ساعدوني اي مطعم أختار بين هالمطعمين

[عبق البنفسج]

شلونكم بنات
هالويك اند عندي مناسبة وبعزم ريلي على مطعم هادي وأهم شي يكون أكله لذيذ وبعد البحث والتحري رسيت على مطعمين .. بس بصراحة ماجربت ولا واحد فيهم
فيريت الي جربتهم تقولي تجربتها

المطعمين هما Don Mario's و Living Room Lounge
مابي تعطوني اختيارات ثانية عشان لا أتشتت
وهذا تقريرين من المنتدى

http://www.q8yat.com/t886245.html

http://www.q8yat.com/t783858.html

بليز بنات أبي رايكم ضروري هاليومين عشان يمديني أحجز

 

[بسبوسة بالعسل]

اول واحد روعه

 

[عبق البنفسج]

يعطيج العافية ..

بنات وينكم :eh_s(14): أبي أعرف أي المطعمين أحسن

 

[krkooora]

ليفينغ روم المارينا قعدته حلوة بس اكله اقل من عادي و ليتجربه فاشله معاه اني لقيت شعر بالاكل :/

دون ماريوز ايطالي اهوا حلو بس القعده مش ولا بد و كله ازعاج و يهالو يمينج و يسارج لووول جنه ماكدونالدز

و انتي بكيفج

 

[الإسراء]

شوفي بالنسبة لي بقولج
دون ماريوز » أكله لذيييذ وراقي ويشبع أما القعدة عادية جدا ً وما في شي يميزها
لفينغ روم » الأطباق الرئيسية أقل من عادية بس اللي يميزهم أطباق الحلو حدها لذيذة أما بالنسبة للقعدة روحي لفينغ روم اللي في مرينا ويفز اللي عالبحر صج صج روووعه والقعدة تهبل جنج قاعد بوسط البحر والهوا يتكتكت وصوت الموج يرن بالإذن وطيور النورس حيل القعدة رومانسية وإذا حجزتي عندهم حجزي الطاولة اللي بالزاوية عالبحر

*

 

[miss $_$ semsem]

مارينا قعدته صج صج عجيييبة بس اكله عادي يعني مو مميز
الثاني ماجربته بس شكله اكله حلو

 

[أم شيــ@وخة]

انا اقول روحي مطعم التسيمو ايطالي بالديره ببرج النصار وايد حلو وسويت فيه عيد ميلاد ريلي
وكل شي بالمنيو حلو كل رفيجاتي مجربين هالمطعم مع رياييلهم
هادي وبالدور ٣٢ والمنظر كان روعة

 

[العين الساحره]

واااااااااااااايد في مطاااااااااااااااااااااعم حلوه

 

[fabulous-]

نفس الراي البنات ليفنق روم اكله عادي بس قعدته حلوة اما دون اكله حلو بس قعدته عادية

 

[أم منيـرة]

Don Mario's

 

[عبق البنفسج]

امممممممممممممممممممممممممممممممممم
انا عاجبني مطعم Living Room Lounge بس بما ان اكله موذاك الزود فمادري مابي أعزمه على مطعم أكله عادي أو يمكن اذا رحتله اختار الأطباق الي مادحينها البنات :ggdw:
وبشووف مطعم Don Mario's والتسيمووو ويمكن اختار واحد منهم

مشكوووورين ويعطيكم ألف عافية

 

[عبق البنفسج]

شكلي يضحك فاتحة روابط حق الثلاث مطاعم وقاعدة اقارن
التسيمو وايد ناس يمدحونه وهم في ناس يذمونه بس الي شفته من الصور ان المكان عادي بس مكانه حلوو ومميز والمنظر حلوو
مطعم Living Room شكله حده عجيب وهادي بس الأكل أقل من عادي
Don Mario's على حسب كلامكم أكله حلوو بس القعدة عادية .. ودورت بالنت مولاقية صور عدلةحق القعدة والمكان كل الصور عن الأكل والمكان مو مبين عدل

 

[MissChoco]

حبيبتي نصيييييييييييحه انا رحت مطعم دون ماريوز عاادي واقل من عادي ,, وللامانه بقولج شنو طلبت

طلبت الربيان الله يزيد النعمه زفر حتن ريلي قالي ترا زفر وماطعت كلامه وكليت شوي منه الله يزيد النعمه صج حيل زفر
طلبنه بيزا حلوه بس مو واو ,, طلبنه لحم مادري شنو مثل ضلوع ريلي يقول عادي بس انا اشوفه حلو عادي مثل ماقتلج مو واو الله غريب وجذي
وطلبت انا ميني بورقر ثنتين صغار وشبس صراحه الميني بورقر عااادي يعني مارد واطلبه مره ثانيه ,, الي اسويه بالبيت احلا منه بوايد


والمطعم صج للامانه السيرفس حليوين وخدومين بس الاكل في شي مو حلو وفي شي عادي بس ماروح واعيد التجربه



وعندج التسيمو وايد يمدحونه وقعدته تينن يعني رومانسي 100% انصحج رووحيله

اما الي بالمرينا مادري احس الوضع اهناك مو حلو

 

[عبق البنفسج]

بقولكم تجربتي رحت الغدا مطعم Don Mario's بس أكله عادي .. طلبنا كذا شغلة وكلهم كانو عاديين .. مثلاً في بطاط مع صلصة المشروم والشيز الكل يمدحه طلبناه وطلع عادي ماكلينا الا جم حبة .. والسيرفس عندهم روعة
والعشا رحنا لانوتر وللأسف مادري الناس يمدحونه على شنوو أكله أقل من عادي بس القعدة هادية .. يعني Don Mario's أحسن من منه بمليون مرة

 

[بنت سويسراا]

جربت الاثنين ما عجبوا بصراحه تفشلت الاول من الاكل و الثاني من القعده

عندج مطاعم وايد احلى منهم في السالميه قبال مارك سبنسر le corner

 

[MissChoco]

حسافه كان ردي لمن رحتي

ولينوتر مادري ليش يقولون حلو,, بس الحلو فيه ريووقهم أينن وسلطة السيزر حلوه


بس تبين اكل روووعه تاكلين اكل وتشبعين !! روحي لامرينا الي بسوق شرق يمه عجيب اكله صج صج رووعه عندج السيزر سلاط والربيان يمي يمي والهامور احلا واحلا وفي طبق خضره مادري شسمه هم حلو واهوا بالضبط مكانه برا عند النافوره

 

[عبق البنفسج]

ايي عاد كلش ماعجبني المطعم وتفشلت :eh_s(14):
أختي بنسبة حق مطعم لامرينا ما استوعبت مكانه بالضبط .. ما أذكر سوق شرق فيه نافورة .. يمكن تقصدين الساحة الي برة

 

[MissChoco]

هلا والله ...

سوري مو نافوره اقصد الدوائر الي اطلع ماي,, شوفي حبيبتي تعالي عند ستاربكس وهاقن داز عرفتي؟ خلي ستاربكس على يسارج وطلعي برا وصح بيكون قعدات هاقن وستاربكس برا!! اهوا ابد يم ستاربكس بالضبط
يعني اذا بتروحيله بدشين صوب طاولات ستاربكس الي برا واهوا بيصير على ويهج على طول,, نصيحه جربيه ماراح تندمين واذا رحتيله قوليلي تجربتج
وانصحج بالسيزر سلاط واكلهم البحري الربيان عجيييب

 

[عبق البنفسج]

اوكي مشكورة
أكيد اذا رحتله بقولج رايي ..

 

[* شوية أمل *]

الأول جنننه أأحلى ~:d