ساعدوني تعباااانه...

[A-b-c-]

السلام عليكم ..
انا بدخل بمشكلتي سيده لاني جد تعبانه نفسيتي..
بنات انا متزوجه من سنه ونص واحب زوجي وما اصبر على فراقه اهو زين معاي وانا والله مو غرور بس كل من شافني استخف علي جميله وخلوقه وانا عمري20 وزوجي28بس في مشكله تاعبتني حيل واهي انه ما يمر اسبوع الا مشكله وهواش بدون سبب جذي لي قعد معاي بس يتهاوش معاي يسبني ويقولي اكرهج وما ابيج ويسب اهلي مع اني بنت عمه وياما جرحني بالحجي واخر مره مد ايده علي وطقني بجتفي بنات الله العالم اني مهمته فيه بكل شي ..
المسكله انه بس لما تيله هالحاله يصير جذي احس مو بوعيه احسه واحد ثاني يصارخ ويسب ويجرح وانا اهديه ليما يطخ بس انا تعبت من المشاكل حياتي صارت جحيم معاه كله يشوفني انا الغلطانه وخواني مو زينين واهلي مايحبونه مع انه العكس صحيح اخواني يحترمونه وابوي كذالك بس دايم هذي الصوره اباله ولي تهاوشنا لازم يدخل ريايل خواتي بالسالفه ويطلع عيوبهم ويقول شفتي خواتج صابرين انزين انا شذنبي اذا اختي مو مرتاحه تعبت والله تعبت
تعبت من الاهانه والمشاكل احس اني مو مستقره بحياتي بنات انا ابيه وشاريته بس تعبت ابي حل
وانا ياما حاجيته وقعدت معاه وحاولت اغير كل شي فيني بس ماكو فايده يوعدني انه يتغير ويرجع اردا من قبل اخر مره وصلت انه يقولي لمي اغراضج ما اببج ويحذفهم ولما لميتهم عالساس خلاص بروح بيت اهلي استخف مايبيني اروح شسوي ..!!
الله العالم بحالي تعبت من كثر التفكير هل راح استمر معاه او لا
اول زواجنا ماكان فيه شي كان معيشني ملكه والحين احس اني عايشه معاه مذلوله مو بكرامتي كل يوم جرح واهانه تعبت ..
بليز بنات عطوني حل ..

 

[لوفيه]

خلي القران دايما شغال
لاتسكرينه كلش

حتى لمن تنامون بس وطي عالصوت

والله يفرج همج

 

[ماتغير شي]

الله يعينج

يمكن عين وصابتكم


تعوذي من إبليس إنشالله تستمرين معاهـ طول العمر


الانسان بلحظة الغضب محد يحاسبه على كلامه وتصرفاااته


إذا شفتيه عصب اطلعي من الغرفه لين يهدااا وتوگم متزوجين يعني للحين مؤ فاهمين بعض اكثرر


يبي لكم بيبي يشغلكم شوووي عن المشاكل واكثرري من الاستغفار والله يسخره لج

 

[الجوهرا]

الله يسخره لج انشالله

 

[خالتي قموش]

يمكن عين
ترا في ناس جذي تحسد على اي شي
حطي الاذكار و الرقيه الشرعيه دايم
اذا عطيتيه ماي اقري عليه اول
الله يهديه ويسخره لج

 

[دلوعه ززوجي]

الله يعينجج ويسخر لج

 

[كليـ دلعـ]

كلام الله عليج فيه

شغلي البقرره

واقريهاا

وريلج

اما انه مريض نفسي يعاني من انفصااام

بالشخصيه

والحل يروح يعالج

يااا انه

صج يكرهج ومايبيج وفعلا حاقد ع اهلج

وفي بقلبه تراكمات

واحقاد وقاعد يطلعها فيج


شلي يجبرالريال ينكل في مرته

ويولع ببحياته

ويهينها ويطردها

الا انه جد مايبيهاا

سكتي عنه

ولي يته ام العبيد>>>> الحاله


وطردج

شيلي اللي بقاا سليم من اعصابج

وروحي بيت اهلج

جانه يبييج ومايقصد ربس طيش وزله

تراه بييييج يبووووس الايادي تردين


وجان الريال صج عايف وباايع ومايبي

تراه بيروح

وان راح

ياحيله الله مافي الغصايب خيرر

اما حياه سنع

والا بلاها امرررااااض

 

[مــســك]

الله يهديه ويسخره لج ..


تصرفاته تدل على يمكن آنه يواجهه مشكله بعمله او بحياته او مع اهله او آصدقائه .. او يواجهه ازمه نفسيه او ماليا ..


حاولي قد ما تقدرين تتفهمين معاه قولي الي تسويه غلط .. شنو مشكلتك ..

او سبحان الله عين من احد .. شغلي القران دايم بيتك واقري سورة البقره .. وصلي ثلث الليل .. وكثري من الاستغفار ..


يمكن انتي تسولفين لرفيجاتج عن حياتج الزوجيه انج ملكه ومستانسه .. ترا مو زين الي تسولف كل شي وتمدح بزوجها ..


اذا احد آسالج قولي الحمدلله ووبس .. لاتخصين ولا تعمين ..!


نصيحه لوجه الله ..


شرايج تستشرين دكتورة نفسيه استشاريه بحياة الزوجيه .. آبحثي بالنت تلقين عندهم ارقام وايميلات للتواصل ..

 

[سفييره الكويت]

الحل من وجهه نظري تختبرين غلاتج عنده وصدق حبه لج ومره وحده تعطينه درس اني ممكن اروح من ايدك بالتالي بيحس على دمه

شوي..!

روحي بيت اهلج واختبريه وشوفي يطلقج ولا يعترف لج انه مريض نفسه ولا شنو بلاه لازم يتكلم وساعتها اذا فيه شي بيدور على العلاج

بنفسه عشان لا يهدم زواجكم واذا مافيه شي معناه الريال عاايف وبايع..

 

[انثى الكويت]

انا مع البنات اذا تهاوشتو شيلي اغراضح وبيت اهلح واذا اسالوج قولي الصج كذا وكذا لا تجذبين عليهم

ترى البنت ماردها لاهلها بيني له اهل عزوتج ولج ظهر اوكي

واذا عمج ياه قعد مع ابوج ولازم ييه واحد كبير عشان يشهد عالحجي قولي له كل شي اهاناته وطقه ومشاكله

وصج لو يبيج بتبين غلاتج عنده وبيردج واذا اهو انسان حاقد ومايحب اهلج وماخذج جذي لعانه جنه بينتقم منه اهلج فيج

لا والله العن ابو الحب مع المشاكل بيموت الحب

واذا ما يكون الزوج معيش زوجته مدلله وملكه مايكون زواج

لان المره ماتبي الحب اكثر من الحنان والاحترام

والله يهديه لج ويسخره حبيبتي انا جربت الاستغفار مع مشكله مرت علي اسبوع وانحلت

وانا اسوق استغفر اطالع فلم استغفر بالمطبخ على طول استغفري راح تنحل مشاكلج

 

[STILL G L A M ~]

عورتي قلبي حااسه فيج والله

ومااقدر اقولج شي واخذ ذنبج .. عسى الله يسخرركم لبعض ويهديكم . .

 

[خالتي قموش]

لا ترحين بيت اهلج
تفاهمي معاه
وسوة البقره لها فايده كبيره
والدعاء بعد
الله يسخره لج

 

[حرم الاسد]

حافظي على الاذكار

وكرري الدعااااااااء


والاستغفار والصدقة...استغفر الله الذي لا اله الا هو الحي القيوم واتوب اليه ...

اللهم صل على محمد وعلى ال محمد كما صليت على ابراهيم و على ال ابراهيم
اللهم بارك على محمد و على ال محمد كما باركت على ابراهيم وعلى ال ابراهيم
في العالمين انك حميد مجيد​

 

[صديقت قوقل]

ع قولت البنات لاتروحين حق اهلج ~

ثاني شي خلي القران والاذكار بين عيونج واستمري عليه

واكثري الدعاء +الدعاء+الدعاء

ودايم رددي (( اللهم اني اساألك رضاااك))

وسبحان الله من سأل الله رضاه ابهره بعطاه~

والاستغفااااااااااااااااااااااااااااار

وكل ماشفتيه يعصب سكتي وقولي صح وحتى لو انه غلطانه وناظري في عيونه لاتطنشينه ابد

ولاتردين ولاتراددين تى لو بتوضحين
خليه يتكلم لين يفضي الي براسه

وبس بعدها عيشي حياتج وشوفي راح يحس انه غلط لان ماحد رادده ولاعطاه ويه



صدقيني لو سويتي جذيي بتلاقين باذن الله الحل الفووري والنتيجه المرضيه باذن الله~

 

[om 7sony]

بنات الله يهديكم
شنو تروح تجرب اذا يطلقها ولا لا
ترى لا سمح الله اذا تطلقت ما بينفع الندم بعدين
والبنت حابه الريال وتبي بس هالشغله تروح
يعني ماله داعي تحرضونها عليه
ساعدوها

حبيبتي ،، زوجج يدخن ؟!
يمكن هالاعصاب من التدخين
شوفي بقولج زوجي ببداية زواجنا كان يدخن بس ما قالي
وكان بالضبط نفس حالة زوجج،،، اعصااااب عالفاضي
وحالات تروح وتيي ،،، بعدين اكتشفت انه من التدخين
يعني في اوقات تمر عليه فتره ما يقدر يدخن لاني موجوده ،،، فيقوم يطلع حرته بالعصبيه والهواش
لم عرفت انه يدخن ارتاح هو وتغير الحمدلله

او شوفي شنو الشي اللي يضايقه
لاحظي لم يكون معصب من وين يكون ياي ،، كان مع منو
انتي لاحظي وفكري لم تلقين السبب،، واذا عرفتي السبب ان شاء الله بتنحل مشكلتج

ولا تحاولين تروحين بيت اهلج وتطلبين الطلاق !! هذا زواج مو لعبه
راح تهدمين بيتج بايدج
ديري بالج
دام الريال يحبج وانتي تحبينه ،، لا تجازفين

والله يوفقج يارب

 

[om 7sony]

وبعدين بنات
مو كل ريال اذا راحت مرته بيرمض وراها
حتى لو هو صج شاريها ويبيها بيشوف انها هدته وعافته
ويمكن ما يروح يراضيها
عادي تلقينه متقطع يبيها ترجع له
بس يقول هي اللي طلعت وهدتني

بقولكم عن وحدة اعرفها ،، مره تناجرت جدي مع ريلها وطلعت من البيت
تدرون شقال لها
يقول انتي طلعتي من غير اذني ،،، وراح ترجعين بروحج
واذااا ييتي بنفسج هني ذيك الساع نتفاهم
وعاند ما ياها بيت ابوها ،، مع انه غلطان والغلط راكبه من واسه لريوله
ولم رجعت البيت
تقول اول ما دخلت
قام له ويتعذر منها ويتاسف لها ويساحلها
وما خلاها الا لم رضت عنه
يعني هي لو معانده شوي وضاله ببيت اهلها
او هو ما قال لها رجعي
جان الحين الله يعلم بحالهم

سوري كتبت ردين شطولهم
بس كسرت خاطري البنت ،، حرام توها باول حياتها
لا تخربونها عليها

 

[A-b-c-]

بنات انا لما تزوجت كنت صغيره عمري18 وكنت امر بضغوط نفسيه ابيت اهلي ولما تزوجت قلت خلاص الحين الدنيا بتضحكلي وبعيش السعاده الي يتكلمون عنها والحمدالله ياربي ..
اول زواجنا كنت غشيمه بحكم انه محد علمني وفهمني الزواج والحياه الزوجيه فكنت اقول كلام بدون قصد واهو ليلحين مو ناسي هالكلام ولنا سنه ونص والنتيجه انه ماخذ فكره اني ما ابيه ويعايرني وكل مشكله يطري هالموضوع لانه بنفس وقت خطبتي خطبني ولد عمتي الثاني وانا ارتحت لزوجي وتم الزواج بس اهو فيه عقده انه انا ما ابيه ابي هذاك واهلي يبونه وخواني ربعه فمن جذي ماخذ هالفكره بس انا ما اقدر امنع خواني هذا رفيجهم واهم حرين ما اقدر اتحكم فيهم ..

 

[A-b-c-]

حاولت ابين له عكس افكاره ووضحتله بس مايقتنع ماكو فايده والكلام تكلمت معاه لما خلص الحجي يطخ يومين ويرد على طبعه ..
احنا تزوجنا اهو كانت تبيه اخت مرة اخوه وانا يبيني ولد عمتي وهذا هي السالفه كلمتني اخته وقالت ليلحين نفسهم فيكم واهلي وخواتي مايفهمون ولت راح يحسون بالي انا فيه شسوي صليت لربي ودعيته يفرج همي .. والله كريم

 

[sweeta77]

ماقصروا البنات بردودهم
بس انا عندي سؤال يبتي عيال منه؟

 

[A-b-c-]

لا انا حملت واجضهت..
والحين حامل