ساعدوني بييون يخطبوني :)

[قذلـة]

السلام عليكم..
الموضوع باختصار .. في ناس خاطبيني و بييون يشوفوني و ودي اخيطلي شي حلو و كشخه و مناسب حق خطبة ابي موديلات حلوه دورت بس ما لقيت شي حلو عفيه بنات اللي عندها شي حلو اتحطه وتسلمون وماتقصرون :wqedqw:

 

[نيوفه]

رد : ساعدوني بييون يخطبوني

و عليكم السلام
الله يكتب لج الي فيه الخير يارب
بس رآح يطول على ما تشترين الخام و تودينه الخياط و يخلصه لج و يمكن ما يضبط بعد
فلو تروحين تشترين اضمن
لبسي شي ناعم لو نفنوف ميدي مو الي نظام دراعه لا لا لااا نفنوووووف <~ تموت على هاللبس

،

و موفقه ان شاء الله

 

[om ragad]

رد : ساعدوني بييون يخطبوني

اكو بدله باكوا اللي بالعربيد بالفروانيه يم الحمرا مول روووعه يايه على شكل لف روحي شوفيها تناسب خطبه

والله يوفقج ويكون صالح وخير لج في دنياج وعاقبة امرج يارب

 

[<miss botamba>]

ليش تلعوزين روحج السوق متروس

وبعدين هذي بس خطبه مو ملجه والا عرس علشان تكون باهميه كبيره

روحي مجمع زهره محل s style عنده بدل بسيطه ناعمه وكشخه واسعارها مناسبه

 

[~وريثة الملوكـ~]

شووفي بيت ديفااا شغله حلوو ورااقي
وعندج كوست اللي بالافنيووز
والاسطووره بعد

والله يوفقج ان شااء الله​

​

 

[شوارفسكيه :$]

روحي باجر السوق اللي اهو ثالث ايام العيد والله فاضي وتاخذين راحتج والحين طبعا خلص العيد والاساع ناززززله صدقيني من الرخص بتاخذين كذا بداله هههههههه

 

[Ray.Bana =$]

روحي الافنيوز فيه وايد محلات فيهآ نفانيف وأشيآء حلوهـ =$

 

[غرور وايل]

اول شيء
الله يكتب لج الخيره
ويوفقج ياارب ويكون من نصيبج ...


امممممم حبيبتي لبسسي تنووره طويله كششخه ..
وشعرج سويه بفه وستريت
وميك اب نااااااااااعم

*_*

 

[تبطي عظم!]

ماقصرو البنات

بس نصيحه روحي الافنيو ل تعورين نفسج بخياط وخرب البدله وما ادري شنو

لبسي نفنوف قصير ناعم وسوي شعرج استريت مع مكياج خفيف انا سويت جذي بالخطبه

 

[Sweeta Girl]

رد : ساعدوني بييون يخطبوني

الله يوفقج قلبي

انا اشوف السالفه ماتسوى خياط ولويه يعني شي ناعم وعلى جسمج كافي عشان اذا صار نصيبج تكشخين و تتفنتقين

لبسي تنورة طويله معاها جاكيته قصيره او تونز ناعم مع اكسسوار و شيله الوان فريحية و ميكياج ناعم --- و سلااام

 

[nadoy]

روحي الافنيوز او الصالحيه او الرايه او مجمع زهره والبستان واخذيلج جاهز وايد احسن وتطلع احلى باللبس
الله يوفقج ويتمم عليج

 

[كاروهات#]

رد : ساعدوني بييون يخطبوني

البسي شي ناعم
تنوره من مانغو ( قصاتهم حلوه ) وبلوزه منهم بعد والله يوفقج ويكتب لج الخير

 

[قذلـة]

رد : ساعدوني بييون يخطبوني

مشكورين بنات كلكم والله ما قصرتوا .. صح اشتريلي جاهز احسنلي و عدل كلامج نيوفه انا وايد احب نظام النفانيف بس ابي نفنوف وايد حلو مو امحصله عشان جذي قلت اخيط بس الحين بروح اشوف المحلات اللي قالوا عنها البنات و يا رب احصلي شي حلو .. تسلم اياديكم كل اللي ردوا علي :wqedqw:

 

[مدام زيزو]

رد : ساعدوني بييون يخطبوني

تارا جارمن ينن وروحي مجمع زهرة مرة شفت نفنوف فندي كله لوقو ينن

 

[خاطر مذبوح]

ألف مبروك مقدما وانشالله ينعجبون فيج
حبيبتي انا شفت محل ريفر بكويت مجك يايبين نفانيف ماكسي وجابانيز وايد حلوة
وتصلح حق خطبة و فكرت اخذلي منهم لأني مثل حالتج محتاسه

 

[مذهــلــه]

مايمدي تخيطين حبيبتي

روحي المهلب وايد في محلات تناسب هالمناسبة يعني شيفونات وحركات حلوة ان شاء الله تحصلين

 

[Sweeta Girl]

رد : ساعدوني بييون يخطبوني

هذا ثاني رد لي بالموضوع لوول بس كنت بفيدج
انا تقريبا نفس حالتج بيشووفوني هاليومين وماكان عندي مجال الف السوووووووووق عدل مدل كان بخاطري تنوره بس مالله كتب لي - رحت ريفا بشرق وخذيت لي بنطلون اسودد رسمي مع بلوزه واايد حلوة لونها سكراتي وفيها درجات الفوشي مع ترتر خفيف و فوقها تونزفوشي وبلبس شيله فاتحة ومكياج ناعم وبس الله يستررررررررر :s141:
ادعولي :yaaaaaarb: