ساعدوني بعيد زواجي

[النوالنو]

مرحباااااااااااااااااا
بنات بغيت افكاركم الحلوة وبعدن بغيت فندق يكون روعة موغالي مجرب شنو تجاربكم مع الفنادق الكويت علموني

 

[bambena]

مشاركة: ساعدوني بعيد زواجي

كل الفنادق غاليه يمكن ارخص شي الشيراتون فور بوينتس اللي يم الشراتون القديم البوفيه ب 8

 

[النوالنو]

مشاركة: ساعدوني بعيد زواجي

ابي اسكن هناك اخذ يومين نغير جو اشرايكم في رشا شيك المنتجع

 

[bambena]

مشاركة: ساعدوني بعيد زواجي

عبالي تبين مطعم

اللي اعرفه رشا شيك مو اجار للبيع بس
هلتون المنقف حلو

 

[جكورة]

مشاركة: ساعدوني بعيد زواجي

هيلتون المنقف راقي بس غالي شوي.....

هم حلو الشيراتون بس موقعه مو ذاك الزود......

فندق المارينا حلو بس مادري عن سعره....

عندج فندق النخيل يسوون عرض ليلتين مع غدا وعشا وفطور ( جناح ) جنه ب 70 بس مادري للحين العرض أو خلص...

 

[الشيهانة]

مشاركة: ساعدوني بعيد زواجي

جربى الموفنبيك انا جربته بذكري زواجى العاشر كان بشهر 12 الغرفه مع حركات وتنسيق لشهر العسل بحدود 100 والمطعم الايطالى للعشا والفطور يوصلج للغرفه لا وكل غرفه بلكونه صغيرونه.... طلبت من المسؤؤله تهتم بالديكور لانه مفاجأه ....بصراحه انا تفاجأة فيه من حلاته ..... الله يوفقج

 

[sadan]

مشاركة: ساعدوني بعيد زواجي

انا من راى خواتى هيلتون المنقف لانه بعيد اشوى وتحسين انه تغيير

بس اذا تبين مطعم حده رومانسى رحى تاى شاى على البدع والموسيقى الشاعرية والهدوووء

وذرب واللى فيه يشتغلون يتساسرون ما يصرخون

 

[fife4ever]

مشاركة: ساعدوني بعيد زواجي

بس سؤال انا قالوا لي انه في صياعه واجد في هلتون والموفنبيك
يعنى مايوهات وخرابيط
عاد صج لانه عيد ميلاد زوجي وابي احجز له

 

[أم ضارى]

مشاركة: ساعدوني بعيد زواجي

الشيهانة بغيت استفسر يعنى انتى قلتيلهم رتبولى الغرفه عندى مفاجأه والا انتى اللى عطيتيهم الاغراض واهمه اللى زينولج الغرفه والسعر اللى حطيتيه حق ليله وحده ؟ مع التسنع والعشا والا بس الغرفه؟

شوقتينى مع ان موفينبيك ماكو شى يمه

 

[الشيهانة]

مشاركة: ساعدوني بعيد زواجي

اختى ام ضاري انا سألتهم شنو تسوون حق المعاريس قالو عندهم الهنى موون باكيج عباره عن ورد على الارضيات والحمام الله يكرمج البانيو وحتى غرفه الشور ....... والسقف كله بالونات احمر ووردى..... والسرير مرتب عليه الوردبخطوط افقيه احمر ووردى بعدين لما دخلنا الغرفه على طول طق الباب السيرفس ودخل العصير والكيكه ..... وبعدين كل الستاف يرحب فيج ويهلى نسيت اقولج هذى الشغله ب25 دينار بس صراحه ماتسوى المفاجأه اللى سويت روحى انا اللى منسقتها




بخصوص الاخت اللى تسأل عن المايوهات انا ماشفت احد بالفندق كان وقته فاضى مع انا قريب راس السنه.......................

 

[om yousif]

هيلتون المنقف حلو وهادي الفندق ما في خرابيط انا رايحتلة شاليهات الهيلتون يمكن الي فيها,,, تغير لما يصير مكان بعيد ,,, واخذي باكيج الهاني مون ,, يطونلج بالحمام والفراش ورد وشموع ويحطون سلة فاكهه وكيكة و هدية صغيرة بس هذا سعره غير عن سعر الغرفة ,,, انا خذيت يومين وليلة طلع علي تقريبا 100 وشوي بس وناسة صراحة تغير ,,, انا يتروالي كافي ليلة ,, وانتي على راحتج ....

 

[كويتية أصيلة]

صراحة الموضوع يه بوقته يزاج الله خير يوم انج سألتي السؤال لان انا بعد محتاره

جربت هلتون المنقف وجربت بالمز وايد وايد حلوين

الحين محتاره بين الموفيمبيك و مارينا