ساعدوني بهديه مميزه لزوجي

[Mermaid Mubarak]

هااي ومرحباا بنات

ابي حد يساعدني ابي اخذ هديه لزوجي بس تكون مميزه
عنده وايد عطور وقبل فتره اخذتله عطر وساعه مايلبس
وقليل يلبس بناطير اكثر شي دشاديش

حييل محتاره ماني عارفه شأخذله

ابي هديه مثلا تكون فيها نقش اسم او جمله تكون للذكرى يعني مثلا ولاعه كشخه وانقش عليها او شي شييك
وين في اماكن تكون فيها اشياء جذي؟؟​

 

[حساسة مصر]

اللهم صل على محمد وآل محمد


شوفي اشتري له ميديلية حلوة واعملي حروفكم عليها

أأو سبحة حلوووة ع ذوقك

 

[Mermaid Mubarak]

احس الميداليه شي صغير.. سبحه ممكن


انزين وين في محلات يبيعون اشياء مميزه يعني ماتلاقينها في اي مكان؟​

 

[Mermaid Mubarak]

25. وحده شافت الموضوع ولا فادتني بفكره..!​

 

[mafio98]

اذا بخاطرج ولاعه اخذي لي ولاعة كارتيير واهم يحفرون لج عليها الاسم او قلم بما ان كله يلبس دشاديش

 

[zqertya]

اذا هو راعي كمبيوتر انا قبل يومين رحت مجمع 360 ورحت قوتشي ولا عندهم ميدالية سياره على قوتشي ومعاها فلاااش ميموري بس صج صج شكله كشخه ورزه سعره 115دك

واذا تبين بعد شي غريب في وحده تسوي مسابيح وفوق تحط اسم ريلج او العايله اذا تبين رقمها قوليلي عالخاص
ومن رايي تشترين اكثر من شغله وتحطينها ببكس واحد ويكونون نفس الماركه شوفي انا رفيجتي ماشالله شاطره بالتغليف وبالافكار الغريبه اقولها بطلي محل تخاف ماتنجح هههههه المهم مره سوة هذيه حق وحده شرت بوك وعطر وتكرمين نعال كله من فرساجشي وغلفتهم وااايد استانس ريل المره عالهدايه خصوصا ان عمره بالثلاثين فانتي سوي جذي اشتري اشياء من نفس الماركه والحين خصوومات هي طلعت عليها الاغراض النعال والبوك والعطر حوول 200 دك والله يعني زين

اذا طرا ببالي شي بعد اقولج

 

[قطوة@@]

سفره انتي وياه
و لا اجري فندق و سياره ليموزين
نظاره شمسه اخذي له خام دشداشه بس يكون من محل راقي
غتره
قلم ماركه
كاميرا ديجتال او فيديو

 

[Mermaid Mubarak]

والله الافكار حلوه

مشكوره مافيوو

زكرتيا انا بروح الافنيو سمعت في هناك محل في اشياء حلوه وغريبه
ومبر بعد ٣٦٠

قطوه اهو واعدني بسفره بعد شهر ونظارات اخذتا انا وياه قبل فتره
مو اقولج انا محتاره لان عنده كل شي واول البارح اخذ فون جالاسي تاب

بروح اشوف شنو في الافنيو و٣٦٠ اول والله كريم


مشكوورات
​

 

[منونتي]

شوفي حبيبتي ألسبحه في لها ديزاين حلو و أنا شخصيا ناويه اروح و اخذله وحدة

بالمهلب فوق صوب المطاعم في كشك فيه ريال جنه سوري عنده شغل رووووعه

تقدرين انتي تييبين ألسبحه معاج او تاخذينه من عنده

بس لو ريلج عنده سبحه مميزة اخذيها و سوي الحركة




الحين عاد خل افهمج طريقة السبحة شنو المميز فيها


يركبلج بين الكوّر و الخيوط الي نازله ميداليه مدوره حلو حجمها و تكون فضه مطليه و انتي تختارين شنو يكتب

يعني اسم ريلج او اسم العائلة او بو فلان





و اتمنى اكوون فدتج

 

[*^ *الليليم]

بووووووك و لا قلم يحطه بالدشداشه

 

[zqertya]

شسم المحل اللي بالافنيوز فيه اشياء غريبه دليني اياااه

 

[أم سم سوم]

أب أب أب ​

 

[ƒⱥ6ǿØǿღ]

ابــــــــــ

 

[Om-azooz]

اب اب

 

[croshet]

أنه اقولج هديه اول ما يفجها يضحك
اشتري مكسر وفنيله وسروال صغير وعطر ولوشن من باث اند بدي شي ناعم وحطيله شي يحبه بعد
وغلفي الهديه شوفي التجربه مجرد تغييييير روتين يمكن تعجبه على حسب الرياييل
الله يوفقج انشالله

 

[om-7asson]

والله أنا محتارة بعد
بأخذ له هدية عيد ميلاده ماني عارفة شنو أخذ؟