ساعدوني بنات ابي دكتور نفسي لغيرة اختي الصغيرة

[lazaward]

السلام عليكم

بنااات بلييز ابي دكتور نفسي يعالج اختي عمرها 13سنة بس مخها حيل صغير مع انها توها بالغة بس عندها غيرة موطبيعية من عيالي والحين امبلشة مع مرت اخوي وقاعده تصير مشاكل بالبيت والسبه اهيه
وبالمدرسة شيطانة وايييييد ودايما تيينه شكاوي منها وتسقط وماتدرس ولسانها طويل وايي بنات وايييد واييد متعبتنا ما ادري شنو الحل معاها انا قلت اوديها حق دكتور نفسي
اللي تعرف دكتور زين للاطفال ادلني عليه الله يخليكم​

 

[تعبني البطى]

مايحتاج دكتوووور نفسي..

 

[اكابر]

حبيبتي عندنا وعندج خير .. اختي نفس الوضع وتحط دوبها ودوب اليهال اللي مو بعمرها اصلا وتغار من كل شي . .. بس صدقيني فتره وتعدي .. وبالنسبه حق طوله للسان لازم لانها تبي تثبت شخصيتها ويعني انها كبيره وجذي بعدين بتهدى لا اتعبين عمرج وتقطين فلوس عالفاضي فتره مراهقه وبتعدي ..

 

[™〓 تۈڷيـــטּ~»❀]

تبي اهتمام منكم وتلفت النظر لها
عطوها اهتمام زياده
حبوبها فيكم اكثر
ترا الغيره تصير لي شافتكم مثلا تطنزون عليها اووو تتجاهلونها لي كلمتكم ووو تلعبون مع اليهال

صادقيها ممكن هذا حلها ​

واهي بفتره مراهقه اكيد بتمر بهالحالات شي طبيعي

 

[روانتي 12]

فتره و بتعدي

 

[mazoon]

بصراحة الدلع زايد ما يحتاج طبيب نفسي

 

[لياليـ]

انا مع الرد 3 او 4 او صج دلع زايد مايبيله دكتور نفسي او فتره مراهقه او اتعدي
اتقبلي مروري

 

[كويتية82]

شي طبيعي طفله بعمرها بتغار

حاولو ماتدلعون اليهال واهي موجوده

اكيد اهي حاسه انهم خذوو مكانها

وكل بيت لازم تمره هالظاهرة

ولا تحاتين فتره وتعدي

وترد طبيعيه اكثر من اول

لاتودون البنت حق طبيب نفسي وتعقدونها

 

[nora al]

حبيبتي حرام عليج تقوولين عنهاا جذي !!

اختج محتااجه عطف وحناان اهيه تحبكم وتحب اعيالكم عشان جذي تغار !!!!!


حراام كسرت خااااااااااااطري حراام تقولين عنها جذي اهيه تمر بمرحله صعبه تووهاا باديه بمرحلة ( المراهقه )


اختج مو مريضة نفسيه ولاا فيهاا شي ولاا ياهل اختج تحتاج انج تعاملينه بطريقة خاااصه وتعاملينهاا انهاا كبيره !

الكل جذي ترااا لوو الكل بيتعامل مثلج جاان اعيالنا كلهم بمستشفى الميانين !!!


اعيالج اغلى من اختج ؟؟؟ تراا الاخوو ماايتعوض الولد يتعوض والريل يتعوض بس الاخوو مايتعووض

ليش تسوي مشاكل ؟؟؟ لانهاا تبي تلفت الانتبااه موو لاقيه اهتمام عشان جذي تسوي مشاكل

لوو مثلاا اي احد يهتم فيهاا ويطلع كل اسبووع ويقعد معاها كل يوم نص ساعه بس يخليها تفضفض وتتكلم ويناقشها بدراستها ويحاسبها اذا نقصت صدقيني ماصارت جذي !!


اهيه تغار من الصغاار لانها صغيره تشووفكم تهتمون فيهم واهيه لاااا !! صدقيني اذا ماالحقتي عليهااا ماراح تحبكم وبتحقد عليكم وتحس انكم مااتحبوونها !!


هذي مراهقه لاازم تعرفوون شلون تتعاملون معاهاا شوي شوي غيري طريقتج انتي معاهاا وبتشووفينهاا تتغير 180 درجه وديربالج تبعدينهاا عنج ( اعيال الحرااام واااااااااااااااااايد لايلعبون عليهاا وتلجا لهم من رفيجاات وبنات مدرسه ومن شباب ونت وخرابيط ) لاا تخلينها تدور الحب والحنان براااااا


اناا عشت مع مرااهقات ودرست وعشت مشااكلهم انصحج لاني حاابه لج الخيرر موو بهدف التجريييح حاولي تتغيرين عشان تكسبينهاا وتتغير باذن الله !


واذا تبين مساعده شلون تعاملينه دقي على الخدمه الاستشااريه كان عندي رقمهم كلهم دكاتره استشااريين بالجامعه يعلموونج بالتلفون ( مجانا ) شلون تتعاملين مع اليهال / المراهقين / اللي عندهم مشاكل او اي شي

اذا محتاجه الرقم كلميني عالخااص ادوره لج

 

[عهود آلخآلدي]

بصراحه ايد كلام اختي

nora al

امج وين ليش ماتقعد معااة

 

[دلع عيم82]

حبيبتي روحي حق الدكتور كاظم ابل استشارات نفسيه مو شرط يكون فيها شي بس يعطيكم حلول كيفية التعامل معاها انا بالنسبه لي جربته وانشالله يفيدج

 

[||89-Ko0okH||]

عادي مرحلت مراهقه وتعدي

وانا بعد خواتي جذي

 

[مملوحه السهول]

حرام عليج لا تعقدينهآآآآآ فتره وتعدي *

*وبخصوص الدراسه:
شدو عليهآ شوي يعني امج خليهآ تشوفهآ تجيب لهآ مدرسين خصوصين تشرف عليهآ

اهتموا فيهآ طلعوهآآ اذا رحتي مكان او سوق اشتري لهآآآ شي بس عشان تدري انج ببالهآ

بس نصيحه شيلي سالفه الدكتور النفاسني من بآآلج ماله دآآعي انتو من نفسكم تقدرون تغيرونهآ

 

[لياليـ]

انا مع رد 9
اتقبلي مروري للمره الثانيه

 

[راتشيل]

الصرحة مكبر السلفة هذا فترة مراهقة والبنت بهذا الفترة تحب تحيط بكل الاهتمام والرعية واهم شيء انكم تهتمون فية وتسلون عنها​