هلا أختي عسى الله يرزقج الذرية الصالحة وإن شاء الله تكونين حامل يا رب وتبشرينا بإذن الله
أنا الظاهر بدا حملي يوم 21 أبريل لآن دورتي الأخيرة كانت في 7 أبريل ، وفي يوم 9 أبريل شريت تيستر وطلعت حامل ، خط غامق وخط فاتح بس معناته إنه حمل
وقلت إلا أجيك وأقطع الشك باليقين ، فرحت العيادة نفس اليوم ووريت الدكتورة التستر قالت لا يبين انج حامل وطبعا ما راح يبين بالسونار ، فأحسن تسوين تست دم ، ونطرت ساعتين وانا كلي قلق وأفكر بس الحمدلله النتيجة إني طلعت حامل من تحليل الدم وقالتلي الدكتورة مافي شك في تحليل الدم لآنه يكون أكيد مافي مجال للشك وألف مبروووووك
ترى كنت متشككة وااايد ومو مصدقة لأني عندي بنت وولد ، والولد ألحين عمره 10 سنين ، يعني أنا حملت عقب كل هالسنين طبعاً هذا بعد ما كنت أراجع العيادات والدايات وقالولي رحمج ما فيه شي وإنتي مهيأة تحملين وكل شي تمام ، فقلت دام المسألة جذي فأحسن اني أتوقف وما اتعالج وأخليها على رب العالمين والحمدلله وألف حمد وشكر لك يا رب على النعمة والله يثبته لي يا اااااااااااااا رب
فإذا للحين ما سويتي تست دم أو هرمون وما ياتج الدورة ، روحي سوي وتعالي بشرينا ناطرينج
وبالتوفيق
