ساعدوني بـأفكـار وفناتق حق غرفة النوم

[وجـــد]

السـلامـ عليكـمـ ورحمة الله وبركاتهـ

شلونكـمـ خواتـي ..؟؟ ان شاءالله تكونون باحسن الاحوال ..

احنا ان شاءالله بنسكـن قسيمتنا ,, وابي فنااتق حق غرف النوم شنو الاشياء الحلوهـ وغريبه الي ممكن اسويها بالتواااليت ,, والحمام عزكم الله شنو اسوي فيه مابي احط الشامبوهات واللوشن جذي ابي فكره غريبه ساااااااعدوني بليييييز​

 

[Hello_kitty]

حبيبتي مري ايكيا او سنتر بوينت شوفي اكسسورات الحمام عندهم وايد حلوة وراح تاخذين وايد افكار لي شفتيهم

مبروووووك المنزل الجديد وعساه يكون مبااارك عليكم وتتهنون فيه ياااااااااااااااااااارب

 

[دلوعة امها]

مبروك عليكم البيت اليديد والله يعطيكم خيره ويكافيكم شره ان شاءالله ,حبيبتي انا بحط لج جم صوره وان شاءالله تستفيدين منهم.

وأي استفسار لايردج الا لسانج حبيبتي .​

 

[الزيـــــن]

منزل مبارك ويعطيكم خيره ويكفيكم شره

انا رايي بعد تروحين سنتر بوينت تشوفين الديكورات عندهم روعه

وعندج بعض الافكار مثلا تحطين الزوالي الصغيره تفرشين فيها عزكم الله الحمام او صوب المغاسل حطي زرع وورود تره تعطي فخامه شوفي الصوره

حطي اضاءات خافته صوب مغاسل الضيوف مثلا جذيه

بالنسبه لغرف النوم عجبتني ولقيتها بموقع ثاني لبيت وحده وان شاء الله تستفيدين من شغلهاا وتاخذين افكار منهاا

اهنيه افكار تحت الدرج

وان شاء الله عجبوج

 

[وجـــد]

الــــف شكــــر لكـــمـ حبايبي ...

وماقصــرتوا (( كـــيدي عظــيمـ ,, دلوعهـ امهـا ,, الزيــن ))


مااااقـــــــــــصرتواااا والله ...​

 

[нάγoηά cнεмίsтяγ]

مبـروك البيت اليديد عسى الله يهنيكم فيـه ويحفظه من كل شـر . . . نفس ما قالـوا البنات إكسسوارات سنتر بوينت وايكيـا وايد حلـوين وعندهم رفـوف حلوة تقدرين تركبينها بالحمامات وغرف النـوم حق غريضاتج عشان لا يصير فـوضى وأحلى شي حق غرفة النوم أوراق الجدران في تصميمات عجيبـه وايد تغير من ديزاين الغرفـة انا ودي احط حق طوفتيـن والثنتين الباجي اخليهم على لونهم

 

[GOLDEN_FISH]

منزل مبارك انشاء الله

 

[دنيا رديه]

مبروك البيت الجديد

 

[هلاويين]

أفكار حلو و تستاهل و أن شاء الله الكل يستفيد.

 

[ميس الورد والشوق]

مبرووك

ومنزل مبارك ان شاءالله

انا رايي من راي البنات سنتربوينت وايكيا

عندهم شغلاات اجنن

 

[Stylist]

حبيبتي نفس كلام البنات مري ايكيا في ليتات تهبببببل كل الألوان في على طريقة شبكه كلها ليتات
وفي على شكل سلاسل...وفيه على قلوب ونجوم حلوين

وعندج حق الحمام انا ماخذه سله كبيره حلوه خوض
وحطيت على شريطه ستان على لون حمامي وانتي بكرامه و حطيت عليها اكسسورات نفس اللون وطلعت مرتبه
وفيها كل اغراضي شورجلات والملح مال الباث وكل اغراضي وشكله مرتب وحلو

وغرفتج دوري لها فناتق حق الصبغ واشتري لج قطع موكيت على الوان الصبغ وكفر نفس اللون بتطلع كول

ومنزل مبارك ان شاءالله

 

[راجيه عفو ربها]

منزل مبارك ان شاء الله ماحبيت امر ولا ارد عليج

 

[زهرة اللوتس]

مثل ما قالو البنات سنتر بوينت وايكيا ععندهم سوالف حلوةومبروك البيت الجديد

 

[دندونة]

الله يعطيك من خيره ويكفيك من شره

 

[فطومه الحلوة]

راح اقولج حبيبتي فكره انا مسويتها

شريت من ايكيا يبعون 3 علب زجاجيه لونها ازرق و اخضر شفافه مع سلتها
و فرغت فيها الشامبو و البلسم و الصابون السائل
و حطيتعها بزاوية البانيو

و حطيت حوالين البانيو شموع صغار من ايكيا لونها بنفس الالوان هذي و يم الشامبوا حطيت شموع بيضه كبيره

شكله رهيب

و على ستاند الستاره حطيت سلالسل لولو يبعونهم باكيا خليتهم ينزلون الصراحه الحمام رومانسي

 

[قمه النعومه و الأنوثه]

حطي لوحات وحطيلج كبت في أرواب السباحه وافوط بحيث يتسكر صح وما ايحوشهم شي ومن جهه ثانيه ديكورات وزرع وعلب شفافه فيها صابون امغلف وأواني فيها ملح للباث وعرفتي الكور اللي فيهم زيت للإستحمام ترى شكلهم ايهبل لما ينحطون بعلبه شفافه تلقين منهم بالشايع قبل بودي شوب ايبهم الحين ما قام ايبهوم غميضه عاد ملوت بودي شوب ايهبلون..

تقدرين اتحطين مبخره الشمع مع اويل والفازه اللي اتصير مثل الصحن وينحط فيها ماي وشموع..وتفنني بنوع اليتات لمركبه بالحمام امكرم القارئ..في نوعيات اتصير فيها كب الأبجوره تعطي إيحاء انه المكان مو حمام مكرم القارئ..

واخذي مخده بانيو شكلها حلو للإسترخاء

تلقين سوالف حلوه بصفاه الغانم امبوريوم أي دي ديزاين وايكيا و A2Z

وبالمبارك إن شاء الله

..

 

[sanyoreta]

مبرووك

ومنزل مبارك ان شاءالله

 

[ام مضاوي]

منزل مبارك انشالله

 

[z.alsayegh]

Mabrook il bait il ydeed 3asah manzil imbarak inshalla .. walla fee afkar wayed 7ilwaa ib google oo yahoo 7e6ay images oo kitbaay king room wella toilets chthee oo shoufaai oo itha lgaitay shay 7ilo rasley 3al kha9.

 

[ساره ستايل]

عساه منزل امبارك يارب