هلا حبيبتي
اللي يقولج التوشيبا زين والسوني مو زين والايسر طايح حظه والاج بي زوييييين
هذا نظرته غلط بكل معنى الكلمه
من كل ماركة تلقين الشين والزين
اعطيج مثال صغير
الايسر مثلا في لابتوبات ب 150 وفي قريب 700
الاثنين نفس الشي ؟ طبعا لا
هذا يعتمد على المواصفات اللي تختارينها انتي
اذا اخذي توشيبا مثلا حجم الهاردسك ماله صغير والا الرام مو ذاك الزود ( اقصد ارخص نووع توشيبا) اهني بتكرهين شركة التوشيبا بكبرها ..... ونفرض لو اخذتي توشيبا من احسن المواصفات ... اهني بترتاااحين وتحسينها احسن ماركة لابتوبات
بس هالشي ما يمنع انه كل شركة لها عيوبها
بذكرلج عيوب بعض الشركات
التوشيبا ...السي دي رووم حسااااااس جدا ولازم تهتمين فيه وتستعملينه بدقة والا اخترب عليج
السوني .... الكفر ماله رفجيييييييج ....يعني هم تستخدمينه بدقة ومو مال كرف وتنقل يمين ويسار
الاج بي ... مشكلته بالمراوح ...بسرعه تخترب وتطلع صوووت جنه طراد
....والانوواع اليديده في مشاكل بالشاشه وايد
الديل ... حلو للناااس اللي تستخدم الكمبيوتر ووايد ...يعني كد ومد ... بس عيبه شكله جنه كمبيوتر بالثمانينات ...وثقييييل
الايسر ... كفره رجيج نفس السوني ...ومشكله السي دي رووم نفسها اللي بالتوشيبا
=========
التوشيبا منتشر واايد بين العرب لانها من اوائل الشركات اللي نزلو اللابتوتات بالشرق الاوسط
بس لما تروحين امريكا واليابان وييييييين وييييين تحصلين احد يستخدم التوشيبا .... شركاتهم ومكاتبهم كلها ديل ...لان مثل ما قلتلج كد ومد
انا ما اقولج التوشيبا مو زين ... بالعكس وايد زين بس لما تشترينه انتي قاطه نص السعر على اسم الشركة بس
الايسر منتشر عندهم وووايد بعد .... عملي وخفيف ووايد زين واشكاله حلوة ...بس طبعا لازم تعرفين شنو المواصفات اللي تاخذينها
الايسر منتشر انه مو زين لان اسعاره عاديه ... وخبرج عندنا الغالي ماكو احسن منه
انا اشوفه وايد زين ....
دوختج بالهذرة
انا عن نفسي مفكرة اغير جهازي ...وخياراتي محصورة بين ثلاث ..سوني ...ديل ...توشيبا
وأرد واقول هالاختيار ما يعتمد على اسم الشركة بس...يعتمد على المواصفات نفسها
وأي استفسار انا حاضرة
