ساعدوني رجع لي المرض مره ثانيه

[اماراتيه79]

السلام عليكم
خواتي الحقوني مش عارفه شو صارلي
انا من اسبوع زجمت وصارلي التهاب شعب هوائيه و صخونه وسرت عند الدكتور وعطاني ادويه ومضاد اسمه كلاسيد وخذت الدوا لمدة اسبوع
واول ماخلصت المضاد اول امس رجعت لي الاعراض مره ثانيه
شو الموضوع ليش ؟ حد يجاوبني بليييييييييييز
ليش رجع لي المرض بالرغم اني كنت اخذ مضاد وخلصته
هل الدكتور غبي ماعرف يشخص الحاله صح وياكثرهم عاد الدكاتره الاغبياء عندنا
ولا لان فيني شي لاسمح الله ؟؟؟؟؟؟؟؟؟؟
والله خايفه واوسوس وااااااااايد
حد صارله مثلي؟؟؟؟؟؟؟؟ ولا انا بس
ساعدوني بليييييييز فديتكم
للعلم ماكنت امرض بسهوله ولله الحمد
في انتظاركم خواتي

 

[أم عزة]

ما كو إلا الخير وقوى إيمانك وتوكلى على رب العالمين ورجعه المرض مو من الدكتور الدكتور اجتهد وقد يصيب وقد يخطأ ولكن الشفاء ورجعه المرض من رب العالمين يمكن فيه امتحان لج تصبرين او لا تتقربين من الله وتكثرين الدعاء او تسخطين وتتأففين . اخذى بالاسباب وتوكلى على الله وكثرى من الدعاء واحتسبى الاجر وراجعى الدكتور مره ثانيه واذا مو مرتاحه منه غيرى الطبيب وماجوره ان شاءالله

 

[goreee]

رد : ساعدوني رجع لي المرض مره ثانيه

سمعيني ياحلوة الكلاسيد قوي ويفيد بس اذا انتي التهاب شعب هوائية ياخذ وقت وتحتاجين كمام عشان تراحين وعادي ولاتحاتين

 

[gogona]

حبيبتي عادي ان شالله مافيج الا العافيه وتركي عنج الوسواس وماعليه راجعي الطبيب مره ثانيه عشان تتطمنين اكثر

 

[شندوخه]

رد : ساعدوني رجع لي المرض مره ثانيه

بالعكس الكلاسيد خفيف مفروض كنتي محتاجه مضاد اقوى من الكلاسيد

 

[bibi]

حبيبتي ممكن المضاد غير مناسب ، وممكن يكون مناسب لكن مناعة الجسم ضعيفة ومحتاج ترفعين مناعته عشان يقاوم المرض .

نصيحة كثري من البرتقال والكيوي لأنهم يرفعون المناعة فالجسم وكثري من شرب الماي والسوائل . ولو تلاحظين دايما الأطباء يصرفون

فيتامين سي الفوار لمرضى نزلات البرد والانفلونزا لأن المضاد مو كافي والمناعة جدا مهمة فمقاومة المرض .

 

[اماراتيه79]

تسلمون حبيباتي بنات الكويت ماقصرتوا والله
كلكم ذوق
انا راجعت الدكتور اليوم وقالي ان الحساسيه عندي زياده شوي لان انا عندي نوع من الربو من زمان ويوم تيني الزجمه اطول فيني شوي وقالي اني لازم اخذ كورتزون بس انا خفت وقلتله لا مارح اخذ كرتزون
فكتبلي دوا ثاني اخف واذا مافادني بيعطيني كرتزون بس ع قولته الكرتزون هذا 5 ملغ يعني خفيف وايد ومايخوف
بس انا جبانه ماخذته مش ناقصه متن ههههههههههه
بس يارب يفيدني وماحتاج كرتزون ادعولي بنات
محتاجه الدعاء تعبت من ادوية الحساسيه والصدر والله
تسلمووووووووووووون كلكم حبيباتي