ساعدوني بليززز

[BenT_Elsum8]

السلام عليكم

بنات يمكن موضوعي متكرر بس بليز ساعدوني

ابي احسن دكتور بالكويت. حق عمليات الشفط و الشد

و اذا بلبنان في احسن هم قولولي


بليييز ساعدوني اسامي الدكاتره و اذا عندكف فكره بالاسعار بالكويت او لبنان








و عندي سوال اذا احد يقدر يعطيني جواب

يقدر الدكتور يشفط 20 كلو ؟ ولا لازم انا انزلهم قبل لا اسوي العمليه *

 

[BenT_Elsum8]

عفيه بنات ساعدوني

 

[المستغفرة 74]

شوفي حبيبتي لازم تعرفين ان الشفط ما ينزل الوزن ولكنة ينسق الجسم واذا انتي متينة سوي تكميم اوبالون او حلقة وبجذي بيضعف جسمج كلة اما الشفط فهو حل للي عندهم مشكلة مثلا اذا كانت الوحدة ضعيفة وجسمها حلو بس عندها كروشة او زنود كبار مو متناسقة مع جسمها اهنية يكون الشفط حل لها
اما انتي تبين ينزل منج 20 كيلو لا ما راح ينفعج بتاتا
انا محدثتج قبل سنة كان وزني 83 وسويت لزنودي شفط وشد والسنة هذي صار وزني 93 ولا ابشرج ازنودي ما متنو ولكن بدا الشحم يتراكم باماكن قبل كانت ضعيفة مثل الظهر البطن الفخوذ يعني ماساة بكل معنى الموساة

 

[BenT_Elsum8]

حبيبتي مشكووره وايد بس انا مسويه تكميم معده وباقيلي 20 كيلو و واصل الوزن المثالي عشان جذي قاعده اسال
هل العمليات الشد و الشفط تساعدني في اني اوصل للوزن الي ابي لان انا بعد صارلي سنه الحين من عمليه التكمم و جسمي اللوع الجبد :nocommint:
و حاليا قاعده اخذ حوب السكر عشان اساعدني اني انزل وزني بسرعه بس ابي شي اسرع من جذي لان صج مليييت :eh_s(2):

 

[حرم الحوت]

حبيبتي تبين نصيحتي نطري بعد شوي واذا صار وزنج فوق وزنج الطبيعي اللي تبينه بعشر كيلوات روحي نسقي وشفطي الدهون وعبيهم بالاماكن اللي تحسين انها محتاجه انها تكون مليانه مثل الوجه والمؤخره لان اذا وصلتي لوزنج الطبيعي ماراح تستفيدين شي من دهونج تكون خالصه وعساج ياربي توصلين للي تبينه

 

[BenT_Elsum8]

حبيبتي مشكوره وايد ... شكلي جذي راح انطر لين اول الوزن الي ابي و الحمدلله ما في امكن تحتاج اني اعبيه مجرد شد

بس لو تعطوني اقتراحاتكم باسامي الدكاتره على الافل اسال عنهم و اروح لهم لان قالولي لازم اول شي انا ارتاح حق الدكتور و حق كلامه

بليز رشحولي جم دكتور بالكويت او لبنان و ابي اقتراحاتكو اذا احسن اسويها بالكويت او لبنان

و اذا تعرفون شي اساعد اني انزل وزني بسرعه

 

[BenT_Elsum8]

بنات ساعدوني من صج وزني وقف الحين و ماني عارفه شنو اسوي

 

[ميمي بنك]

افضل حل امشي بالحرررر
وراح تنحفين وانتي ماتدرين وحاولي تمشين من ساعه الى 3 ساعات
وخلال شهر او شهرين تنزلينهم ....مجربه ^_^