ساعدوني خبيرات لنمسا

[(*_*)]

السلام عليكم ورحمة الله وبركاته
:68_asmilies-com:
ان شاء الله انا بروح النمسا على الاماراتيه من الكويت لي دبي لي ميوونخ

واللي شدني حق السفره مواضيعكم وردووكم _03BA:


احنا 4 اشخاص 2 كباار انا وريلي و 2 بناتي وحده 16 ووحده 14
شتنصحوني فيه

انا بغير لهم جوو بالنسبه ملابس واكل و اماكن حلوه تصلح لهم

واهما ودهم يلعبون ويتسوقوون وابوهم يبي طبيعه


ابيي كل شي بالتفصيل وطيارتنا11-8

ياريت تساعدوني وشلون الجو هناك

وشنو الاسواق الشعبيه اللي عندهم

وشلون كهربتهم هناك بلاكتهم شلون صايره

والاكل عائق ولا لا؟

وشنو اهم شي اخذه وياي؟


يعني برد برد ولا حر ولا عادي واذا في مطر ولا لا

واخذهم لهم البلوفراات ولا ماله داعي نص جم على طول بدون بلوفرات

والميزانيه هناك جم تكفي حق اسبوعين

وزين سبوعين ولا شوييه على ((زلمسي و ميونخ و فينا ))
وشنو احسن وحده فيهم

ونبي محلات رخيصه حق الهدايا:klhfl:

و سمعت بواحد من المواضيع:gathering: انه فيه محلات تبيع جواتي ((الله يعزمكم)) بوما واديداس حق البنات واذا في جناط بوما حق البنات للمدرسه

وانا اول مره ارووح لها فياريت تساعدوني والله يعطيكم الف عافيه:tek:

ابيكم تساعدووني وانا يديده عليكم بالمنتدى:dddds:


ومشكورين مقدما

 

[الريادة]

شوفي حبيبتي أنا صارلي سنتين ورى بعض أروح النمسا و ألمانيا و قعد فيهم شهر عدل لما نمل.
أولا: الجو وايد حلو الصبح ساعات يكون مشمس و ساعات مطر براد يعني لبسج صيفي, أما الليل لأ يسير برد فلازم جاكيت.
ثانيا: الأسواق الشعبية , عندهم اللبس الشعبي مالهم يونس حق الياهال بو 6-12 سنة و تلاقينه مكود بكل مكان.
ثالثا: الكهربا بلاك بو راسين .
رابعا: بالنسبة حق الأكل احنا ما ناكل إلا لحم حلال فأكلنا غالبا كان vegetarian and fish.
vienna قعدي فيها كثر ما تقدرين تونس في السنتر شارع طووويل كله محلات ملابس, اكسسوارات, و انتي بكرامة جواتي, غير ال show اللي يسوونة رقصة شعبية و حركاات .
muniche حلوه أكشن خرشة واايد خليجيين فيها , بس فرقها عن النمسا vienna انها ما فيها طبييعة كله سووق.
zell am see صراحة عطووها الكويتيين أكبر من حجمها, ماكو بحيرة و فيها تمشي و مطااعم و قززز خزني و خزك !!
و الميزانية يبيلها مبلغ محترم لأنها غااالية , أقل شي تعاملين فيه نص ديناار حق الماي و البرد اللي تاخذينه على الماشي.
أتمنى اني فدتج :68_asmilies-com:

 

[(*_*)]

الله يعطيج العافيه
ماقصرتي معلوماااتج واايد مفيده
مشكوره وايد

شرايكم في السكن يكون في كابرون يقولوون ارخص:dddds:

 

[اميرة الغيد]

اول شي طيران الامارات حلو واحلى طيران انا العام رايحه حق فيننا بطيران الامارات
بعدين كل مكان فيه شي يميزه ، عندج فيينا عاديه حيل ومافيها شي يسوى ، فيينا طبيعه تهبل واللي يقولون لج بس البحيره ماراحوا اكيد للاماكن الثانيه ، انا حاطه موضوع عن زلمسي اسمه رحلتي لزلمسي شوفوه حلو ومصوره فيه بكاميرتي ، اذا تبين اقول لج الاماكن الحلوه هناك لان زلمسي مثل منطقه كبيره داخلها مناطق منطقه للشلال ومنطقه للثلج ومنطقه للمحميه وغيرها ، ميونخ سوقها حلو بس مافيها طبيعه وارخص من النمسا.
اتمنى لكم رحله سعيده

 

[.. مـــلاكـ ..]

وناسه انتي معاي بنفس الوقت واليوم والطيران لووووول

ومتابعه المووضوع

 

[باونتى]

أنا بعد وياكم أنا رحت فينا وزل ام سى وسالزبورغ وميونيخ أولت العام .. بالنسبه للجو انا رحت على نص شهر 7 وكان الجو حار بس بعدين تغير وصار الجو حلو ومطر .. وبالنسبه للاكل احنا ماناكل لا لحم ولا دجاج كل اكلنا سمج وبيتزا وفيه مطاعم ايرانيه وتركيه ولبنانيه ناكل فيها .. فينا حلوه فيها السنتر وااايد كبير وسوقهم حلو , بحيرة لكسمبورغ فى فينا , نهر الدانوب فى فينا , وبالنسبه لزل ام سى فيها رحلة الثلوج والشلالات والجو اينن هناك , سالزبورغ فيها بحيرة سان جلجن , وميونيخ رحنا ستيديو بافاريا تشوفين شلون يمثلون جدامكم شلون يسون الخدع السينمائيه فى الافلام , ورحنا نتحف سيارة بى ام دبليو , وبالقرب من المتحف فى مدينة ملاهى قريبه ,وفى ميونيخ فى شارع اسمه ماكسميليان هذا شارع الماركات . وكل تنقلاتنا كانت بالاندر غراوند .. وأتمنى انى فدتج يالغاليه .

 

[.. مـــلاكـ ..]

انزين

شلون السووق بميونخ؟
ودي اعرف مكان رخيص وحلو حق الصوايغ ؟


>>> سوري داشه عرض بموضوووعج حبووبة

 

[سمبوسة]

شوفي حبيبتي بابدي بميونخ ,, اللي يقولج ان ما فيها غير سوق وماكو طبيعة ماااا عرفلها بالعكس رحلات الطبيعة فيها ما تخلص

أولا رحلة قارمش تروحين لها بالقطار من محطة القطارات الرئيسية بوسط ميونخ وانتوا الأربعة بتذكرة وحدة عائلية تقصونها من مكتب التذاكر بعدين تختمونها بجهاز أزرق صغير ,, مدة الرحلة بالقطار ساعة ونص لما توصلين قارمش راح تكون قرية مووو طبيعية البيوت كلها رسومات وورد ومحلات صغيرة ومطاعم وجبال دار مدارها تتمشون وتتغدون وتاخذون الباص حق بحيرة ايبسي مدته يمكن عشر دقايق بحيرة هادية وطبييييعة وفيه تليفريك يصعدج لما الثلج فوق وهذي صور منقولة عن قارمش
صور القرية

صور البحيرة

صور التليفريك

ثانيا رحلة بحيرة تيجرينسي نفس الشي بالقطار مدتها ساعة من ميونخ تركبون فيها مركب يتمشى فيكم بين الجبال

ثالثا بحيرة شتانبيرغ بالاندرقراوند مدتها ثلث ساعة من ميونخ بحيرة وطبيعة وتمشي


رحلة ليقولاند للبنات مدينة ملاهي بالقطار ساعتين تقريبا عن ميونخ

المطاعم فيه مكدونادز بكل مكان وبيتزا هت وبيرجر كنج ومطاعم تركية حلال بعد بكل مكان عندهم شاورما اسمها كباب مطعم سي فوود اسمه نورد سي

السوق في المارين بلاتز ما تملون منه

تعلموا على الاندرقراوند وايد سهل ومريح خصوصا ميونخ أحلى من فيينا وتاخذون تذكرة عائلية لكم الأربعة باليوم 9 يورو تستخدمونها كثر ما تبون او تاخذون تذكرة اسبوعية


وبعدين أكمل لج عن زلمسي وفيينا ان شاء الله​

 

[(*_*)]

الصراحه ماقصرتوا مشكورين وايد وايد

وفدتوننني خواتي ((سالميه\ملاك\باونتي\سمبوسه))

يعطيكم الف الف عااافيه وماتقصرون

ملاك حياج الله موضوعج ولو

ملاك ان شاء الله اشوفج ههههههههههه

 

[اميرة الغيد]

ولا يهمج حاضرين للطيبين واي سؤال لايردج الا الكي بورد
على فكره عزيزتي بالنسبه لسؤالج عن الاكل عائق والا لا اقولج بكل دول اوروبا لازم ماتاكلين اي شي الا تقرين المكونات وحتى بزلمسي ممكن يكون وياه كحول او دهن خنزير بالذات الككاو .
وابي اقول حق كل اللي بيسافرون زلمسي ان شاء الله في سوبر ماركت هناك يم فندق نيو بوست يم البحيره يبيع فيه واحد تركي كاتب لافته داخل المحل بالعربي ان كل الاكل بالسوبر ماركت حلال ، ويقول لج انا مسلم وكل شي حلال ، لما شرينا منا لقينا التوست والصمون والككاو فيهم خمر ويوم قلنا له سوى نفسه مايدري ( انتبهواااااااااااااا) لاتصدقونه .

 

[عيمية^والقلب^كندري]

حبيبتي انتو لم توصلون ميونخ بتقعدون فيها ولاتروحون زلمسي على طول؟:ggdw:
عموما زلمسي مكان وايد حلو والطبيعة اتينن واذا تبينها احلى تلخذينلج الفنادق المطلة عالبحيرة انا قعدت بجراند بس غالي الليلة 93 وبعدها قعدت بنيو بوست الليلة 60 دينار :s142:
اهم شي انصحج فيه انكم كل يوم تطلعون رحلة ترى رحلاتهم كل وحدة احلى من الثانية وبالاخص
ايس كايف.. كهف الثلج
والسولت مايند.. منجم الملح هذا بالذات لايطوفج والله صج بتستانسون شي غريب وحلو
والشلال
مكان للتزحلق بس انا مارحتله ووايد اماكن هناك مكاتب الرحلات متروسة
وبعد بيت هتلر وايد حلو واخذو رحلة لزالزبرج
وطبعا بزلمسي اكثر شي بتاكلونه البيتزا واستمتعوا بالبحيرة اخذوا قارب وابحروا بجمال الطبيعة
وممكن تمطر فلازم الشماسي معاكم احتياطا:27d66a9c24b146327bf
وعلى فكرة هناك الجو حليو يعني لبسي كان صيفي بس الجاكيت والكوت تاخذينه احتياط وفنادقهم طبعا مو مكيفة :s141:
اما بالنسبة لميونخ فانا بس تسوقت فيها لان سوقها حلو وكل شي تحصلين فيه بس يبيله يومين ثلاث ماتخلصينه بيوم وحطيلج ميزانية لان شوي غالية وانا مارحت فينا لان احنا نبي بس طبيعة وهدوء واي شي انا حاضرة:hearting:

 

[(*_*)]

مشكوورة سالمية على التنبيه منورتني حيااتي حسبي الله عليه

أم مهدي حياتي مشكوره وايد وايد على المرور
منورتني ححياااتي مشكوره وايد على المعلوماات الحلوه
يه يه تمطر بعد :ggdw:
شكله الجو حلو ماشاءالله
بس اي شي ماكو مكيف عاد احنا من النوع اللي لازم مكييف حده وورررطه :s141:
الله يستر بس :yaaaaaarb:
والف شكر لكم على المرور الروعه
:e3:
:tek:

 

[الكادي 1981]

فيينا روعـــة يازينها ويازين أيامها ,,, حبيبتي عندج شارع ماريا هلفا بفيينا روعه فيه كل شي ,,,,, وفي ميونيخ عندج

شارع السنتر كل شي فيه ومجمع كوفن هوف روووعه كل شي فيه ,,, والبنااات فادوج أكثر مني وترجعين بالسلامه

 

[غلاتي الكويت]

بنات جم اخذ معاي ميزانيه يعني مصرف ايد حق السوق والاماكن السيااحيه والاكل


بدون السكن لأنه حاجزين


يعني مصاريف شخص واحد تقريبا جم

 

[حاااايره]

(*-*) انا مثلج بالضببببببببط عالايماراتيه فينا ورده ميونخ بس رحلتنا 14 _8

 

[أم خالد]

حطي بالج رحلة مغارة الثلج متعبة وباااااااااااااااااااااااااااااردة وايد ناس قالو ما تسوى فبكنسلها
انا معاكم عالإماراتية 13-8