ساعدوني بعملياتي

[outlandish]

السلام عليكم ورحمة الله .. هذا اول موضوع لي بالمنتدى .. بس انا متابعته من سنين

بدش بالموضوع علطول . انا الله يسلمكم عقب ماضعفت ترهل صدري وصار يلوع الحبد .. يعني
لمن البس الستيان الجلد متجعد .. جنه صدر وحده عمرها 70

رحت حق دكتورة جي في رويال حياة .. قالتلي اذا سويتلج شد

راح يصير مقاسج 34 d .. انا مايهمني المقاس كثر الشكل
ابي يكون مدور ومتروس من فوق
واتوقع هذا بس يصير اذا حطيت سيليكون .. قالتلي احطلج اصغر شي 200 اتوقع

الشغله الثانيه .. جسمي من فوق شوي امتن عنه من تحت .. فخذيت موعد عند
الدكتورة شيرين .. عشان تشفطلي من الجزء الي فوق واقصد الزهر والزنود
والبطن والخصر ..
وتعبيلي بالاوراك والمؤخرة ..

الحين اسألتي .. شرايكم بدكتورة جي ؟

احط سيليكون والا ماله داعي ؟؟

احط تحت العضله والا فوق ؟؟

شرايكم بدكتورة شيرين عبدالفتوح ؟؟ شلون شغلها ؟؟

والله يوفق ويسعد الجميع

 

[فطمطم]

ابتعدي عن عمليات التجميل اختي الكريمه
نصيحه لوووجه الله
انا سووويت خشمي وتحسفت اني دخلت بهذي الدوامه

 

[outlandish]

لا مستحيل اسوي خشمي او اغير خلقة ربي .. لكن بالنسبة للصدر انا قريت فتاوي انه اذا وصل مرحلة يكون مؤلم ومؤذي يجوز

بنات .. شاركوني برايكم .. وادلو بدلوكم

 

[ورد ميمي]

الله يسهلج
ان شاء الله البنات يفيدوج

 

[Jojo1000]

حبيبتي اعتقد تحت العضل افضل لان سمعت فوق العضل يبين حدودها باللمس وبصراحة مو متأكده من المعلومة
الشد يخلف ورآه ندوب كثيره عكس السيلكون اللي تكون الندبه حول الحلمة او تحت بالسفطه حقت الصدر
بس حطي ببالك ان كل ١٠ سنين تغيرن السيلكون يعني كل عشر سنين عمليه
أستخيري وشوفي
ومادام جسمك من فوق كبير مايناسبك صدر كبير لان بيكبر الجزء العلوي أكثر
والصدر الصغير أشوفه حلو
وبالتوفيق قلبي

 

[outlandish]

يعطيكم العاقيه خواتي ماقصرتوا بردودكم ، بس قالو انه السيليكون تحت العضلة ممكن يتحرك ..و بغيت اعرف عن الدكتورة جي والدكتورة شيرين و التي تعرف تفيدني بليز