه


نامي عالارض و خلييه بدون لا تمسكينه



باجر خليه نايم و قعدي على كرسي يم الباب



عقبها بس خلييه ينام بروحه

 

[•Brown•Sugar•]

مثل ماقالت
PuPa^^SWeeT
هالطريقه اكثر شي تنفع

 

[ضايعه بينهم]

مشكوره بوبا سويت
اليوم راح اطبق اللي قلتيه وان شاءالله ينفع

والله يجزاج خير يارب

 

[ضايعه بينهم]

براون شوقر انا عجبتني الطريقه وان شاءالله تضبط معاي
لان الاخ فضيييييحه يصارخ ويبجي بس راح اصبر عليه
كم يوم
مشكوره ع الرد 

 

[دلال و غلا]

هلا 
حلوهـ الحركه اللي نصحوج فيها
و حتى اذا ما فادت خلي ابوه يكلمه يقول له ما يصير تنامين عنده

 

[ايمان80]

كلنا بالهوا سوا وانا بنتي اصغر من ولدج واذا مالقتني يمها تفز من نوها مع انها ماكانت جذي قبل
شحليلها تنام بفراشها

جربت طريقة اني احطها بفراشها واحط يمها بلوزة فيها عطري
بس اسم الله عليها ذكية
ومافاد هالشي معاي

 

[ضايعه بينهم]

ام ايمان الله يحفظ لج بنتج ويبلغج فيها يارب

والله حركتج حلوه بس بسم الله عليهم عيالنا ماتمشي عليهم
حركاتنا اذكياء تبارك الرحمن
انا جربت طريقة اختي بوبا سويت
صج قعد يصارخ بس دست ع قلبي ابيه يتعلم
وان شاءالله ينفع معاه بس ع قولتهم كل شي بالتدريج

 

[جذابه بنت ذيابه]

حبوبه


ذكرتيني بولدي قبل اجيب بنتي نفس سالفتج الا انام عنده صرت انومه واروح غرفتي
والحين تعود و من كبرت اخته صارت تنام معاه

و صج انه حييييل يغااار بس انا استغليت غيرته وكل يوم امدحه و احبه واضمه و شريت له نطاطيه
يلعب عليها .. ونسا مع الوقت ولابد من الغيره

 

[ام رينـاد]

ماقصرت بوبا

 

[غلاوي التربيه]

وااااااااااااااااااااااااااااااااااااااااااااااااااي فديته يختي حرام عليج لا تحرمين الطفل منج نامي جنبه وش يضرش ربيهم انهم خوان ووووووووووووووووووان لازم يحب اخته ويخاف عليها ولا يغار منها


ربوهم التربيه الصالحه الله يصلح لكم عييييييييييييييييييييييالكم يارب

 

[jaaanooo]

هههههههههههه انا بنتي عمرها 3 سنين ونص وطايحه فينا ترفس انا وابووها الانها تنام بالنص ... تصدقين تعودت عليها وصرت لا انا ولا ابوها نعرف ننام من غيرها ...

باجر يكبرون ويهدونا ... استمتعي بحياتج .. خليه يحس بحنانج يا اختي يمكن محتاجج فعلا وحاس بالامان وانتي معاه ..

الله يخليج له يارب

 

[أسعد وحدة]

فديت قلبه
الله يصلحه ويخليلك إياه