ساعدوني حشرات صغيرة موجودة بدوشقي شسوي؟

[حدي انيقة]

السلام عليكم حبايبي ما ادري شسوي اكتشفت بدوشقي وهو نوعية غالية ( البرنسيسة من البغلي ) حشرات العثة وفي كذا شكل لاني لاحظت انا وزوجي بالفترة الاخيرة حكة مو طبيعية ونظفت وهمن حطيتة بالشمس اسبوع بس ما في فايدة وعقمته بس الظاهر انهم داخل الدوشق يا ليت اللي مرت عليها نفس السالفة او تعرف حل تساعدني ومشكورين:aha:

 

[حدي انيقة]

للرفععععععع:lkmnkl:

 

[د-سوسه]

سوي الفراش بالمكنسه تشفط الحشرات

 

[حدي انيقة]

مشكورة حبيبتي سويت بالمكنسة ومسحت بالديتول ما في فايدة شكلة داخل عايش الدوشق

 

[ii DareeN ii]

اذا يسبب لكم حكة غيرية لين تلقين حل سالي البغلي ولا لجريوي يمكن يعرفون طريقة حق غسيلة او شي جذي

 

[مع حبي]

نصيحه غيريه أو سئلي المكان اللي شريتي منه

 

[السنعة2]

انصحج غيريه علشان ما تصيبج حساسية

 

[حدي انيقة]

اتصلت توني على البغلي قالولي مستحيل من الدوشق احتمال بالزولية ؟ ما ني عارفة من وين هالحشرات مع اني دايما انظف الزولية وهي سميكة نوعية غالية ؟:0bee2e8d89:

 

[أساور]

عندي البرنسيسة صارلها يمكن سنتين وما اشتكي منها
حاولي تيبين شركات ترش الدار

 

[كل الحب]

حبيبتى انا مريت بنفس المشكلة العام هذول يجون مع الدوشق من التخزين ولا يروحون لا برش ولا غيرة انا ما أرتحت منهم الا عقب ما حذفت الدواشق الللى كانو فيهم والله يعينج مجربة الحكة مالتهم وأثارها تاخذ فترة أحذفيهم وانتى ترتاحين ان شاء الله​

 

[شندوخه]

حذفيهم مره صارت معاي وحذفتهم والسبب انه الدوشق يكون مو 200% قطن يكون مخلوط مع نشاره خشب وهذا السبب
وشريت من مركز السرير وقالولنا نتحداكم اذا طلعت الحشره والحمدالله الله يتمم علي

 

[Eva-SS]

اي اذكر صارت فيني

بس ما قطينا الدواشق من زمان هالكلام بس جنه ابوي جاب شركة ترش أو شي جذي لكن ليلحين الدوشق ما غيرناه وانقطعت الحشرات

بس يااي كان شكلهم مقزز صغار حيل ولونهم بني او أسود ويقرصون

شوفوا الشركات اللي ترش مالت القوارض اكيد عندهم حل

 

[The Boutique]

قطيه شتبين فيه

 

[Q8ia_100%]

عمتي الله يرحمها ويحللها مرت بنفس مشكلج
فضت البيت ورشته وقطت الدوشق وخلت البيت يتعرض للشمس وشرت دوشق يدي
عاد هالحشره كريهه ان طقيتيها صبت دم من الدم اللي تمصه من اجسامكم

 

[soo_soo]

كييف اعرف اذا فرراشي فيه هالحشراات ؟

 

[د.شريفة]

قطييييييييييييييييييييييييييييييييييه بالشارع
واشتري غيره يديد

 

[The Boutique]

لا جد قطيه
انا شفت برنامج عن هالحشره
واااااااااي موجوده باوتيلات كشخه
بجفسه الفراش
يماااااااااااااااااااااااااااااااي تخرع
سوده مدوره
بموووووووووووووووووووووووووووووووووووووووووووووووووووووووووت

قطيه تكفين فطيه

 

[wathoo7a]

وايييييييييييييييييييي يتني حكه من كلامكم,,,شلون نعرف إذا فيه هالحشره؟ وشلون ياختي تنامين عليه وإنتي تدرين إنه فيه حشراااااااااااااات
قطيه قطيه قط الله إبليس

 

[The Boutique]

شوفي اختي وضحه بما اني شفت البرنامج وتحكحكت يومين
وقطيت فراشي واهو مافيه شي فلازم تعرفين ان البيئه الرطبه وقله النظافه بيئه ممتازه لهل حشره
ولو تشوفينها ماراح اتحككين راح تنهارين
واذا شفتي الامراض اللي تسببها وصور الناس يالله رحمتك وسترك
شتسوين
تجفسين الفراش صوب التاج وبالحواف من تحت
تدورين بالجفسات اللي بالحدود تلقينها منخشه وتطلع بليل تمصمص الدم مادري شتسوي واااااااي شعري يحكني لحظه << جد
ويقولج البرنامج قبل لا تروحين اي اوتيل جيكي بهل طريقه وحطاو كذا اوتيل لقاو فيه بامريكا
ياااااااااااااربي انا فيني خرعه من هالاشيااااااااااااااااااااااااااااااااااااااااااااااااااااااء

 

[The Boutique]

نسيت اقولج
لحظه يحكني جسمي وشعري << جد
ترى اهي صغيره مو وايد كبيره


تذكرت البرنامج كان اذا ماني غلطانه the insider