ساعدوني حياتي مع زوجي على وشك......

[LOVE CHANEL]

السلام عليكم جميعا.....عندي مشكله مضايقتني حيل انا وحده اشك بزوجي حاليا السبب إني طايحه عليه يكلم سابقا مو الحين انا متزوجه من 10 سنين وعندي ياهلين منه المشكله لم ادق عليه والقه عنده خط على طول اشك انه يكلم وحده سالفة الwaiting هذي مسببت لي قلق حيييييل مو شويه واذا لقيت عنده خط اناجره اسأله منو تكلم يقولي واحد من الربع ومرات يعصب اقولي موياهل بس زهقتيني من كثرة الاتصال والاسئله لين طفح الكيل مساع قام اصارخ قالي هذا اخر انذار لج انا شاري راحتي اذا ماتعدلتي بطلقج انا طايحه عليه يكلم قبل سننه مو الحين بس مادري احس الثقه مو راضيه ترد شسوي تكفووووون

 

[انا لحبيبي .]

الثقه كيف بدها ترجع اذا انتي اسلوبك كلو شك بشك ؟

بتوجعي راسك وبتوجعي راس زوجك ، وبتدخلي الشيطان بينكم بسبب الشك

اتركي الامور هاديه عشان بيتك وعشان اولادك ، في رب بالسما فوق مطلع على كل الامور

اطلبي من الله يهدي زوجك ويزرع فيه الايمان وان شاء الله الله بستجيب ومافي الا كل خير

بس حاولي اذكري الله كل ماتفكري بموضوع الشك ، اعطي زوجك فرصه يمكن الله اصلح حاله

 

[رق رق]

حاااولي انج مااتبينين انج مو واثقه فيه عشان لا يزهق منج ( شي مجرب) ، الريال مايحب الزوجه الي اتشك واتغيره غيره مو طبيعيه 

 

[shy rose]

كثرة الشك والمراقب تزيدة عناد وتخليه متمسك بالغلط
تركيه وفجي عنه ومع الوقت بتلاحظينه تغير

 

[عـِرۈۈق قلبــه]

الله يعينج وايد جذيه ^
​

 

[برنسيسة Q8]

انزين حتى لو احساسج يقول ان يكلم او عنده شي تغاضي عنه مره ومرتين وثلاث لين تقتنعين ان ماعنده شي
تدرين اهي تحتاج شويه تدريب ومرونه لان الريال مستحيل مايخون لو بنظره
يعني اشبتستفيدين اذا قهرتي روحج بكثرة الشك ترا بالنهايه محد راح يخسر كثرج
راح تخسرينه وتخسرين بيتج وعيالج والاهم صحتج

 

[مناير ...!]

خلي الشك عنج لايدهور حياتج

 

[مألوفة]

اهوا يهددج عشان لا تحنين عليه بس انتي قعدي معاه وفهميه انج تعبانه من تصرفاته وخايفة انو تفقدون بعض وانتو عندكم عيال وخليه يحسسج انج انتي الوحيدة بحياته وفهميه انج اذا عرفتي انه يسوي شي انج انتي اللي بتهدينه مو اهوا عشان لا يقعد كل شوي يستقوى عليج عشان يغطي سوالف وصدقيني المرا تحس بريلها اذا كان يغلط فخليه يارف انج مو مني والطريج اتشكين وتزعلين

 

[جوري 2007]

ضغطي على روحج وتركي عنج الشك لانج مومستفيده غير حرقة الاعصاب والهم ،، الثقه صعب ترجع بسرعه بس هم انتي تفائلي وتوقعي

الاحسن ،، بدال لاتركزين على هالشي ركزي على الاشياء اللي يحبها وسوي اجواء مريحه بالبيت بدون مشاكل وتحقيق ،، سافروا روحوا

ردوا املي عليه حياته عشان لايفكر يرد لهالطريج ،، وفوق كل هذا طنشي تصرفاته وحسسيه انج مريحه بالج وموهامج شي

 

[مارشميلو..]

الله يهديكم لبعض

 

[love love]

ثقه صعبه ترجع بيوم وليله

لا تهدمين بيتج

الحل انج تحاولين كثر ماتقدرين ماتشكين و تنبشين من وراه

 

[frasha.q8]

الله يعينج صج مشكله لازم تقعدين معاه تتفاهمين لاتحسسينه انج تشكين في هالشي غلط كبير الريال مايكل الحنه والشك والغيره الزايده بأجر الله لايقول تخسيرينه بسبب تافه انتي بعدي بينج وبين نفسح شيلي الشك من راسج والتفكير الزايد فكري في عيالكم والله يخلقكم حق بعض انشالله

 

[دلوعة صلوح]

الله يهديج لة ويهدى لج.

 

[« shό8 άlзyόn »]

الله يهدي النفووووس

 

[" ام حمود "]

الله يهديكم ياررب ..
انتي وخري الشك عنج شفيج كرهتي ريال بعيشته هالسالفه انه يكلم وحده
من زمان فتررره سنه

 

[LOVE CHANEL]

مشكورين بعد قلبي عالردود وارجو المزيد

 

[Gifts&Occaions]

الله يعينج

 

[ياغروري]

الله يفتح ع قلوبكم

 

[شادن33]

يا حبيبتي شلج عوار الراس اغلب الحريم جكوا رياييلهم يكلمون واذا دققوا على كل شي يتعبوون عطيه الثقه ولاتسالين ومن بعبيد لبعيد شوفى تصرفاته معاج وبينيله انج مو مهتمه واذا كان ريلج زين لتعدل انشاء الله

 

[ماحب اتدلع]

واذا يكلم خير انشاء الله مردة لج ولا تشكين ولا شي حطي في بالج ان هالشي مو مهم وصدقيني بيزول الشك وبيحبج اكثر