ساعدوني بشيئين ضروري

[Broy]

السلام عليكم

بنات ولدي عمره سنتين ونص وابي اعلمه على الحمام شلون؟؟
احس صعب اعلمه شلون افهمه اذا يبي حمام يقولي؟؟



و عندي استفسار ثاني ولدي عمره شهر كنت اعطيه حليب نان اتش ايه وكان خروجه زين
بعدين عطيته نان1 مال التموين و سواله مساااك . والحين صارلي اسبوع مغيره نان1 رديته على حليب المستشفى الي اهوه سيميلاك الازرق الفاتح
بس هم للحين المساك وديته الطبيب كتبتلي على تحاميل الجلسرين اعطيه ايا عند اللزوم
عطيته مره وحده والحمدالله خرج و بعدها ثلاث ايام بس يتعصر ويبجي وبطنه يابسه مو راضي يخرج
عطيته مره ثانيه تحميله وخرج بس مو معقوله بعيش ولدي على التحاميل ’’,

بليز بنات ساعدوني و شنو بالتموين حليب غير نان و سيميلاك اقدر اعطيه ايا

ومشكوووورين

 

[barbie_girl]

مسئلة تعليم الحمام مقدر افيدك والله انا ولدي بعمر ولدك وماعندي نيه اعلمه لانه اذا وسخ مايجي يقولي غيري البامبرز نهااائي مايتضايق منها عادي هههههه لاحقه اذا كمل 3 يصير فاهم ويتحكم بنفسه اكثر

خالتي تقول تبهذلت وانا اعلم سنتين او سنتين ونص وجربت بعمر 3 سنين تقول فرررق باسبوع تعلم وارتحت وبالنهايه يختلفون الاطفال حسب قبولهم ونفسيتهم

وبالنسبه للحليب ولدي كان كذا مع حليب اس 26 وكنت استخدم التحاميل وبعدين غيرت له حليب نوفالاك خاص للترجيع لانه كان يستفرغ بسبب ضيق المرئ ومشي معاه الحمدلله لين كمل سنه وغيرته عالنيدو قليل الدسم لعمر سنه لثلاث سنين وفيه نوفالاك للموايد النوع العادي جربيه

حماتي تستخدم حليب لولدها مره تمدحه اسمه بريميم ووححده من جاراتي تمدح حليب اسمه غين بلس

جربي لين تشوفين الي يناسب ويرتاح عليه وعطيه رضعة نعناع باليوم يريح بطنه ويخفف الامساك وضيفي عليه سكر نبات

 

[نبرمان]

اذا ولدج من النوع الفطين والذكي وقابل للتعلم .. طبعا انتي تعرفين ولدج
ف راح يتعلم بسرعه
عمومن اهو من عمر 2سنتييين لازم تعلمونهم

فصخي البامبرز . واول 3 ايام او اول اسبوع .. كل نص ساعه وديه الحمام خل يقعد حتن لوو مافيه وشي

لان اهو ما يعرف احساس الحسران شلون؟ ولا يعرف ئلون يقضب عمره

وتالي خليها كل ساعتين او لاحظتي شرب سوائل قولي يلا نروح الحمام وووو

تالي اهو بيقولج ماما ابي الحماام راخ يفطن ويفهم ويثبت احساس حاجته للحمام متىﻻ

 

[شادن33]

اللي عمري شهر طبيعي اجيه امساك من الحليب الصناعي
لاتعودينه ع التحاميل عطيه حبه حلوه مع سكر يطلع الخروج طبيعي بس لاتخلينه غليظ

واللي عمره سنتين ونص هذا العمر للولد اللي لااااازم يستغنى عن الحفاظه راقبي عز ج الله متى عاده خروجه واهي بألعاده بعد الريوق بجم ساعه
فكل ساعه نبهيه تبي حمام او وديه الحمام وخليه ربع ساعه وهكذا
والله يعينج

 

[ام رينـاد]

http://www.q8yat.com/t1086848.html

شوفي هالموضوع وفالج طيب​

 

[Broy]

ديهبعد قلبي فدييييتكم ماقصرتوووووووووووو وان شاءالله راح ابلش مع ولدي على الحمام اليوم شريت له قيصريه لان
يخاف يقصد على البديه تكرمون

 

[نـور الكويت]

بديا شور يهبل ويصرفونه التموين اخذيله فانيليا

 

[noha33]

بالنسبة للرضيع غيري الحليب طبعا البيبي لازم يسوي خروج على الأقل مرة باليوم ومو زين تعودينه على التحاميل
للامساك من تجربتي نوفلاك أي تي وايد زين اللي علبته بنفسجية

بالنسبة للتعود على الحمام اشتري لولدج قاعدة تواليت من بروي او مذر كير وابدي قعديه عليها وبالتدريج راح يبدي يفهم
عقب جم مرة يبول فيها بالحمام وتتأكدين انه فهم قعدة التواليت شنو الهدف منها
قطي الحفاظات نهائيا ولا تردين تستعملينها إلا بعد ما ينام
ولبسيه الصراويل اللي فيها نايلون من برة موجودة بكل مكان ورخاص الحبة على 700 فلس
وكل 45 دقيقة وديه الحمام
طبعا بتصير حوادث تسرب وايد لكن لازم الصبر والاستمرار
كل الأطفال تفضل الحفاظ لأنهم تعودوا على احساس الحرارة والبلل
عشان جذي لازم لي نويتي تمنعين الحفاظ
ولا تغلطين غلطتي وتقوليم بخليه بالحفاظ وادخله الحمام كل شوي ترى ما يفيد
لما يبل روحه راح يستوعب ان السالفة مو نفس قبل وراح يبدي ينقرف ويطلب يروح
بس الحفاظ عادي يبول واموره ماشية وانتي ما راح تعرفين

 

[مشتطـه]

انا ولدي عطيته سييميلاك الوردي حيل ارتاح عليه اسم الله عليه
لان ذبحته الغازات واهو صغير

 

[M!SS.LOBY]

حاولي تدربين ولدج عالحمام

 

[Broy]

مشكورين بنات الحين قاعده اعلم ولدي على الحمام بس ينني

يسويها على نفسه وما يقول غير ريحه ريحه

تخيلو بالساعه الوحده نبدل هدومه 4 او 5مرات
بالبدايه كنت هاديه معا بس الحين قمت اتنرفز
والاكثر من هذا ينرفزني ان نوديه الحمام ما يرضا
يسوي شيء بس يطلع و نلبسه يسويها

انا ودي اعلمه ليمن يصير عمره 3 سنين بس انتو ادرى
كل ما شافو قالو ما علمتيه يلا صار كبير الفروض يتعلم
ومن هالحجي الي يغث وانا ماحب احد يزن على راسسي

قالولي اول اسبوع جذي و الاسبوع الثاني يتعلم الحين بنكمل ال5 ايام واحنا على
نفس الحال