ساعدوني حبايبي بليززز باجر ذكرى زواجي

[اليزابيث]

بنااااااااااااااااااااااات واللي يعافيكم باجر ذكرى زواجي الاول
وابي اتدلوني على مطعم بس يكون قعدته حلووووووه ورومانسيه
ابي اقتراحاتكم فدييييييييييييتكم ....:nbvppw:

 

[رمز الموده]

مطعم سفن سيز فوق برج الحمام احجزي كبينه تطل عالبحر وروحيله وايد حلو اذا تحبين بحري

 

[ام احمد 85]

انا اعرف مطاعم بس قغدتهم عادية
افندم
برج الحمام
الصنوبر
قصر البردوني
وعندج مطاعم الفنادق روعة

 

[ضماي هو وهناي]

شوفي ياقلبي اولا العمر كله ان شالله
وكل سنه وانتم بخير وحب وتفاهم وانسجام ..
باقترح عليج اي مطعم وباي مكان هااااادي جدا والاهم انه نظيف طبعا بس اقترح يكون بكباين ليش الخصوصيه بهالمناسبه حلوه وايد ...
انا سويتها حتى ريلي قال بمناسباتنا اخاصه كلها بنسوي جذيه ..
ليش ؟؟!!!
لبستت فستان قصير وعاري بعد وانا متحجبه ولا احب اطلع بدون العبايه الكتف حتى لو اسافر طبعي جذيه ....
المهم قلت اروح لصالون واسوي شعري وحطيت ميك اب اعراس انا طبعا اللي حطيته لاني مااحب صالوناتنا بالمره انتي طبعا غير روحي الصالون وسوي شعرج وحطي ميك اب سهره ولبسي عبايتج واذا انت متحجبه لفي ملفعج بطريقتج بس لا تخربين تسريحتج ...
ريلي لما شافني يايه للسياره لانه ماشافني وانا راده من الصالون ولا شافني لما حطيت الميك اب قلت له لما اخلص ادقلك والحمدلله لاول مره يسوي اللي ابيه رد للبيت ولبس بدون مايشوفني حتى يقول انا قاعد اقول اشفيها ركبت السياره لافه لفه مرتخيه بس حاطه بوشيه على ويهي وهو متعود جذيه لاني لما اروح للاعراس او المناسبات واحط ميك اب البسها المهم توقع طبعا كل اللي سويته بس شافني وكان مستعيل بيشوف اشلون او شنو مسويه رحت قيصر حتى هو مايحبه بس عشاني قبل لما دخلنا من حسن حظنا السيرفس فلبينيه وقلت لها لا يدخل الا انت واذا بيدخل ريال عادي بس تراه راح ينطر على ما البس والف لفتي بس مرت بسلام .
كانت عيونن ريلي مبينه انه معجب وقال لي ذكرتيني بعرسنا احس كأني اشوفج لاول مره ...
اكلنا وقعدنا احس طولنا وايد وايد ...
ينعاد عليكم ان شالله بخير وحب وتفاهم يارب ....

 

[ام احمد 85]

لا مو خوش حركة وحده متحجبة تروح مطعم وتقط الحجاب والعبايه وتقعد والله فشله
لا تسوينها
اذا تبين سوي تسريحة وحطي مكياج بس طلبي عشى بالبيت
وصراحة في رياييل ما يرضون ان حريمهم يفصخون العباية بمكان عام حتى لو كباين
الغلط غلط
او حجزس ليله بفندق على قد ميزانيتج واخذي راحتج*

 

[شيزيل]

بالعكس عادي كبينه شالسالفه هههههههههههههه

 

[ام احمد 85]

واذا كبينه ما يصير
اصلا ما اعتقد في ريال يرضى

 

[_زينه_]

مطعم التسيموا حيييييييييييل رومانسي اتصلي عليهم قوليله عن مناسبتج واهم يرتبون الطاوله بالشموع وهالسوالف خصوصا ان مكانه بالدور 32في برج النصار

 

[دلوعة ميدو]

حبيبتي انا احب مطعم موفمبك البدع معنة ما فية كبينة بس وااايد هادي ورومانسي
وحزت العشى شموع وظلمة وليتات خافتة
وقعدي يا بزاوية او برة اذا الجو اوكي احلى بعد
الاكل حلو والخدمة حلوة
وبعد اذا تقدرين تحجزين غرفة يكون احسن لانة وااايد حلو اهناك انا احب اروحله بالمناسبات وانتي كيفج والله يخليكم حق بعض يااااااارب

 

[مسك81]

مطعم ليالي الخيام قعدته رووووعه والموسيقى احلى من الروعه وانا كل ما اروحله ودي اسال عن الموسيقى والاغاني اللي يحطونها

 

[krkosha]

انصحج بمطعم لانوتر عالبحر بدخله ابل بيز بصرااااااااااحه اينن جوو حده حجزت كبينه حق عيدميلاد ريلي هالاسبوع
الكبينه يضبطونها شموع وورود وكيكه وبالونات ب21 ونص
غير حساب العشا بس يستاااهل

 

[فديت قلبه]

~ْ{...

خووووش آفكآر وآنآ بعد ذكرى زوآجي قربت بشهر 6
ودي آخطط واستعد لهآ من آلحين

...}ْ~