ساعدوني بليز((اثر حروق))

[حرة عسل]

السلام عليكم ورحمة الله وبركاته...
أبي مساعدتكم حبيباتي فهالموضوع::eh_s(11):

أختي أحترقت بماي الأندومي وصار الحرق بصدرها وأحس
أنه شوها فالي تعرف خلطه أوشي يزيل أثار الحرق القديم فيدوني لأن الحين صار لها أكثر من ثلاث شهور
الي قال لنا حطو عسل والي قالو حطواخوا جوا من العطار بس مافاد ردو الله يجزاكم خير
والي بترد الله يوفقها ويفرج همها .​

 

[ii DareeN ii]

لو حاطة وقتها ميبو للحروق جان يمكن خفف الاثر خل تروح حق طبيب متخصص للحروق والتجميل بيفيدها اكيد او حتى لو تاخذ تحويل للبابطين

 

[الكويت حياتي]

معروف ميبو للحروق خل تجرب بس 3 شهور وايد

 

[غاليه]

سلامتها والف لاباس عليها ..شوفي اختي انا بوصفلج وصفه ومجربتها انا شخصيا احترقت بالقهوه العربيه ييت بصبها وبالغوري وطاحت علي ذراعي احرقته كله وجربتها اختي لما كانت صغيره صعدت عالجوله وانكت الغوري واهوا يطبخ علي ريلها لدرجه ان فقدنا الامل انها متشوهه لامحاله فيت لنا مره كبيرة نعرفها الله يرحمها وايحللها آآمين فقالت // اخذي الشعير وحمسيه عالنار مثل ماتحمسين القهوه العربيه لين ايصير غامج وتطلع ريحته بس مو تحرقينه وعقب تطحنينه بخلاط البهار سويه بودر وييبي زيت زيتون فوقه لا تسوينه ماي ولا تسوينه يابس زين يعني ودهني فيه مكان الحرق ولا تغطينه خلية مكشوف راح ايبرد وايخف الحرق بأذن الله ويختفي نهائيا وماتشوف شر يارب واعتمدوا هالطريقه عندكم يابنات ماتدرون الظروف الله يحميكم ويكافيكم شر الحروق .... وادعولي ان ربي يفتحها علي وايرزقني اللي في بالي ...

علي فكرة في ناس تحط بدال زيت الزيتون زيت السمسم بس احنا جربنا زيت الزيتون ..

 

[Miss-LuLu]

حبيبتي ليش خليتوها 3 اشهر ؟!؟!؟! حرررام

انا يوم كنت صغيره كنت شايلة شوربة حاااره وطاحت على صدري كله تخيلي احترق صدري كله وتاخذني امي وتحط على صدري عسل اصلي

وتدهن صدري بعسل وتحط فوقه شاش وماكنت اتحرك بس نايمه على ظهري،، والله اسبوع كامل كل يوم عسل وفوقه شاش

وراح الحمدلله وصدري الحين مافيه ولا شي تقولين جذاابه..

 

[غنوة ستايل]

زيت السمسم ياقلبي عجيب بالحروق
لا تقولين قديمه ولها سنه .. كل يوم فركيها بزيت السمسم 4 او 5 مرات كل مره تفرق ساعه او ساعتين عن الثانية ..

 

[سبكهاوا]

الله يشافيها انشالله

ويشافي الجميع ياارب

 

[زمن2008]

لاتخافين يالغاليه الحل موجود وان شاء الله يفيدج جيبي ميبو ورتن اي وحطيهم بالتناوب راح يقشر وسجدد الخلايا

 

[توته عنونه]

انزين بنات انا بعد ريلي (فخذي) محترقه بس من وانا صغيره يعني صارلي تقريبا 14 سنه ...........:eh_s(2):
زيت السمسم ينفع ولا لا :bbbiu:

 

[نينا ريتشي]

انا احب افيدكم .. احترقت ايدي من الاوتي الكوااااايه يعني شي واووووووو المهم وعالجتها (تخلطين زيت زيتون مع مكعبات جويت مال غتر الريياييل تطحنينهم مع الزيت لما يصير عندي ناعم الخليط وتحطينه علي الحرق .

 

[جذابه بنت ذيابه]

للرررررررررفع انزين اذا كاان الحرق قدييييم

 

[درابيل]

اختي انا شايفة بصيدلية بوتس قبل جم شهر يم الكاشير كريم حق آثار الحروق و ندب العمليات

وكان سعره بعشرة و شي

خل تجربه

و ما عليها إلا العافية إن شاء الله

 

[@ام ضاري@]

ميبو ياقلبي وحده بوحده

 

[مزيوونة]

سمعت عن زيت الزيتون
وتوني قريت وحدة احترق صدرها وتحط ع الاثر خلطة عبدالباسط سيد
زيت زيتون وشمع بس مادري شنو الشمع وخل نحطين الزيت ع النار اين يحتر مو يغلي وتحطين الشمع لين يذوب بس لا تخلينة يطول غقبها تحطين الخل وتديرين بالج لان راح يطشر وعقبها تخلينة يبرد وتحطينة
بدور لج الموضوع مرة ثانية وارد لج خبر

 

[مزيوونة]

مالقيتة حسافة دوري بالنت ترا تلقين شكتر اشياء
موفقة

 

[بـاسي قــوي]

زيت زيتون و زيت جنين القمح لتجديد الخلاياا