ساعدوني حبايبي

[طوووطه]

بنات انا توني متزوجة عروس وأول ما تزوجت بأول أسبوع كنت قاعده مع حماتي وشوي الا ترجف وتطيح وجت خالتي ام زوجي قالت هي معاها صرع ومره حماي طايح من الدرج وانكسرت أيده فيه صرع
وزوجي قال هم عمه فيه الصرع
المشكلة اللحين انا خائفة ينتقل لعيالي بعدين لانه اعتقد وراثي حيل خايفه

وسالت دكتور أعصاب بالانستغرام مارد علي
ساعدوني بنات وين اروح وشسوي حدي ضايعه.
شرايكم انا ماودي انفصل اللحين بس خايفه إتحسف بعدين

 

[نونه المنكوشه]

الله يشفيهم يارب بس والله مادري سألي دكتور متخصص أحس روحي عند دكتور أعصاب وسألي وبعدين فحص الزواج موإذا في أمراض وراثيه يقولون صح وله لأ وإن شاءالله مايكون وراثي

 

[أم حسوون]

السلام عليكم
لو كنت مو متزوجة يمكن ننصحج باي شي لكن أنت تزوجت ، وأتوقع سويتي تحليل مثل ما قالت نونة ، أول شي المرض من الله توكلي على الله وخلي ثقتج كبيرة فيه ، وكثري من الدعاء يرد القضاء ، وإذا زوجج زين لا تخربين على عمرج.

 

[jessica almutairi]

لا حول ولا قوة الا بالله
مالي اي خبره استشيري الطبيب
واذا زوجج زين و اهله حرام والله توكلي ع ربج
و كثرة الرعاء وذكر الله والله يكتب لج الخير ي رب

 

[rose2012]

اهما يتزوجين من بعض يعني كلهم اقارب اذا انتي ماتصيرين لزوجج فيضعف الاحتمال ادعي ان مايصير فيهم و ماراح يصير انشالله

 

[طوووطه]

للأسف مادري ومايبين بللتحاليل العادية

بس انا اللي مصبرني انه حيل طيب وحنون بس هم خايفه ووبالانفصال

وناقشته قال مو وراثي وإذا تبين نروح طبيب نتأكد
لانه يحن على الحمل

 

[هيبة ملك]

حبيبتي. تاكدي. قبل الحمال.
راعي العيال بعدين يصير معاهم هالمرض شنو ذنبهم
ماعليج منه ومن اخلاقه وطيبه. اذا جبتى مريض لاسمح الله انت اللي بتتاذين معاه
مو هم وراح يعورج قلبك عليه
روحي طبيب واسالي اول

 

[ماعاد بدري}~]

مادام قالج مو وراثي توكلي على الله وكملي حياتج معاه ترا الطلاق مو شي سهل ( ابغض الحلال عند الله عز وجل ) ادعي ربج ومثل ماقالت اللي قبلي يضعف الاحتمال لانج ماتصيرين لهم ، كملي حياتج وتوكلي على ربج سبحانه مايخيب رجاج ����

 

[CuTe KuwaiTia]

استشيري طبيب

 

[كاملة الدسم]

روحي الصباح مستشفى الامراض الوراثية وانا اعتقد اذا مايصيرلج عيالج باذن الله سليمين بس لازم تحرصين بعد عيالج ماياخذون من اهلهم
لا تحاتين ولاتفكرين وتوكلي على الله