ساعدوني بنتي من مرض له مرض .. الحمد الله على كل حال

[الرياش]

السلام .. اشلونكم بنات
عفيه ساعدوني ما أدري شسوي في بنتي من مرض لمرض .. الحمدالله على كل حال والله ألحين صار لها جم شهر اتخلص من انفلونزا ايحوشها احتقان ببلاعيمها وحراره اتخلص يوم يومين صدرها ايتنك وكحه قويه وهلم جرا .. ما أدري تعبت من الأطبا و من المضادات الي أدري مو زينه بس شسوي اذا الحراره عندها ترتفع حيل ويومين ما عندي غير الطبيب الي ما عنده الا مضاد و الا ايحوشها فيروس صدرها ايتنك حده والتهاب بالشعب الهوائيه وأخر مره التهاب رئوي وعلاجه لابد وأكيد مضاد :eh_s(11)::eh_s(11):
ما أدري شسوي والله تعبت والبنت مسكينه تعبت والله قاعده أقرا عليها و أوديها الطبيب
و ألحين اهي امصخنه وحرارتها ترتفع حيل والله عايشه عالأدول صار لها يومين وألحين مضطره أوديها الطبيب و أدري راح يعطيني علاجها مضاد:eh_s(11):
عفيه بنات ساعدوني أنا مقصره والا في شي لازم أسويه الله يخليلكم اعيالكم يا رب
ايه على فكره الدكتوره كانت قايلتلي انها راح تكتبلها على علاج وقائي بس اصير أحسن من أخر مرضه بس اهي ما عطتني مجال يومين وردت مرضت

 

[noynoy]

و الله مادري حبيبتي يمكن ماعندها مناعه
الله يشفيها انشالله
انتي ادعيلها دعوتج مستجابه و كل هذا اجر انشالله

 

[أم الغلا كله]

ترا عادي ، ماكو الا العافية ، الأجسام مو وحدة في مناعتهم ضعيفة وبعدين حسب عمرها ، عموما اليهال يبدون يشدون عمرهم ويقاومون المرض بعد الثلاث سنوات . وسبحان الله الجو دايما متغير ولله الحمد . لا تحاتين شي وحاولي ما تودينه كذا طبيب عشان تطيب ، خلج على طبيب واحد ، ولا تلمسينه كل ساع وتشوفين حرارتها وتراقبينها وايد ، لأ ، إذا شفتيها مثلا تلعب شوية وتنام شوية عادي لا تودينها الطبيب كل مرة كل مرة ، عالجيها : كمادات ، سبحيها ، وعليج بالرقية الشرعية وتأكدي إن الله سبحانه بيشافيها إن شاء الله .

 

[ناتشوو]

الله يشفيها
اايد كلام ام الغلا كله
قصدج وقائي بولمكورت ؟
اتوقع مايؤثر على المضاد
تأكدي من الطبيب

 

[الرياش]

مشكورين بنات الي رديتوا علي الله يخليلكم اعيالكم يا رب
توني اليوم وديتها الطبيب وعطاني مضاد قالتلي لازم لأن اذنها وبلاعيمها ملتهبه وبأعطيها المضاد واتوكل على الله... شنسوي ناخذ بالأسباب والله ان شاء الله الشافي المعافي
ايه وعطتني شراب يرفع مناعتها لمدة اسبوعين غير العلاج الوقائي حق صدرها طبعا كل هذا بعد ماتصير أحسن ان شاء الله ... والله كريم

 

[*ماي الورد*]

يمكن تحتاج ازالة لوز

 

[Diva-Q8]

نفس ولد اختي مسكين غززوه ابر ومضادات حيويه يطيب ويرد يصخن وصوته راح وصار يعور القلب وحتى العلاج اللي خذاه مو زين المضاد ما ناسبه وغيرنا الطبيب وعطاه نوع ثاني سببله حساسيه بسدره لانه ماناسبه ومن طبيب لي طبيب لعبوا في لعب بالمضادات واهوا عمره 7 شهور حتى وزنه نزل مسكين

نصحتها تروح حق سناء معروف في دكتور مصري هناك عالج ولدها وايد شاطر لمن شاف الادويه قالها حتى الكبير مايتحمل هل علاج وكلا قطي بالزباله تكرمين وعطاه علاج ثاني وطاب على ايده الحمدالله

نصيحه لا تلفين وايد عشان ماتتعب الياهل عندج يا سناء معروف او محمد سعيد في بوشهري التخصصي بس مواعيده بعيده ودخلته 30 بس ماتردين له علاجه وحده بوحده


والله يشافيها لج يارب

 

[om Firas]

حبيبتي شيكي عالخاص

 

[سلاسل ذهبيه]

الله يشافيها لج
واهم شي اذا فيها تنك تحافظين عليها عن البرد ولاتخلينها تمشي حافيه

 

[فرااااولة]

الله يشافيها يا رب

يمكن البيت عندكم مثلا رخام او ما تلبسينها عدل
يمكن المكيف شغال عليها ع طول

شوفي يمكن كل ما تبي اطيب يحوشها برد ثاني يمرضها
راقبي حالتها وشوفي
والله يشفيها