ساعدوني بتخطيط رحلة لامريكا!!

[shaikha88]

السلام عليكم ورحمة الله وبركاته،،

انا عضوة يديدة عندكم بالمنتدى.. واتمنى انكم تساعدوني بتخطيط رحلة لامريكا

احنا عايلة عددنا 8 اشخاص.. وبتكون رحلتنا لمدة 17 يوم

من تاريخ 21/8 لين 6/9


وهاي اول زيارة لنا بتكون لامريكا ان شاءالله..
ومانعرف مناطق امريكا كلها والمسافه شكثر بينهم .. وبما ان رحلتنا قصيرة نبي نستقر بمنطقة ونطلع منها بسياره يعني مو طياره.. وابي اماكن تكون قريبة من بعض يعني مو بين كل منطقة والثانيه 6 او 7 ساعات.. جي يعني 3 او 4 ساعات عادي نستحمل .. لووول

وخاطرنا بجم مكان يعني مثل: اورلاندو .. لاس فيغاس.. كاليفورنيا.. نيويورك..ميامي..... يعني جذي هالاماكن او اماكن حلوة تقترحونها علي يم بعض

اللي ابيه الحين بالضبط:
وين تكون الوجهة الرئيسية؟
وجم منطقة تنصحوني اروح وجم يوم اقعد فيهم؟
وابي فنادق او فلل اسعارها ززززينة ورخيصه وتكون حلوة ونظيفه وقريبة من اماكن السنتر لان مانعرف ولاندل مكان .. اول زياره لنا

واقترحو علي احسن مناطق وقراب من بعضهم.. وكل شي حلو بامريكا


وشكررررررا :*

 

[z o 6]

مرحبا ياحلوة,,
عن نفسي مرة انبسطت في تكساس Tx تقريباً كل شي فيها من ناحية الترفيه والمطاعم خاصة مدينة دلس وهيوستن وسان انتونيو وتكساس قريبة من ولاية ثانية اسمها اكلوهاما وفيها كهوف ونهر مره مره حلوه يعني حق كشتات وجو عائلي

شوفي هالفيديو أخوي مسوية http://www.youtube.com/watch?v=VcDn66yGyz8&feature=plcp

بنسبة الى الاسعار يختلف على حسب الموتيل بعطيك موقع يعرض لك الاسعار ومره حلو بس السكن لو تسكنو شهر في محل واحد وتستأجرو سيارة وتصيرو تروحو تجو بيطلع لكم ارخص يمكن الشهر راح يكون من ٨٠٠ الى ١٠٠٠ دولار ولو تحبو تقدرو تسكنو مع عائلة لمدة شهر وهيك بصير عليكم ارخص كمان.


هذا هو الموقع
http://www.orbitz.com/

ان شاء الله اكون افدتك ولو بشي بسيط

 

[غلاي غير]

الولايات بعيده عن بعضها لازم طيران داخلي الا لا فيغاس ولوس انجلوس سياره وبما انكم عايله لاتروحون لاس فيغاس

يعني نيويورك واورلاندو وبينهم طيران داخلي
ولا كاليفورنيا (لوس انجلوس وسان فراسيسكو وسان دييغو

حددي افضل
والا مع قروب احسن مدام اول مره

 

[shaikha88]

مشكورين كلكم ياللي رديتو علي :*

ابوي انصحه رفيجه، قاله روح كاليفورنيا بتكون قريبة من هوليود ولوس انجلوس واتوقع لاس فيغاس

ليش اذا عائلة ماتنصحيني بلاس فيغاس؟؟


ومشكورين مقدمااا

 

[غلاي غير]

اامممممم لاس فيغاس اغلبها عروض والفنادق كازينوهات
والمفاصييييييييييخ حدث ولا حرج

 

[ذات مشاعل]

اهلين اختي
والله المشكله المده قصيره
بس اذا تحبين تقدرين تخلينها اول شي نيويورك 4 ايام بعدين بالطياره لأورلاندو "3 ساعات " تقعدين بأورلاندو 10 ايام .. وتمشين منها بالسياره لميامي " 3 ساعات " تقعدين فيها 3 ايام
هذا احسن جدول لمدتكم .. لان كلفورينا كبيره ويبيلها حول شهر وزياده عشان تلفينها كلها لان حرام تروحين لها ولا تشوفينها كلها
اما البيوت هذا الموقع اللي ما احجز الا منه
http://www.homeaway.com/

 

[mamlo7a]

دام انج رايحه لوقت قصير خليكم صوب الولايات الشرقيه يعني تبدين اب نيويورك و منها تطلعين بالسياره حق شلالات نياجرا و عقبها تاخذون طيران داخلي مو اكثر من ساعه و نص حق اورلاندو اما اذا بغيتي تروحين كاليفونيا فهذي يبيلها بالطياره 6 او 7 ساعات من نيويورك و ما تسوى وايد الولايات الشرقيه احلى
اذا تبين بكجات كامله اتصلي على هالشخص من شركة بزنس اديشن قوليله شنو رحلتكم بالضبط و اهو يضبط لكم كل شي تروحون و انتو مرتاحين
السيد احمد : 66885605

 

[حـلا و ذوق]

مرحبااا

نيويورك حلوة اسمج بس شفتيها هههههه لكن ان رحتيها ماتفكؤين تردين لها .. صراحة فنادقها نااار وزحمممة ولافيها شي واسواقها مثل باقي الولايات احسن مافيها جةها بس .. مااتحسين بحر الصيف لكن حتى التاكس غالي يغني بالكثير ليلتين فيها لانكم لازم تمرونها ماظن فيه طيارة تنزلكم اورلاندو

الا اذا بتروحون على مطار ميامي ابرك لكم

اورلاندو اتينن حارة بلنهار بس من العصرية الجو عادي خرعوني منها قبل لا اروح .. يعني الي يجرب عليه حر الخليج يهون عليه الباقي .. اقل بوايد

اورلاندو فيها حدايق الديزني و حدايق اليونيفرسال وفيها بعد عروض ويمها حوالي 3 ساعات بلسيارة لو بتاجرون ميامي..

عموما فنادقها اغلبها رخيصة وكل مازاد العدد بلغرفه اصلا ترخص

اهم شي سكنوا بشارع الانترناشيونال ..

 

[shaikha88]

حبااايبي كلكم مشكورين وماتقصرون عالردود اللي تبرد القلب..

بس الحين قررنا نروح كاليفورنيا.. اول شي لوس انجلوس نبي نقعد فيها 5 ايام وبهالفترة نزور بعض الاماكن مثل هوليوود واورنج كاونتي وسان دييغو ولاس فيغاس ليلتين ومنها نروح مناطق الشمال لمدة 10 ايام تقريبا

ابي جدول لهالرحلة والاماكن المهمه وكل شي ..